Ամանորյա ուրախություն երեխաներին Մարտունիում, Արցախ
Համագործակցության կարիքներ
Արցախյան երկրորդ պատերազմն աղետալի էր ողջ հայության և հատկապես արցախաբնակ երեխաների համար։ Նրանցից շատերը կորցրին հայրենի տունն ու հարազատներին։ Նախորդ տարի՝ պատերազմից անմիջապես հետո, որոշ ընկերությունների և անհատների աջակցությամբ Արցախի Մարտունու շրջանում իրենց տունը կամ հարազատներին կորցրած երեխաները ստացան նվերներ։ Տեսնելով, թե երեխաներին ինչ երջանկություն պարգևեցին այդ փոքր նվերները՝ այս տարի ևս որոշեցինք կրկնել նախաձեռնությունը, որի արդյունքում տեղահանված 202 և պատերազմի ժամանակ հարազատի կորցրած 49 երեխաներ նվերներ կստանան Ձմեռ պապից։
Միջոցառումը ծրագրել և կազմակերպել է «ArmActive» երիտասարդական կենտրոնը՝ մի խումբ հոգատար և մարդասեր անձանց հետ համագործակցությամբ, որոնք համախմբվել էին Արցախյան երկրորդ պատերազմի օրերին՝ աջակցելու կարիքի մեջ հայտնվածներին։
Նախագիծը կյանքի կոչելու համար մենք փնտրում ենք համագործակցողների, որոնք կաջակցեն մեզ նվերների 251 փաթեթ երեխաներին հասցնելու և նրանց երջանկություն պարգևելու հարցում։ Արդյունքում, մենք այն հանրայնացնում ենք և հնարավորություն ենք տալիս մյուսներին ևս ներգրավվել նման բարի նախաձեռնության կազմակերպման աշխատանքներում։
«ArmActive» երիտասարդական կենտրոնը հասարակական կազմակերպություն է, որը հիմնել և ղեկավարում են երիտասարդները։ Կենտրոնի գործունեության հիմնական նպատակն է զարգացնել երիտասարդների կարողությունները Հայաստանում՝ կամավոր աշխատանքի և ոչ ֆորմալ կրթության միջոցով:
Ավարտվե՜ց ամանորյա այս հրաշալի համագործակցությունը․․․
Մարտունու շրջանի մեր փոքրիկները ևս ստացան իրենց նվերները Ձմեռ պապից։
«ArmActive» երիտասարդական կենտրոնը, Հայ օգնության ֆոնդի «ԱՅՈ» հարթակն ու
մի խումբ հոգատար մարդիկ միավորվեցին այս բարի համագործակցության շուրջ՝
երջանկություն պարգևելով պատերազմի արդյունքում այդքան կորուստներ տեսած մեր փոքրիկներին։
Հայ օգնության ֆոնդի «ԱՅՈ» հարթակը միացել է նախագծին՝ որպես համագործակցող՝ երեխաների համար պատրաստելով բազում նվերներ։
Ամանորյա ուրախություն երեխաներին Մարտունիում, Արցախ
Համագործակցության կարիքներ