Դրամահավաքի այս նախագիծը ստեղծվել է ի հիշատակ տաղանդավոր երիտասարդ հայուհի Սոնա Մնացականյանի, որը 2022 թվականի ապրիլի 26-ին Երևանում տեղի ունեցած ողբերգական ավտովթարի զոհ դարձավ:

Սոնայի ընկերներից ու գործընկերներից շատերն էին ցանկանում շարունակել նրա գործն ու աջակցել այն խնդիրների լուծմանը, որոնք այդքան մտահոգում էին նրան:

Սոնա Մնացականյանը բացառիկ տաղանդավոր կին էր, ում համար կարևոր էր Հայաստանին վերաբերող ամեն բան։ Նա օգնում էր ամեն կարիքավորի ու հնարավոր ամեն տեղ փոփոխություն բերում: Նրա կյանքի ուղին և հրաշալի ծրագրերը ողբերգական պատահարի արդյունքում ընդհատվեցին՝ իր հետ տանելով դեռևս չծնված Արիային։ Այժմ հատուկ առաքելություն է դարձել հետևել Սոնայի իմաստությանը և օգնել իրագործել նրա երազանքները, որոնք կապված էին Հայաստանի, գիտության, տեխնոլոգիայի և այս ամենում դրսևորվող կնոջ տաղանդի հետ:

Սոնա Մնացականյանի անվան կրթաթոշակային ծրագիրը տաղանդավոր կանանց համար

Ծրագիրը ստեղծվել է համախմբելու այն մարդկանց, ովքեր ճանաչում էին Սոնային, ծանոթ էին նրա աշխատանքին և ցանկանում են շարունակել Սոնայի կիսատ թողած գործը։

Հավաքագրված միջոցները կտրամադրվեն միանվագ կրթաթոշակների տեսքով, տաղանդավոր հայ կանանց, երեք հիմնական անվանակարգերում՝ վերականգնվող էներգիա, տեխնոլոգիա և գիտություն:

Կրթաթոշակներն առաջին փուլով կտրամադրվեն 2022 թվականի հուլիսի 30-ին և 31-ին, Երևանում կայանալիք FemInno կոնֆերանսի ժամանակ, որտեղ Սոնան պատրաստվում էր ելույթ ունենալ: Ամուսինը` Աշոտ Վարդանյանը, հանդես կգա ելույթով և կհայտարարի կրթաթոշակային ծրագրի բացումը:

Հիմնական նպատակն է շարունակել Սոնայի ծրագրերը՝ զարգացնելու Հայաստանն ու Արցախը՝ որակյալ կրթության, տաղանդավոր մարդկանց աջակցության և, մասնավորապես, Սոնայի նման կանանց և աղջիկներին կրթելու միջոցով:

Այս փուլի հիմնական արդյունքը կլինի շուրջ 10 գիտնականների` միանվագ մրցանակների հավաքագրված ֆինանսավորումը, որոնք կընտրվեն բաց մրցույթի միջոցով:

Կրթաթոշակները տրվելու են 18 և դրանից բարձր տարիքի Հայաստանից և Արցախից տասը աղջիկներին և կանանց, որոնք բավական հիմքեր ունեն աջակցություն ստանալու համար և գործունեություն են ծավալում հետևյալ երեք հիմնական ոլորտներում՝

• «Կանաչ» էներգիա
• Տեխնոլոգիա
• Գիտություն

Սոնան հավատում էր, որ կրթությունը կարող է փոխել կյանքը, և յուրաքանչյուրն արժանի է այդ հնարավորությանը։ Եկե՜ք շարունակենք Սոնայի տեսիլը և աջակցենք երիտասարդության կրթությանը:

PAYPAL նվիրատվություններ կարող եք կատարել ԱՅՍ հղումով:

Նախագծի բյուջեին կարող եք ծանոթանալ այստեղ:

Նախագծի թիմը

Ashot Vardanian - Սոնայի ամուսինը

Anna Mnatsakanyan - Սոնայի քույրը

Seda Papoyan - Սոնայի ընկերը

Liana Khutsiyan - Սոնայի գործընկերը

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին