Ձեր օգնությամբ, մենք Նոյեմբերյանի դպրոցի լքված 200 քմ ջերմատունը կփոխակերպենք Հայաստանի առաջին պերմակուլտուրային ուսումնական կենտրոնի։

Ինչո՞ւ է պերմակուլտուրան կարևոր Հայաստանի համար

Հայաստանում տեղի ունեցող գյուղատնտեսությունը կայուն չէ և չարաշահում է հողն ու երկրի ջրի պաշարները։

Հողի որակի անկման ու ոռոգման ջրի պակասի արդյունքում տարեց տարի ընկնում է բերքի քանակն ու որակը և շատ ֆերմերներ օր ու գիշեր աշխատելով մեկտեղ շարունակում են ապրել աղքատության մեջ: Անհրաժեշտ է լինում օգտագործել արհեստական պարարտանյութեր ու այլ քիմիկատներ՝ նվազագույն բերքը ապահովելու համար։

Պերմակուլտուրայի միջոցով կարող ենք ճիշտ ձևով նախագծել գյուղատնտեսական տարածքների երկարաժամկետ օգտագործումը, որպիսի դրանք լինեն բնական էկոհամակարգերի պես պարարտ, բազմազան, ու դիմացկուն:

Սակայն Հայաստանում մարդկանց մեծ մասը տեղյակ չի պերմակուլտուրայի մասին: Արդյունքում, Նոյեմբերյանի նման համայնքներն ինքնաբավ չեն սննդի առումով, թեև ունեն բոլոր ռեսուրսները՝ սննդամթերքի բարձր քանակի, որակի և բազմազանության ապահովման համար:

Մենք ուզում ենք փոխել այս իրավիճակը։

Սահմանամերձ Նոյեմբերյան քաղաքի ավագ դպրոցի հարևանությամբ լքված ջերմատուն կար։ Ահա թե այն ինչ տեսք ուներ նախքան այս նախագիծը սկսելը:

«Climate Uturn»-ի ծրագրի ընթացքում պերմակուլտուրայի մասին սովորելուց հետո, դպրոցի 10-րդ դասարանի աշակերտները որոշեցին վերափոխել այս լքված կառույցը պերմակուլտուրային ուսումնական ջերմատան, որը կծառայի որպես Հայաստանի առաջին պերմակուլտուրայի ուսուցման կենտրոնը:

Այնտեղ համայնքի բնակիչները կարող են անցնել պերմակուլտուրայի գործնական դասընթացներ ու ոլորտում փորձ ձեռք բերել, ինչը կխթանի կայուն ապրելակերպը և կբարձրացնի սեփական տարածքների բերքատվությունը:

Ջերմատան թիմը նաև կտրամադրի շարունակական խորհրդատվություն և պերմակուլտուրային նախագծման ծառայություններ, ինչպես նաև համայնքին կվաճառի ջերմատանը արտադրված տեղական օրգանական բերքը, սերմերը և սածիլները:

Դպրոցի աշակերտներն արդեն «Farmer to Farmer»-ի հետ համագործակցության շրջանակներում ԱՄՆ-ից հրավիրված պերմակուլտուրայի փորձագետ Զաք Մերմելի օգնությամբ գծագրել են ջերմատան պերմակուլտուրային դիզայնը։

Նվիրաբերե՛ք մեր դրամահավաքին:

Օգնեք մեզ այս տարի հավաքել ջերմատան նորոգման համար անհրաժեշտ գումարը:

Նոյեմբերյանում պերմակուլտուրայի զարգացման թիմի մասին

Այս նախագիծը նախաձեռնել են Նոյեմբերյանի ավագ դպրոցի 10-րդ դասարանի աշակերտները՝ «Climate Uturn»-ի թիմի աջակցությամբ։ Այժմ ծրագրի թիմն ընդլայնվել է, և դպրոցի բոլոր դասարանների աշակերտներն ու ուսուցիչները մասնակցում են դրա իրագործմանը:

Կազմակերպություններ և ընկերություններ, որոնք աջակցում են մեր նախաձեռնությանը

• ISSD-ն (Innovative Solutions for Sustainable Development of Communities) տրամադրում է կոմպոստի արկղ՝ դպրոցական թափոնների կոմպոստացման համակարգի համար:
• Farmer to Farmer Armenia-ն պերմակուլտուրայի մասնագետ Զակ Մերմելին բերեց Հայաստան, որպիսի օգնի մեր նախաձեռնության իրականացման գործընթացում

• Smart Farms Spitak ընկերությունը տրամադրել է Կալիֆորնիական կոմպոստի որդեր մեր վերմիֆերմայի համար: Ընկերության փորձագետները նաև դասընթացներ և գործնական դասեր են անցկացրել աշակերտների հետ առցանց և հենց ապագա ջերմատան տարածքում։ Նաև նվիրել են բազմաթիվ տարատեսակ որակյալ սածիլներ, որի համար անչափ շնորհակալ ենք։

Այս ամիս աշակերտները ունեցան իրենց առաջին բերքը, որը վաճառվեց դպրոցի համայնքին, իսկ շահույթը կծախսվի նոր սերմեր ձեռք բերելու վրա՝ ապագա մշակաբույսերի բազմազանությունը մեծացնելու համար:

Ցանկանու՞մ եք հետևել մեր առաջընթացին

Աշակերտները այժմ ղեկավարում են պերմակուլտուրայի վերաբերյալ առաջին հայկական ֆեյսբուքյան խումբը, որը կոչվում է «Պերմակուլտուրան Հայաստանում Պատանիների Ձեռքերով»։ Խմբին կարող եք միանալ այստեղ։

Նվիրաբերե՛ք մեր դրամահավաքին:

Օգնեք մեզ այս տարի հավաքել ջերմատան նորոգման համար անհրաժեշտ գումարը:

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին