Պատկերացրեք մի պահ, որ արթնացել եք ու պարզել, որ տարիներ շարունակ Ձեր ընտանիքի սննդի միակ աղբյուրը այլևս հասանելի չէ: 

Սա է այն դառն իրականությո��նը, որին այժմ բախվում է Արցախի ժողովուրդը։ Վերջին պատերազմը և դրա հետևանքները հանգեցրել են նոր իրավիճակների, որոնց պետք է դիմակայեն Արցախը և արցախցիները՝ գոյատևելու համար ։

Պատերազմի արդյունքում Արցախը կորցրել է իր տարածքի 75% - ը՝ իր ֆերմերային տնտեսություններով, այգիներով և տնկարկներով հանդերձ։

Բացի հողերի կորստից՝ ադրբեջանական զինվորականներն արգելափակել կամ փոխել են այժմ օկուպացված Քարվաճառի շրջանի ջրային ռեսուրսների ուղիներն, ինչը հանգեցրել է տարածաշրջանում ջրի սուր պակասի։ Սա էլ ավելի է դժվարացրել տեղի բնակիչների համար բերք աճեցնելու և տեղական տնտեսության պահպանման խնդիրը:

Ավելին՝ ձմեռն Արցախում կարող է լինել չափազանց ցուրտ, երբ ձյան հաստ շերտը ծածկում է հողը տարվա մեջ 3-4 ամիս ։ Սա խիստ սահմանափակում է գյուղատնտեսական արտադրությունը ձմռան դաժան ամիսներին: 

Իր ապրուստը հոգալու համար Արցախի ժողովուրդը պետք է ուղիներ գտնի ավելացնելու իր գյուղատնտեսական արտադրանքը և հնարավորություն ունենա բերք աճեցնել ամբողջ տարվա ընթացքում։

Բայց ինչպե՞ս կարելի է հասնել դրան:

Ջերմոցը հիանալի միջոց է Արցախի առջև ծառացած հիմնական խնդիրների լուծման համար։ Այն ծախսարդյունավետ լուծում է, որը կարող է իրականացվել արագ և էֆֆեկտիվ: Ջերմոցները 3 անգամ ավելի արդյունավետ են օգտակար բերք ստանալու համար, քան ավանդական գյուղատնտեսական միջոցները. դրանք կարող են նվազեցնել ջրի սպառումը՝ պահպանելով խոնավությունը և օգտագործելով կաթիլային ոռոգում:

Մեր նպատակն է 400 քառ. մետր մակերեսով ջերմոցներ տրամադրել բանիմաց ֆերմերներին այն տարածքներում, որտեղ դրանք ամենաշատն են անհրաժեշտ: Եվ այժմ հանգանակություն ենք հավաքում Արցախի տարբեր շրջաններում 5 ջերմոցների կառուցման և կահավորման համար։

Յուրաքանչյուր ջերմոց հագեցած կլինի օրգանական գյուղատնտեսության համար անհրաժեշտ բոլոր նյութերով՝ ներառյալ ոռոգման համակարգը, օդափոխիչները և ջերմաստիճանի սենսորները:

Այս ջերմոցները պարենամթերքի և եկամտի կայուն աղբյուր կապահովեն Արցախի ընտանիքների համար, ինչպես նաև կօգնեն աշխուժացնել տեղական տնտեսությունը՝ բնական, տնային պայմաններում աճեցված մրգերով և բանջարեղենով ։

Մենք սերտորեն համագործակցում ենք Արցախի Հանրապետության իշխանությունների հետ, որպեսզի ապահովենք ջերմոցների տեղակայումը ամենահարմար վայրերում։

Այս նախաձեռնությունը նպատակ ունի անել ավելին, քան պարզապես ջերմոցների կառուցումն է: Մենք նաև վերապատրաստում և մասնագիտական աջակցություն ենք տրամադրում տեղական ֆերմերներին ՝ օգնելով նրանց բարձրացնել բերքատվությունը և ապահովելով ավելի ներգրավված լինեն գյուղատնտեսությանն օգնելու աշխատանքներում:

Այսպիսով, ջերմոցները կարող են մեծացնել զբաղվածությունը, բերքատվությունը և տեղական ֆերմերների եկամուտները:

Այսօրվա դրությամբ մենք կառուցել կամ վերանորոգել ենք ավելի քան 6 ջերմոց, որոնք վնասվել են պատերազմի ժամանակ ։ Շրջափակման հետևանքով առաջացած հումանիտար ճգնաժամը Արցախի ընտանիքների գոյատևման համար ավելի շատ ջերմոցների կառուցումը դարձել է հրատապ։

Մենք հավատում ենք համագործակցության ուժին՝ երկարաժամկետ փոփոխություններ ստեղծելու նպատակով: Մենք շնորհակալ ենք մի շարք գործընկերների՝ համագործակցության համար, ովքեր կիսում են մեր տեսլականը և օգնում մեզ դրական ազդեցություն ունենալ մեր համայնքի վրա և դրանից դուրս:

Մեզ անհրաժեշտ է ձեր աջակցությունը ՝ երկարաժամկետ և իմաստալից փոփոխություններ կատարելու համար:

Աջակցելով մեր նախաձեռնությանը ՝ դուք անմիջական ազդեցություն կունենաք Արցախի ժողովրդի կյանքի որակի վրա։ Ձեր նվիրատվությունը կօգնի ապահովել ընտանիքների սննդի անվտանգությունը և կնպաստի տեղական տնտեսության վերականգնմանը:

Միացեք այս կարևոր առաքելությանը և եկեք միասին փոխենք իրավիճակը դեպի լավը:

Ցանկանում եք տեսնել, թե որտեղ են իրացվում ձեր նվիրատվությունները:

Ահա մանրամասնությունները, որտեղ ցույց է տրված ծրագրի բոլոր ծախսերը:

Նախագիծն աջակցում է՝

Կայուն Զարգացման Նպատակներ

«Ապագա Հայկականը» նպատակներ