ՀԱՄԱՌՈՏ ՆԿԱՐԱԳՐՈՒԹՅՈՒՆ

Արշավն ուղղված է աջակցելու հայ երիտասարդ նորարարներին՝ Ռոբոտների համաշխարհային օլիմպիադայի ազգային փուլի հաղթող GDL թիմին, մասնակցելու Ռոբոտների Համաշխարհային օլիմպիադային: Ձեր աջակցությամբ կկատարվի այս երեխաների երազանքը՝ ներկայացնելու Հայաստանը միջազգային ասպարեզում, ինչն անգնահատելի փորձառություն կլինի նրանց ապագայի համար և կզարգացնի ԳՏՃԱՄ/STEM ոլորտը Հայաստանում՝ դարձնելով դրա արդյունքները մրցունակ համաշխարհային մակարդակով:

ԱԶԴԵՑՈՒԹՅՈՒՆ

Արշավի շնորհիվ Սիլվան, Էլենը և Մկրտիչը հնարավորություն կունենան մասնակցելու Ռոբոտների Համաշխարհային օլիմպիադային՝ ծանոթանալով նոր տեխնոլոգիաներին և ձեռք բերելով անգնահատելի փորձառություն: Այս նախագիծը կխթանի STEM կրթությունը Հայաստանում՝ ոգեշնչելով հազարավոր երիտասարդներին հետամուտ լինել գիտությանը, տեխնոլոգիային, ինժեներությանը և մաթեմատիկային: Նախագիծն արդեն ունի զգալի ազդեցություն՝ թիմի անդամները կամավոր հիմունքներով իրենց գիտելիքները փոխանցում են փոքր երեխաներին, ստեղծելով գիտության նկատմամբ սիրով լի համայնք: Արշավի հաջողությունը նաև հնարավորություն կտա ցուցադրել Հայաստանի տաղանդն ու կարողությունները միջազգային ասպարեզում՝ խթանելով երկրի դրական հեղինակությունը:

ԽՆԴԻՐ

Հայաստանի Շիրակի մարզում, մասնավորապես Գյումրիում, երիտասարդ տաղանդները զգալի մարտահրավերների են բախվում STEM ոլորտում զարգացման հնարավորությունների հասանելիության հարցում: Այս մարզն ամենաաղքատն է Հայաստանում, ինչը սահմանափակում է կրթական և արտադպրոցական գործունեության համար հասանելի ռեսուրսները։

Մեր տաղանդավոր երիտասարդներից կազմված թիմը՝ Սիլվան, Էլենը և Մկրտիչը, վերջերս հաղթեցին Ռոբոտների համաշխարհային օլիմպիադայի ազգային փուլում՝ ցուցադրելով իրենց հմտությունները և նորարարական Smart Sort նախագիծը: Սակայն, նրանք բախվում են ֆինանսական խոչընդոտների, որոնք թույլ չեն տալիս մասնակցել Իտալիայում կայանալիք ռոբոտների համաշխարհային օլիմպիադայի բաց առաջնությանը։

Առանց անհրաժեշտ հովանավորության, այս պայծառ մտքերը բաց կթողնեն Հայաստանը միջազգային հարթակում ներկայացնելու, բացահայտվելու և իրենց հմտություններն ավելի զարգացնելու արժեքավոր հնարավորությունը: Սա ոչ միայն ազդում է նրանց անհատական ​​աճի վրա, այլև

նվազեցնում է տարածաշրջանի մյուս երիտասարդների ոգեշնչման ներուժը՝ բացահայտելու STEM ոլորտները:

ԼՈՒԾՈՒՄ

Հովանավորությունը և ֆինանսական աջակցությունը երիտասարդ նորարարների մեր թիմին հնարավորություն է տալիս մասնակցել Իտալիայում կայանալիք Ռոբոտների համաշխարհային օլիմպիադայի բաց առաջնությանը և ներկայացնել Հայաստանը միջազգային հարթակում: Սա GDL թիմի համար կարող է մրցակցելու և միջազգային ճանաչում ձեռք բերելու հնարավորություն դառնալ: Նրանք կզարգացնեն իրենց տեխնիկական, ներկայացման և համագործակցության հմտությունները: Դա մեծ ոգեշնչում կլինի Շիրակի մարզում և նրա սահմաններից դուրս այլ հայ երիտասարդների համար, մոտիվացիա՝ ներդրվելու STEM ոլորտների մեջ և մասնակցելու նմանատիպ մրցույթների:

ԹԻՄ

Թիմի անդամներ՝

• Սիլվա — տեղեկատվական և ռոբոտաշինության ոլորտները շատ սիրող պարմանուհի: Սիլվան գերազանց է նաև դաշնամուր նվագելու մեջ, սիրում է պարել և ազատ ժամանակ սիրում է գրքեր կարդալ։

• Էլեն — տոբոտաշինության ոլորտում նվիրված և ստեղծագործ միտք ունի Էլենը, նա նաև ջութակ է նվագում, պարում և հաճույքով լուծում է տրամաբանական առաջադրանքներ:

• Մկրտիչ —տաղանդավոր և եռանդուն ռոբոտիստ Մկրտիչը գերազանց է մաթեմատիկայի մեջ, հաղթել է բազմաթիվ ազգային մաթեմատիկական մրցույթներում և հաճույք է ստանում սպորտից:

Մեր թիմը ծագումով Գյումրիից է: Չնայած մեր զարգացող երկրում հանդիպող մարտահրավերներին, մենք անհամար ժամեր ենք նվիրել մեր նախագծի զարգացմանը և ցանկանում ենք մեր գաղափարները համաշխարհային հարթակ դուրս բերել: Ի հավելումն ռոբոտաշինության մեջ իրենց գերազանցության, մեր թիմի յուրաքանչյուր անդամ բազմակողմանիորեն զարգացած է և մասնակցում է տարբեր արտադասարանական միջոցառումների, ինչպիսիք են երաժշտական ​​գործիքներ նվագելը, պարելը, ակադեմիական ոլորտում նախագծեր իրականացնելը և սպորտը: Ավելին, թիմի բոլոր անդամները ունեն մեծ սոցիալական պատասխանատվություն:

ԲՅՈՒՋԵ

Բյուջեին կարող եք ծանոթանակ հետևյալ հղումով:

ՀԱՃԱԽ ՏՐՎՈՂ ՀԱՐՑԵՐ

1. Քանի՞ տարեկան են երեխաները: - Պատասխան 14, 14, 13
2. Ի՞նչ նախագիծ է Smart Sort-ը - Պատասխան Smart Sort վերամշակվող աղբի խելացի տարանջատման հա��ակարգ է:
3. Արդյո՞ք օլիմպիադան հովանավորվում է պետության կողմից որևէ կերպ: - Պատասխան Ոչ, ռոբոտների համաշխարհային օլիմպիադան չի ֆինանսավորվում պետության կողմից որևէ կերպ:
4. Smart Sort-ը կիրառելի՞ է և նորարարությու՞ն է: Պատասխան Smart Sort-ը իրական կյանքում կիրառվող ստարտափ է: