2020թ․ սեպտեմբերի 27-ին Ադրբեջանի կողմից սանձազերծած պատերազմի հետևանքով Արցախի Հանրապետության որոշ տարածքներ՝ իհարկե բնակչության վերաբերյալ այնտեղ առկա գրեթե ողջ տեղեկատվության հետ, մնացին Ադրբեջանի զինված ուժերի վերահսկողության տակ։ Այս առումով առավել աղետալի վիճակում հայտնվեց Հադրութի շրջանը, քանի որ պետական, հասարակական որևէ կազմակերպություն, իրավաբանական և ֆիզիկական որևէ անձ չկարողացավ շրջանի տարածքից դուրս բերել որևէ փաստաթուղթ, կրիչ կամ համակարգիչ և շրջանի արխիվն ամբողջությամբ, բնակիչների անշարժ և շարժական գույքի մասին բոլոր տեղեկությունները, շրջանի վարչակազմում, համայնքապետարաններում և այլ հիմնարկություններում առկա ողջ տեղեկատվական բազան մնաց Արցախի Հանրապետության վերահսկողությունից լիովին դուրս մնացած Հադրութի շրջանում։ Այսօր կառավարությունը, բարերարները և բազմաթիվ բարեգործական կազմակերպություններ մեր բնակիչների ապրելակերպը որոշ չափով թեթևացնելու, նրանց հուզող հարցերին ճշգրիտ և լիարժեք պատասխանելու, ինչպես նաև անօթևան բնակիչների խնդիրները արդյունավետ լուծելու համար բավականին մեծ և գերմարդկային ջանքեր են գործադրում՝ փորձելով համակարգային լուծում տալ առկա բոլոր խնդիրներին և մարտահրավերներին, սակայն առանց տվյալների բազայի այս ամենը ուղակի տանջալից աշխատանք է և շատ հաճախ՝ նույնիսկ անիմաստ։

Հադրութի շրջանի գրեթե 15.000 բնակչի և նրա գույքի մասին թղթի վրա ձեռագիր տեղեկություն հավաքագրելը անհնարին է և ոչ իրական։ Այդ իսկ պատճառով այս աշխատանքները համակարգելու, ինչպես նաև կառավարության կողմից պահանջվող բնակչության և նրա կորցրած գույքի վերաբերյալ օպերատիվ և ստույգ տեղեկատվություն տրամադրելու նպատակով, ստեղծվեց www.hadrut.am կայքը և մոտ մեկ ամսվա ընթացքում օնլայ տարբերակով հավաքագրվեց բնակչության տվյալների որոշ մասը։ Այժմ այդ բոլոր տվյալները պահպանվում են մի շարք excel ֆայլերում։

Սակայն այս ամբողջ աշխատանքը իմաստազրկվում է քանի որ ֆայլերը բազմաթիվ են և նրանց հետ աշխատանքները կատարվում են Հայաստանում և Արցախում մեկը մյուսից անկախ, չունեն մեկ ընդհանուր աշխատանքային կենտրոն որի պատճառով Հայաստանից և Արցախից ստացված տեղեկությունները չեն համապատասխանում կամ հակասում են իրար, այդ իսկ պատճառով անհրաժեշտ է.

ստեղծել ներքին ծրագիր որտեղ ամբողջականացված տարբերակով կավելացվեն այդ excel ֆայլերը դրանք կգործեն մեկ ընդհանուր տիրույթում, տեղեկատվական ամբողջ բազան հասանելի կլինի պատկան մարմիններին, նրանց մեջ փոփոխությունները կլինեն համակարգային և բռնատեղահանված բնակչության մասին ողջ տեղեկատվությունը հնարավոր կլինի ավելացնել, հեռացնել, մշակել, վերլուծել, ավտոմատացնել և պատկան մարմիններին առավել հասանելի դարձնել դրանց հետ կատարվող աշխատանքները։

Սկզբնական փուլում անհրաժեշտ է է տվյալների բազայի ստրուկտուրա կազմել, և այբ բոլոր excel ֆայլերից տվյալները ամբողջականացնել մեկ տվյալների բազայում։

Երկրորդ փուլում պետք է ուսումնասիրել եղած բոլոր տվյալները, և օնլայն տարբերակով հավաքագրել բացակայող տվյալները։

Վերջնական փուլում արդեն պետք է ստեղծել ներքին լոկալ ծրագիր։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին