Վերազինի՜ր Ախալքալաքի Արմաթը՝ նվիրաբերելով համակարգիչ

«Ջավախքին աջակցություն» հիմնադրամը (ՋԱՀ) մեծ տեղ տալով ՏՏ ոլորտի զարգացմանը, 2018 թվականին ԱՏՁՄ-ի հետ համագործակցությամբ ու անհատ բարերարների ու կազմակերպությունների ֆինանսավորմամբ «Արմաթ» նախագիծը բերեց Ջավախք։ Այժմ Ջավախքում գործում են թվով 10 «Արմաթ» կենտրոններ, որտեղ շուրջ 700 սան ստանում է անվճար տեխնոլոգիական կրթություն։

Առաջին և խորհրդանշական Արմաթը Ջավախքում Ախալքալաքի «Արմաթ» կենտրոնն է։ Այն բացվել է 2018 թվ-ին և գործում է մինչ օրս։ Սակայն այժմ կա ահրաժեշտություն «վերազինելու» և կենտրոնի գաղափարներին «նոր կյանք տալու»։

Մեր խնդիրն է

• Վերազինել Արմաթ Ախալքալաքը և այն համապատասխանեցնել ժամանակի պահանջներին,
• ընձեռնել հնարավորություն պատանիներին տեղում զարկ տալ ռոբոտաշինությանը, սեփական արտադրանքի ստեղծմանը, ամենատարբեր գաղափարներին ծավալ հաղորդելուն։

Հարկ է նշել, որ Արմաթ Ախալքալաք կարող են հաճախել ոչ միայն Ախալքալաքից, այլ նաև հարակից բնակավայրերից, քանի որ Ախալքալաքը հանդիսանում է շրջկենտրոն, սակայն համակարգիչների սակավության պատճառով շատ երեխաներ չեն կարողանում մասնակցել դասերին։ Հաշվի առնելով այս ամենը ժամանակի ընթացքում առաջացել է խմբակի մեծացման և վերազինման անհրաժեշտությունը։

Խնդիրների լուծման համար անհրաժեշտ է առնվազն 8 լրացուցիչ համակարգիչ

Արդյունքում

• Արմաթ Ախալքալաք կհաճախեն հարակից բնակավայրերից երեխաներ՝ ստանալով անվճար տեխնոլոգիական կրթություն
• Խմբակի սաների թիվը կաճի
• Երեխաները հնարավորություն կստանան կերտել իրենց ապագան հայրենի Ջավախքում։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին