ՀԱՄԱՌՈՏ ՆԿԱՐԱԳՐՈՒԹՅՈՒՆ

Բազմաթիվ դժվարություններից եւ արհավիրքներից հետո, հայտնվելով Մայր Հայաստանում, «Մենք ենք մեր սարերը» համույթն իր մեջ ուժ է գտել կայացնելու կարևորագույն որոշում՝ շարունակել իր գործունեությունը՝ պահպանելով արցախյան մշակութային առանցքային խորհրդանիշներից մեկը։ 

Այնուամենայնիվ, համույթը բախվում է լրջագույն խնդրի՝ ֆինանսների բացակայության։

Ծրագրի նպատակն է ապահովել համույթին անհրաժեշտ տեխնիկայով, ազգային տարազներով և նվազագույն ֆինանսական միջոցներով։ Ֆինանսական աջակցությունը նախատեսվում է մեկ տարվա կտրվածքով։ Սա անհրաժեշտ ժամանակամիջոց է, որպեսզի համույթը ոտքի կանգնի, ձեռք բերի ճանաչելիություն և կարողանա ինքնուրույն շարունակել կենսագործունեությունը ստեղծված նոր իրավիճակում։

ԱԶԴԵՑՈՒԹՅՈՒՆ

Համույթի պահպանում և ճանաչելիություն՝ ի նպաստ արցախյան մշակույթային ժառանգության պահպանության և ի աջակցություն բռնի տեղահանված հայրենակիցների հայրենանվեր նախաձեռնության։

Համույթի վերագործարկմամբ մենք ապահովելու ենք ոչ միայն Արցախի մշակութի շարունակականությունը, այլեւ նպաստելու ենք արցախցիների՝ Մայր Հայաստանում մնալու որոշմանը և ստեղծելու ենք պայմաններ, մասնավորապես՝ աշխատատեղեր, որպեսզի խոչընդոտենք սոցիալական պայմաններից ելնելով արցախցիների արտագաղթին։

ԽՆԴԻՐ

Համույթի վերագործարկումը հետապնդում է մի քանի նպատակներ.

• Վերագործարկվում է արցախյան մշակույթի պահպանման հանձնառությունը ստանձնած ինստիտուտներից մեկը,
• Արցախցիների և համայն հայության շրջանում վառ է պահվում արցախյան մշակույթը և Արցախ վերադառնալու հույսը,
• Բռնագաղթի արդյունքում տուն ու տեղ կորցրած, հուսահատության եզրին գտնվող արցախցիների համար ստեղծվում են աշխատատեղեր, ինչը նպաստում է արցախցիների՝ Մայր Հայաստանում ապրելուն և արարելուն։

ԼՈՒԾՈՒՄ

Չհանձնվել մշակութային պայքարում



Արցախի գրեթե մեկամյա շրջափակման ընթացում արցախցիները մնալով միայնակ և լքված բոլորի կողմից, շարունակում էին իրենց պայքարը՝ մնալով կառչած իրենց պատմական հայրենիքին։ Այդ պայքարը նաև մշակույթի պահպաննության համար էր՝ հանուն մեր հայկական ինքնության։

Այսօր մեր բոլորիս խղճի և հավատամքի պարտքն է աջակցելու Մայր Հայաստանում ապաստանած, այստեղ ապրելու և արարելու պատրաստ արցախցիներին։

Այս նախաձեռնությամբ հնարավոր է դառնում Արցախի մշակութային ժառանգության պահպանությունը՝ համայն հայության ջանքերով։

ԹԻՄ

 Նախաձեռնությունը համույթի անդամներինն է, ովքեր վերակազմավորել են համույթը՝ որպես «Մենք ենք մեր սարերը» մշակութային ՀԿ։

Համույթը ստեղծվել է 2000 թ. Արցախի Հանրապետության կառավարության որոշմամբ։ Հիմնադրումից ի վեր իր ստեղծագործական համերգային ծրագով, որի մեջ ընդգրկվել են ոչ միայն արցախյան, այլեւ հայկական բոլոր գավառների ազգագրական, հայրենասիրական եւ ժողովրդական երգեր ու պարեր, հանդես է եկել Արցախի եւ Հայաստանի բոլոր շրջաններում եւ մարզերում, պաշտպանական գնդերում, Արցախի կառավարության եւ մշակույթի նախարարության կողմից կազմակերպած բոլոր տոնական միջոցառումներին, բազմաթիվ համահայկական փառատոներին՝ արժանանալով բազում պատվոգրերի եւ գովասանագրերի։

Ֆինանսական նվազագույն ծախսերի ապահովման դրամահավաքի, դոնորների հետ պայմանավորվածություններ ձեռք բերելու և համերգի կազմակրպման հարցերում աջակցությունը հանձն են առել արցախցի հասարակական գործիչներ Նարե Սիմոնյանը և Արեգա Հովսեփյանը։

ԲՅՈՒՋԵ