Մեր առաքելությունը

44-օրյա ավերիչ պատերազմի ավարտից հետո ուսուցիչների, ինժեներների, արվեստագետների և պատմաբանների ընկերական մի խումբ միավորվեց` նպատակ ունենալով ստեղծել համայնք, որտեղ կրթութունը և ընկերական մթնոլորտը կօգնեն շտկել պատերազմի ընթացքում ձեռք բերած հոգեբանական տրավմաները: 

2020 թվականի վերջին հիմնադրվեց ՈՒսումնական Առաքելությունը, որի նպատակն է օգնել պատերազմի վետերաններին վերաինտեգրվել հասարակություն` առաջարկելով համապարփակ կրթական ծրագիր, որի շեշտը դրված է տեղեկատվական տեխնոլոգիաների և անգլերենի վրա:

Մեր Հաջողությունները

Այսօր մենք հպարտ ենք, որ պատերազմի շուրջ 170 վետերան դարձել է Ուսումնական Առաքելության ընտանիքի անդամ: Մեր ուսանողներից 35-ը աշխատում են Հայաստանի տեխնոլոգիական ոլորտում, իսկ 5 ուսանող ընդունվել է տարբեր համալսարաններ:

Մեր ուսանողների 100%-ը խոստովանեց, որ «Ուսումնական Առաքելություն» համայնքի մաս լինելն օգնեց իրենց հաղթահարել հետտրավմատիկ սթրեսը: Մեզ համար սա հաջողության գրավական է:

Ստորև ներկայացված տեսանյութը պատմում է մեր հինգ ուսանողների պատմությունները՝ ծանոթացնելով իրենց յուրահատուկ փորձի մասին:

Հաջողությունը մեզ համար համայնքին վերադարձնելու գաղափարն է: Մեր շրջանավարտներից յոթն այժմ դասավանդում և ուղղորդում են այլ ուսանողների:

Մեր Ուսանողները

Ուսումնական Առաքելության շահառուներն են.

• 2022, 2020 և 2016 թվականների պատերազմների վետերաններ.
• Հայաստանի և Արցախի զինված ուժերի զոհված, անհայտ կորած կամ գերի ընկած զինծառայողների և սպաների երեխաներն ու քույրերը և եղբայրները (14-22 տարեկան).
• Հայաստանի և Արցախի զինված ուժերում ներկայումս ծառայող սպաների երեխաներ (14-22 տարեկան).
• Պարտադիր զինվորական ծառայությունը ավարտած` Հայաստանի և Արցախի ժամկետային զինծառայողներ.

Որո՞նք են «Ուսումնական Առաքելություն» կրթական ծրագրի ընդունման չափանիշները:

Մենք միայն էնտուզիազմ ենք պահանջում։ Մեր ուսանողները կարիք չունեն ապացուցելու, որ արժանի են դառնալ «Ուսումնական Առաքելություն» ծրագրի անդամ: Նրանք դա արդեն ապացուցել են մարտի դաշտում։

Համայնքային ոգին հնարավորություն է տալիս մեր պատերազմի վետերան ուսանողներին առաջադիմել իրենց ուսման մեջ, բարելավելով նաև հոգեկան առողջությունը, քանզի նրանք լիարժեք աջակցություն են ստանում ՈՒսումնական Առաքելության ողջ ընտանիքից, ներառյալ իրենց հասակակիցները:

Մեր Թիմը

Եթե ցանկանում եք օգտագործել PayPal համակարգը ձեր նվիրատվության համար, հետևեք այս հղումին:

Արցախի Դասարան

Ուսումնական Առաքելությունը 2022 թվականի աշնանը հիմնեց հատուկ դասարան Արցախում բնակվող ուսանողների համար: Մենք բախտ ունեցանք հասնել Արցախ, հանդիպել մեր ուսանողներին և նրանց տրամադրել համակարգիչներ, նախքան Ադրբեջանի կողմից կազմակերպված հանցավոր շրջափակումը: Մենք հպարտ ենք մեր արցախցի հերոսներով, ովքեր իրենց կրթությունը շարունակում են այս դժվարին պայմաններում: Չնայած շրջափակմանը, Ուսումնական Առաքելությունը վճռականորեն տրամադրված է հիմնել նոր դասարաններ Արցախում:

Ուսանողի Ուղին Ուսումնական Առաքելության հետ

Ուսումնական Առաքելությունը չի առաջարկում ծրագրավորման լեզվի արագացված դասընթաց, քանի որ մենք կողմնակից ենք կրթության համապարփակ և ամբողջական մոտեցմանը: Մեր ստանդարտ ծրագրի տևողությունն է 12-18 ամիս, ինչը թույլ է տալիս մեզ հարմարեցնել ուսումնական ծրագիրը մեր ուսանողի անհատական տեմպին:

Մենք մեր ուսանողներին սովորեցնում ենք համակարգչային գիտության հիմունքները և ծանոթացնում C++ ծրագրավորման լեզվին: 6 ամսից հետո ուսանողները հնարավորություն ունեն շարունակել C++ խորացված ուսուցումը կամ ընտրել Python կամ Javascript լեզուների դասընթաց:

Առաջադեմ ուսանողները հրավիրվում են մասնակցել Learning Mission Labs ծրագրին, որը կիրառական փորձ է, և թույլ է տալիս նրանց ծանոթանալ իրական աշխարհի տեխնոլոգիաների հետ: Այս ծրագրի միջոցով ուսանողները ձեռք են բերում գործնական փորձ` առնչվելով նորագույն տեխնոլոգիաների և ծրագրավորման պրոցեսների հետ: 

Ուսումնական առաքելության յուրաքանչյուր ուսանող մասնակցում է անգլերենի դասընթացներին, որոնք անցկացվում են շաբաթական երկու անգամ: Շաբաթը մեկ անգամ մենք վարում ենք անգլերեն խոսակցության ակումբ: Որպես անգլերենի մեր կրթության մաս, Ուսումնական Առաքելությունը մեծ ուշադրություն է դարձնում փափուկ հմտությունների զարգացմանը:

Մենք շատ ավելին ենք

Որպես կրթական համայնք՝ մենք չենք բևեռվում միայն ծրագրավորման և անգլերենի դասավանդման վրա: Մեր ուսանողները ներգրավված են բազմազան ուսումնական ծրագրի մեջ, որի մեջ մտնում է պատմություն, արվեստ և հայագիտություն: Ավելին, մենք պարբերաբար հրավիրում ենք տարբեր ոլորտների դասախոսների՝ ծանոթացնելու իրենց փորձի հետ մի շարք մասնագիտություններում, օրինակ. գենետիկայում, ֆինանսներում և այլն:

Որպես համայնք՝ մենք ակտիվորեն մասնակցում ենք մշակութային և տեխնոլոգիական միջոցառումների, և այցելելում ենք հայկական տարբեր տեխնոլոգիական ընկերություններ: Այս փորձառությունները ոգևորում են մեր ուսանողներին`փոխելով նրանց աշխարհայացքը:

Ուսումնական Առաքելության ուսանողներն այցելում են Siemens Հայաստան՝ ծանոթանալու կիսահաղորդչային արդյունաբերությանը:

Ուսումնական Առաքելության ուսանողները` Դիջիթեք Հայաստան այցելության ընթացքում:

Ուսումնական Առաքելության ուսանողները` հետիմպրեսիոնիզմի դասախոսության ընթացքում, հրաշալի Նանա Մինասյանի հետ:

Ուսումնական Առաքելության ուսանողները`Երևանի մնջախաղի թատրոնում:

Շնորհակալություն! Մենք անհամբեր սպասում ենք ձեզ մեր համայնքում:

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին