Գրքահավաք Վաղուհաս գյուղում
Աջակցենք ժամանակակից և որակյալ համայնքային գրադարանի ստեղծմանը:
8 համագործակցության առաջարկ
Ի՞նչ է համագործակցության նախագիծը
Համագործակցության նախագծերի դեպքում որևէ խնդրի լուծման համար անհրաժեշտ են լինում նյութական իրեր՝ սարքավորումներ, հագուստ, համակարգիչներ և այլն, և մարդկանց աջակցությունը գիտելիքի, փորձի և/կամ կապերի միջոցով։
Համագործակցության կարիքներ
Այս նախաձեռնությունը կազմակերպում ենք Արցախի Մարտակերտի շրջանի Վաղուհաս գյուղում համայնքային գրադարան ունենալու համար: Համայնքային գրադարան ունենալու համար կարևոր խնդիրներից մեկը՝ գրքերի ձեռք բերումն է, որն էլ ներկայիս մեր խնդիրն է համարվում: Ակնկալում ենք, որ մեզ կօգնեն, որպեսզի հնարավորինս չափ կարողանանք տարբեր հարթակներում տարածել և ներկայացնել, որ գյուղում գրադարան լինելու համար նախաձեռնվել է գրքերի հավաքում և նվիրում: Ակնկալում ենք մարդկանց պատրաստակամությունն ու աջակցությունը գրքերի ձեռք բերման գործում:
Ես՝ Նարան եմ, 27 տարեկան: Մասնագիտությամբ մանկավարժ: Աշխատել եմ տարբեր ոլորտներում, տարբեր պաշտոններում՝ ծրագրավորող, գանձապահ, ադմինիստրատոր, օպերատոր, դասվար, մթերային խանութում վաճառողուհի, աշակերտների առաջնորդության դասընթացավար: Բոլորն էլ իրենց հետաքրքրությունն ունեն: Սակայն սիրում եմ աշխատել աշակերտների հետ, մտնել նրանց մոլորակ, հասկանալ նրանց հոգին ու թևեր տալ՝ դեպի վեր ճախրելու, երջանիկ լինելու, ազատ լինելու, արժանապատիվ լինելու համար: Երազում եմ ունենալ սեփական <<Երեխաների զարգացման կենտրոն>> , ինչպես նաև երազում եմ լինել տիեզերքում: Ամուսնացած եմ, ունեմ մեկ դուստր: Ներկա պահին չեմ աշխատում: Բնակվում եմ ԱՀ, Մարտակերտի շրջանի Վաղուհաս գյուղում:
Այս նախագիծն աջակցում է`
Կայուն Զարգացման Նպատակներին
«Ապագա Հայկանանը» Նպատակներին
Վաղուհասի երեխաների համար հերթական երջանիկ պահերը. Գրքահավաքի ընթացքում հավաքագրված գրեթե 800 գրքերը տեղավորել ենք Վաղուհասի միջնակարգ դպրոցի գրադարանում։ Եվս մեկ անգամ շնորհակալություն ենք հայտնում մեր բոլոր աջակիցներին։
Շուրջ 800 գի՜րք Վաղուհասի փոքրիկներին։
Բոլորիդ հոգատարության շնորհիվ Վաղուհասի գրադարանը զինվեց ամենալավ գրքերով, ուստի արդեն կարող ենք մեր առաքելությունը համարել կատարված։ Ինչպես ասում է Հյուգոն, գրքերն ապահով բարեկամներ են, ուրեմն երեխաների կրթվածությունն ապահով ձեռքերում է…
Շնորհակալությու՜ն բոլորիդ։ Երեխաները ոչ միայն կսկսեն ընթերցել, այլև միշտ կհիշեն ու կոգեշնչվեն բոլոր այն օրինակելի պատմություններով, որ տեղի ունեցան գրքավաքի ողջ ընթացքում։
Շնորհակալ ենք Անի Ապրեսյանին գրադարանին 47 գիրք նվիրելու համար:
Կինոգետ, արձակագիր, արվեստագիտության թեկնածու, դոցենտ, ԵԹԿՊԻ դասախոս
Սիրանույշ Գալստյանը սիրով նվիրեց մեզ իր «Թարգմանված Իրականություն» հեղինակային գիրքը և անձնական գրադարանից գեղարվեստական գրքեր:
Վաղուհասի գրադարանը համալրվում է հրաշալի գրքերով:
Շնորհակալ ենք Ձեզ
Մեզ է միացել MYbookstore-ը
Ահա մենք այսպիսի գեղեցիկ անկյուն ունենք, որտեղ կարող եք ծանոթանալ մեր նախընտրելի գրքերի ցանկին: Շնորհակալ ենք ձեզ!
Իսկ մենք շարունակում ենք մեր դրամահավաքը մեր գրադարանի և խաղահրապարակի կառուցման համար:
Գումարի 90%-ին ենք արդեն հասնում բոլորիդ միավորման շնորհիվ՝ https://bit.ly/3BDYbyH
Սիրով միշտ ձեր՝
Արցախի երեխաներ։
#4000X2000challenge #ԱրցախիՀամար
Եվս +500 գիրք!
Մեր նոր կառուցվող գրադարանի համար գրքահավաքին ակտիվ միանում են բոլորը!
Այս անգամ Վաղուհաս դպրոցի նախկին աշակերտուհի Աստղիկ Աբրահամյանը (https://www.facebook.com/astghik.abrahamyan.01) գիրք է հավաքել իր ընկերների հետ մեր գրադարանի համար:
Շնորհակալ ենք բոլորին, որ մեզ հետ եք!
Այսօր 107 գիրք ենք նվեր ստացել մեր նոր կառուցվող գրադարանի համար Ստեփանակերտցի Նանար Սիմոնյանի կողմից, ինչպես նաև նրա հեղինակային գրքից մի քանի օրինակներ:
Շնորհակալ ենք Ձեզ:
Գրքահավաքի համար անհրաժեշտ գրքերի ցանկը՝
Գրքահավաք Վաղուհաս գյուղում
Աջակցենք ժամանակակից և որակյալ համայնքային գրադարանի ստեղծմանը:
8 համագործակցության առաջարկ
Ի՞նչ է համագործակցության նախագիծը
Համագործակցության նախագծերի դեպքում որևէ խնդրի լուծման համար անհրաժեշտ են լինում նյութական իրեր՝ սարքավորումներ, հագուստ, համակարգիչներ և այլն, և մարդկանց աջակցությունը գիտելիքի, փորձի և/կամ կապերի միջոցով։
Համագործակցության կարիքներ