Մասնակցիր Արցախի մեր հայրենակիցների համար ժամանակավոր հանգրվան ստեղծելուն:

Արցախցի մեր հայրենակիցները մեր աջակցության հրատապ կարիքն ունեն։ 

Հազարավոր ընտանիքներ ստիպված են եղել լքել իրենց տները և տեղափոխվել Հայաստան: 

Մենք սկսում ենք դրամահավաք արշավ՝ Արտաշատում ստեղծելու 100 մահճակալով, հիգիենայի և այլ առաջնային կարիքները հոգալու հարմարությաններով գիշերակացի վայր, որտեղ մեր եղբայրներն ու քույրերը 2-3 օրով կգտնեն ժամանակավոր հանգրվան` մինչ սոցիալական ծառայությունները կգրանցեն նրանց և կառաջարկեն խնդիրների երկարաժամկետ լուծում: 

Ընտանիքները կապահովվեն ոչ միայն գիշերակացով, այլ նաև 3-անգամյա սնունդով և հիգիենայի պարագաներով: 

Ձեր նվիրատվությունները կօգնեն մեզ ստեղծել ջերմ և հյուրընկալ տարածք՝ մխիթարություն և հույս տալով նրանց, ովքեր բախվել են աներևակայելի փորձությունների: Միասին մենք կարող ենք իրական օգնություն ցուցաբերել մեր քույրերի և եղբայրներին: Ձեր աջակցությունը, անկախ չափից, կօգնի ապահովել հարմարավետություն, անվտանգություն և հույս նրանց համար, ովքեր դրա կարիքն ունեն ամենաշատը:

Միացե՛ք մեզ այս մարդասիրական ջանքերում։ Յուրաքանչյուր լուման կարևոր է: Եկեք մեր հայրենակիցներին ցույց տանք մեր միասնության և կարեկցանքի ուժը: 

🎯 Մեր թիրախն է ներգրավել 10.000.000 դրամ, որը կապահովի տարածքի կահավորումը և առաջին շաբաթվա ընթացիկ ծախսերը:

Ծախսերի մանրամասն բացվածքին կարող եք ծանոտանալ այստեղ