Ստեփանավանի կենտրոնական գրադարանը քաղաքի կրթաժամանցային կենտրոններից մեկն է, որի գործունեությունը նպաստում է երիտասարդների զարգացմանը։ Գրադարանի դահլիճը հաճախ տրամադրվում է զանազան միջոցառումների կազմակերպման համար։

Ստեփանավանի կենտրոնական գրադարանի դահլիճը չունի նոութբուք, որի արդյունքում խիստ դժվարանում է դահլիճի՝ առանց այն էլ փոքր տարածքի օպտիմալ օգտագործումը, իսկ միջոցառումների բնույթով պայմանավորված տարածքի ձևափոխումները ամեն անգամ դառնում են առկա համակարգչի, դրա սեղանների, լարերի տեղափոխման, ապամոնտաժման պատճառ։

Իսկ պրոյեկտորը ընդհանրապես խափանվել է՝ դրանով իսկ անհնար դարձնելով մատուցվող նյութի ցուցադրումը, խափանելով միջոցառումների բնականոն ընթացքը։

Պրոյեկտորի և նոութբուքի առկայությունը կնպաստի միջոցառումների արդյունավետությանը, կհեշտացնի սեմինավարների գործը, կմեծացնի գրադարան եկող մարդկանց քանակը։

Մենք՝ Ստեփանավանի ակտիվ երիտասարդներս, լիահույս ենք, որ համագործակցության միջոցով կարող ենք օգնել գրադարանին և նպաստել մեր քաղաքի երիտասարդության զարգացմանը։