Խնդիր

44-օրյա պատերազմի արդյունքում Սյունիքի մարզի մի շարք բնակավայրեր դարձել են սահմանամերձ: Հատկապես այդ համայնքներում ապրող մեր հայրենակիցներն ունեն բոլորիս հատուկ ուշադրության և հոգատարության կարիքը:

Երեխաները մեր ապագան են ու կարևոր է նրանց համար կրթական և սոցիալական ծրագրերի իրականացումը համայնքների զանգացման համար՝ երկարաժամկետ արդյունքներ ապահովելու նպատակով: 

Գիտակցում ենք, որ կարևոր է մարզում ճիշտ խնդիրների վերհանումը, դրանց ճիշտ գնահատումն ու ճիշտ լուծումները: Այս ամենից ելնելով սկսում ենք գնահատման գործընթացը: Ստորև ներկայացնում ենք առաջարկն ու լուծումները, որոնց կարող եք աջակցել նաև դուք:

Առաջարկ

Ամերիաբանկը` որպես սոցիալապես պատասխանատու և մարդակենտրոն կազմակերպություն, ցանկանալով աջակցել մեր հայրենակիցներին, մասնավորապես` երեխաներին, մեկնարկում է նախագիծ` գնահատելու, վեր հանելու Սյունիքի մարզի սահմանամերձ համայնքների կարիքներն ու պահանջները, գտնելու գործընկերներ և համախոհներ, հասցեական և թիրախային լուծումներ: 

Փնտրում ենք մարզում երեխաների կրթությանն ու զարգացմանն ուղղված ծրագրեր, որոնք լուծելով կնպաստենք մարզի զարգացմանը: 

Լուծում

Խնդիրների լուծման համար անհրաժեշտ են նաև համագործակցողներ, ովքեր քաջատեղյակ են խնդիրներին, մտահոգված են վերը նշված հարցերով ու պատրաստակամ են տեղում կազմակերպել և իրականացնել աշխատանքները:

Ամերիաբանկը` որպես սոցիալապես պատասխանատու ընկերություն

Մենք միասին ստեղծում ենք ավելի լավ աշխարհ հանուն հասարակության և մեր երկրի բարօրության:

Կորպորատիվ սոցիալական պատասխանատվությունը մեր վերաբերմունքն է, պատասխանատվությունը, հարգանքն ու հոգատարությունը միմյանց, մարդկանց, երկրի և մոլորակի հանդեպ։

Տարիներ շարունակ Ամերիա ընտանիքը իրականացրել ու մասնակցել է բազմաթիվ ծրագրերի՝ առանց դրանց մասին բարձրաձայնելու, լուռ և ոչ հրապարակային։ Տարիներ շարունակ մենք գումարներ ենք ուղղել երեխաների առողջության վերականգնմանը և տարբեր բժշկական կենտրոնների ապահովել ենք անհրաժեշտ սարքավորումներով՝ այս գործում ակտիվորեն ներգրավելով մեր գործընկերներին և թիմակիցներին:

Մենք միասին ստեղծում ենք ավելի լավ աշխարհ հանուն հանրության և մեր երկրի բարօրության:

Այժմ ևս մենք ակտիվ կերպով շարունակում ենք մեր բարեգործական և ԿՍՊ ծրագրերը:

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին