Վարդան Մարաշլյան

Վերադարձ Հայաստան հիմնադրամի համահիմնադիր և գործադիր տնօրեն

Ես իմ լիակատար աջակցությունն եմ հայտնում «ռեԱրմենիա» հարթակին։ Այն միավորում  է տարրեր, որոնք այնքան կարևոր են այսօր սփյուռքի արդյունավետ ներգրավվածության համար։  Խոսքը պրոֆեսիոնալ և հայրենասեր թիմի, կարևոր նախագծերի ճիշտ ընտրության համակարգի  և թափանցիկության մասին է։

Անի Բաղդասարյան

«ռեԱրմենիա» հարթակում «Ե՛կ նվագենք դաշնամուր» նախագծի հեղինակ

Սեփական փորձով կարող եմ փաստել, որ «ռեԱրմենիա» հարթակը և թիկունքում կանգնած  թիմի հսկայական աշխատանքը կարճ ժամանակում իր պտուղներն է տալիս՝ համախմբելով հայրենանվեր,  գաղափարակից մարդկանց և իրականություն դարձնելով ազգապահպան, մշակութահեն բազմակողմանի  ծրագրեր: Իմ տարիների ցանկությունը՝ ստեղծելու դաշնամուրի հայալեզու, գունազարդ,  ժամանակակից ձեռնարկ, արդեն իրականություն է «ռեԱրմենիա» հարթակի միջոցով ստեղծված  համագործակցությունների շնորհիվ և հաջողությամբ շարունակում է հանրայնացվել՝ ապացուցելով  այս նախաձեռնության կարևորությունը:

Հայկ Հովակիմյան

«Repat Riarch»-ի հիմնադիր

Աշխարհի հայերի փոխգործակցությունը, հորիզոնական կապերի զարգացումը, վստահության  մթնոլորտի բարձրացումը և սեփական պետության ճակատագրում ներգրավվածությունը հայկական  աշխարհի գոյության հիմնական պայմաններն են։ Հենց դրա համար էլ անհրաժեշտ է «ռեԱրմենիա»  հարթակը, որը հզոր գործիք է յուրաքանչյուր գիտակից հայի ձեռքում, ով պատրաստ է ստանձնել  պատասխանատվություն իր ժողովրդի ապագայի համար։ Այսօր մենք պետք է վերանայենք միմյանց  հետ աշխատելու մեր կարողությունները, և ես ուրախ եմ, որ 21-րդ դարը տեխնոլոգիաների  դարաշրջան է, որը կօգնի մեզ հաղթահարել անցյալի բոլոր խոչընդոտները: