Խնդիր

Ինստիտուտի հնացած լաբորատոր ենթակառուցվածքները և սարքավորումները խոչընդոտում են հետազոտողների՝ հատկապես երիտասարդ գիտնականների, առաջադեմ հետազոտությունների իրականացմանը և գրախոսվող միջազգային գիտական ​​ամսագրերում հոդվածների հրապարակմանը:

Լուծում

Միացե՛ք մեզ ՀՀ գիտությունների ազգային ակադեմիայի Ա. Թախտաջյանի անվան բուսաբանության ինստիտուտում բույսերի, սնկերի, մամուռների և քարաքոսերի ուսումնասիրության նպատակով ժամանակակից մոլեկուլային լաբորատորիա հիմնելու համար:

Ինչու՞ է դա կարևոր

• Հնարավորություն կտա մեր գիտնականներին բացահայտել, անվանել և նկարագրել բույսերի, մամուռների, քարաքոսերի և սնկերի նոր տեսակներ, իրականացնել կենսաբանական համակեցությունների ֆիլոգենետիկ, կարգաբանական և էկոլոգիական հետազոտություններ;
• Աջակցել կենսաբազմազանության պահպանմանն ուղղված ջանքերին՝ գիտական ​​բացահայտումների և ԴՆԹ-ի շտրիխ կոդավորման միջոցով;
• Հնարավորություն ընձեռել Բուսաբանության ինստիտուտի և Երևանի պետական ​​համալսարանի բուսաբանության և սնկաբանության ամբիոնի երիտասարդ գիտաշխատողներին և ուսանողներին ներգրավվել և իրականացնել ժամանակակից հետազոտություններ;
• Խթանել միջազգային համագործակցությունը և համագործակցությունը սփյուռքի գիտնականների հետ (օրինակ՝ Հայ սնկաբանների միջազգային համագումարն է):

Նախատեսվող սարքավորումների միջոցով Հայաստանի բազմաթիվ եզակի էկոհամակարգերից հավաքված նմուշներից կանջատվեն և կամպլիֆիկացվեն ԴՆԹ-ներ:

Ձեր նվիրատվության շնորհիվ լաբորատորիան կվերանորոգվի և կկահավորվի ժամանակակից սարքավորումներով՝ Հայաստանում արդյունավետ, անվտանգ և ճշգրիտ հետազոտությունները դյուրին դարձնելու համար: Բուսաբանության ինստիտուտն արդեն ստացել է Հայաստանի գիտության կոմիտեի աջակցությունը՝ 40000 ԱՄՆ դոլարին համարժեք սարքավորումներ ձեռք բերելու համար, ևս 4000 ԱՄՆ դոլար՝ Հայ սնկաբանների միջազգային համագումարի մեր գործընկերների կողմից կազմակերպված դրամահավաքի միջոցով, ինչպես նաև ակնկալվում է 5.000 ԱՄՆ դոլար ՀՀ ԳԱԱ-ից։ Մեր լաբորատորիան համալրելու համար մեզ անհրաժեշտ է ևս 13815 ԱՄՆ դոլար: Ձեր աջակցությամբ մենք պատրաստվում ենք ձեռք բերել այնպիսի անհրաժեշտ սարքավորումներ, ինչպիսիք են բլոկային թերմոստատը, հոմոգենիզատորը, միկրո-սպին/վորտեքսը, ջրի թորման սարքը և այլն, ինչպես նաև լաբորատոր կահույք, սառնարան և օդափոխման համակարգ:

Յուրաքանչյուր ներդրում կօգնի մեզ հասնել մեր նպատակին:

Շնորհակալություն Ձեր աջակցության համար:

Մեր թիմը

ՀՀ ԳԱԱ Ա. Թախտաջյանի անվան բուսաբանության ինստիտուտը հիմնադրվել է 1938 թվականին, Երևանի բուսաբանական այգու հետ (հիմնադրվել է 1935 թվականին, ներկայումս ինստիտուտի ստորաբաժանումը) միասին միակ գիտահետազոտական հաստատությունն է Հայաստանում, որը նպատակաուղղված իրականացնում է բույսերի բազմազանության և պահպանության, ֆիզիոլոգիայի, կարգաբանության, ֆիլոգենիայի, պալեոբուսաբանության, գեոբուսաբանության և այլ ուսումնասիրություններ։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին