2020թ. Արցախի դեմ սանձազերծված պատերազմի հետևանքով ադրբեջան��կան վերահսկողության տակ է անցել Շուշիում գտնվող ուսումնարանի շենքն իր ամբողջ գույքով: Պատերազմից հետո ուսումնարանը հանգրվանել է Ստեփանակերտում: Ստեղծված նոր իրավիճակում անհրաժեշտություն է առաջացել կահավորել ուսումնարանի մարզասրահը սպորտային սարքավորումներով և պարագաներով: Մեր նախաձեռնության նպատակն է ստեղծել բավարար պայմաններ աշակերտների մարզական առօրյայի լիարժեք և արդյունավետ իրականացման համար:

«Եզնիկ Մոզյան արհեստագործական ուսումնարան» հիմնադրամը հիմնադրվել է Շուշի քաղաքում 2015 թվականին։ Այն կրում է ֆրանսահայ Եզնիկ Մոզյանի անունը, ում ֆինանսավորմամբ էլ ուսումնարանը կառուցվել է։ «ԵՄԱՈՒ» հիմնադրամի հիմնական առաքելությունն է երիտասարդների համար ժամանակակից, արդյունավետ ուսումնական մեթոդներով լիարժեք մասնագիտական կրթության ապահովումը։ Ուսումնարան անվճար հիմունքներով կարող են ընդունվել 9-րդ դասարանն ավարտած 14-15 տարեկան պատանիները և աղջիկները։ Ուսման տևողությունը 3 տարի է, շրջանավարտներին տրվում է պետական նմուշի դիպլոմ: Կեցության բոլոր ծախսերը հոգում է ուսումնարանը՝ տրամադրելով անվճար սնունդ, տրանսպորտային միջոց և հանրակացարան:

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին