Կապան, Սյունիք.- Կապանի առաջին դպրոցում տեղի ունեցած պաշտոնական հանդիսությամբ Թուֆենկյան Հիմնադրամը Սյունիքի մարզի 104 դպրոցների համար տրամադրեց քիմիայի լաբորատոր հավաքածուներ: Հանդիսությանը ներկա էին Սյունիքի մարզպետարանի կրթության վարչության պետ Մերի Ղանդալյանը, Կապանի տարբեր դպրոցների ուսուցիչներ և տնօրեններ, Թուֆենկյան հիմնադրամի հաղորդակցության տնօրեն Պետօ Տէմիրճեանը։ Հավաքածուները Սյունիքի մնացած դպրոցներին կբաշխվին առաջիկա օրերին։

Մանրամասները՝ «Սյունիք TV»-ի տեսանյութում:

«Ցանկանում ենք շնորհակալություն հայտնել «Թուֆենկյան» հիմնադրամին՝ Սյունիքի երեխաներին քիմիայի լաբորատոր հավաքածուներ տրամադրելու համար,- ասաց Ղանդալյանը։ Այս փաթեթները կօգնեն մեր ուսուցիչներին լաբորատոր հետազոտության միջոցով ավելի լավ պատկերացնել դասընթացի հայեցակարգը, որը ուսանողների համար գիտության իմացության էական մեթոդ է, շարունակեց նա:

Քիմիայի լաբորատոր հավաքածուները ի սկզբանե նախատեսված են եղել Արցախի դպրոցների համար, սակայն շրջափակման պատճառով առաքումը անկարելի էր։ Նրանք ավելի մեծ նախաձեռնության մի մասն էին, որը ներառում էր կենսաբանության և քիմիայի գիտական լաբորատորիաների տրամադրում Արցախի բոլոր դպրոցներին: Կենսաբանության լաբորատոր փաթեթները, որոնք Ստեփանակերտ են առաքվել 2022 թվականին շրջափակման սկսվելուց անմիջապես առաջ, Արցախի դպրոցներին հնարավոր է եղել բաժանել միայն 2023 թվականի գարնանը՝ վառելիքի պակասի պատճառով։ Ցավոք, քիմիայի լաբորատորիաները չհաջողվեց հասցնել Արցախ մինչև Ադրբեջանի շրջափակումը և դրան հաջորդած էթնիկ զտումը 2023 թվականի սեպտեմբերին: Արդյունքում հիմնադրամը որոշեց վերահղել քիմիայի լաբորատորիաները Սյունիքի դպրոցներ: Սյունիքի մարզում դպրոց է հաճախում Արցախից 640 աշակերտ, իսկ դպրոցներում աշխատանքի է ընդունվել 39 ուսուցիչ և 101 օժանդակ անձնակազմ։

Ե՛վ կենսաբանության, և՛ քիմիայի լաբորատոր փաթեթները հատուկ նախագծվա են յոթերորդ, ութերորդ և իններորդ դասարանների բնագիտության ուսումնական ծրագրին համապատասխանեցնելու համար: Հավաքածուները մշակել և պատրաստել են Ալեքսանդր և Տիգրան Եսայանները՝ հայ նշանավոր գրող Զապել Եսայանի թոռն ու ծոռը։ Քիմիայի հավաքածուները պարունակում են տարբեր քիմիական նյութեր, փորձանոթներ, բաժակներ, կոլբայներ, պիպետներ և այլն, մինչդեռ կենսաբանական լաբորատոր փաթեթները ներառում էին մանրադիտակ, նմուշի սլայդներ, Պետրիի ափսեներ և այլն:

Ստեփանակերտ, Արցախ – Ստեփանակերտի Թուֆենկյան հիմնադրամի աշխատակիցները օրերս հանձնեցին կենսաբանության լաբորատոր հավաքածուների վերջին խմբաքանակը, որը նախատեսված էր Արցախի Ասկերանի շրջանի դպրոցների համար, դրանով իսկ ավարտելով Արցախի բոլոր դպրոցները գիտական ​​լաբորատոր հավաքածուներով համալրելու արշավի առաջին փուլը։ Այս հավաքածուների բաշխումը ամիսներ շարունակ ձգձգվում էր Ադրբեջանի անօրինական շրջափակման հետևանքով առաջացած վառելիքի պակասի պատճառով։

«Ցավոք, Արցախում դպրոցները արդեն վաղուց ունեն ռեսուրսների պակաս և մեծ մասը չունեն լաբորատոր սարքավորումներ, որպեսզի աշակերտները կարողանան նման առարկաները սովորեն փորձերի միջոցով», - ասում է Թուֆենկյան հիմնադրամի գործադիր տնօրեն Գրիգոր Պետեանը: «Այս հավաքածուները կօգնեն դուրս բերել գիտությունը դասագրքից և այն դարձնել գործնական փորձ, որի միջոցով ուսանողները կարող են ներկայացվող գիտելիքները հաղորդակցել իրական աշխարհի հետ»:

Գիտական ​​լաբորատորիայի ծրագիրը մեկնարկել է 2021 թվականին, երբ Արցախի Մարտունու շրջանի բոլոր 29 դպրոցները ստացել են կենսաբանության լաբորատոր հավաքածուներ Ջուդիթ Սարյանի և Վիկտոր Զարուգյանի առատաձեռն նվե��ի շնորհիվ։ 2022 թվականին հիմնադրամը որոշեց ընդլայնել ծրագիրը՝ ներառելով ոչ միայն Արցախի բոլոր դպրոցները, այլև սարքավորումներ՝ քիմիայի փորձերի համար։ Այս ընդլայնումը ֆինանսավորվել է ReArmenia հարթակում կազմակերպված առցանց արշավի միջոցով և հավաքված գումարի նույնչափ միջոցներով, որոնք տրամադրվել են Ջուդիթ Սարյանը և նրա քույրը և եղբայրը՝ ի հիշատակ իրենց հոր՝ հայտնի քիմիկոս և գիտնական Սարգիս Սարյանի:

«Ցանկանում ենք շնորհակալություն հայտնել բոլոր նվիրատուներին, ովքեր օգնեցին, որ ReArmenia հարթակում այս արշավը հասնի հաջողության, և հատկապես Սարյան ընտանիքին՝ իրենց առատաձեռն աջակցությունը կրկին ցուցաբերելու համար», - շարունակեց Պետեանը: «Մենք հուսով ենք, որ այս նոր լաբորատոր հավաքածուները կօգնեն ավելի շատ հետաքրքրություն առաջացնել գիտությունների նկատմամբ և դասարանային աշխատանքն ավելի գրավիչ և զվարճալի կդարձնեն ուսանողների համար»:

Լաբորատոր հավաքածուները աջակցում են իրականացնել այն առաջադրանքները, որոնք ընդգրկված են 7-րդ դասարանի կենսաբանության ուսումնական ծրագրում և հավաքածուները մշակված են այդ ծրագրին համապատասխան: Հավաքածուները պարունակում են մանրադիտակ, նմուշներով սլայդներ, դատարկ սլայդներ, Պետրիի ափսե, հավանգ և թուրմ, քիմիական բաժակներ և այլ նյութեր, որոնք ուսանողներին հնարավորություն կտան  դասարանից դուրս հավաքել և ուսումնասիրել իրենց սեփական նմուշները: Արշավի երկրորդ փուլում մենք կտրամադրենք 7-րդ, 8-րդ և 9-րդ դասարանների քիմիայի ուսումնական ծրագրին համապատասխան հավաքածուներ և այն նախատեսվում է սկսել օգոստոսին՝ ուսումնական տարուց անմիջապես առաջ:

Կենսաբանության հավաքածուները ի սկզբանե պետք է բաժանվեին Արցախի դպրոցներին ձմեռային արձակուրդների ժամանակ։ Սակայն Ադրբեջանի կողմից Արցախի շրջափակման պատճառով դպրոցների դասերը ընդհատվել էին դպրոցները ջեռուցելու համար բնական գազի բացակայության և էլեկտրաէներգիայի անջատումների պատճառով։ Վառելիքի պակասը խանգարեց Թուֆենկյան Հիմնադրամի աշխատակիցներին բաժանել հավաքածուները, սակայն ԱՀ Կրթության նախարարությունը ստանձնեց դրանց բաշխման պատասխանատվությունը և գործընթացը սկսվեց ապրիլ ամսում Ստեփանակերտի դպրոցներից: Դրանից հետո հավաքածուները բաժանվեցին Մարտակերտի և Շուշիի շրջանների դպրոցներին, իսկ վերջին օրերին ստացան նաև Ասկերանի շրջանի դպրոցները։

«Ցանկանում ենք շնորհակալություն հայտնել Կրթության նախարարությանը լաբորատոր հավաքածուների բաշխման գործում ունեցած կարևոր դերի համար», - ասաց Պետեանը։ «Հաշվի առնելով Ադրբեջանի շրջափակման հետևանքով Արցախի աշակերտներին և նրանց ընտանիքներին պարտադրված բազմաթիվ դժվարությունները, գուցե այս հավաքածուները կարող են կարճ հանգստություն ապահովել այն բազմաթիվ լուրջ մարտահրավերներից, որոնց հանդիպում են ուսանողներն ամեն օր»,- եզրափակեց Պետեանը։

Հաշվետվություն՝ «Շարժական լաբորատորիաներ Արցախի բոլոր դպրոցների համար» նախագծի առաջընթացի մասին

Անցած երկուշաբթի մեր Երևանի աշխատակազմի անդամները պետք է լինեին Արցախում՝ կենսաբանության լաբորատոր հավաքածուներ բաժանելու Արցախի 77 դպրոցներին: Ցավոք սրտի, մենք ստիպված եղանք անորոշ ժամանակով հետաձգել բաշխումը Ադրբեջանի կողմից Հայաստանը Արցախին կապող միակ ճանապարհի արգելափակման պատճառով։ Հավաքածուներն արդեն Ստեփանակերտում են, հնարավորության դեպքում կբաժանենք։

Ճանապարհի փակումը հանգեցրել է հումանիտար ծանր ճգնաժամի՝ կանխելով մարդկանց և ապրանքների ազատ տեղաշարժը և առաջացնելով սննդի, դեղորայքի, վառելիքի և այլ անհրաժեշտ նյութերի պակաս։ Բազմաթիվ մարդիկ արգելափակված են՝ կամ փորձում են վերադառնալ տուն՝ բուժօգնություն ստանալու, բիզնես վարելու կամ սիրելիներին տեսնելու համար:

Ադրբեջանի կողմից մարդու իրավունքների բացահայտ անտեսումն անընդունելի է. Արցախի կյանքի ճանապարհը պետք է անհապաղ բացվի՝ հումանիտար աղետը կանխելու համար:

Թուֆենկյան բարեգործական հիմնադրամը շարունակելու է մնալ Արցախի մեր հայրենակիցների կողքին։

Ձեր աջակցության շնորհիվ Թուֆենկյան հիմնադրամը կենսաբանության և քիմիայի լաբորատոր սարքավորումներ կտրամադրի Արցախի բոլոր դպրոցներին։

Դրամահավաքի արշավը հաջողությամբ հասել է իր նպատակին. լաբորատոր փաթեթները կպատվիրվեն և կառաքվեն 2023 թվականի սկզբին:

Մենք մի լավ նորություն ունենք:

Մենք բավականաչափ գումար ենք հավաքել Արցախի մնացած դպրոցները կենսաբանության պարագաներով համալրելու համար:

Մեր նվիրահավաքը կշարունակվի այնքան ժամանակ, մինչև մենք կարողանանք ապահովել, որ Արցախի յուրաքանչյուր դպրոց ստանա և՛ կենսաբանության, և՛ քիմիայի փաթեթներ:

Հարգելի ընկերներ և աջակիցներ. Այս շաբաթ մենք ստացանք երեք շատ առատաձեռն նվեր:

Յովսեփ բարեգործական հիմնադրամ՝ 10.000 ԱՄՆ դոլար

Լեւոն և Շիրլի Սարյեաններ՝ 1000 դոլար

Քրիստիան և Առլեն Ալեքսանդրներ՝ 1000 դոլար

Առաջիկա օրերին կհրապարակենք մի կարևոր անակնկալ...

Մինչ այժմ ձեր նվիրատվություններից 4.700 ԱՄՆ դոլարը կրկնապատկվել է: Անցյալ ամիս հայտարարեցինք, որ մեր երկարամյա ընկերների և աջակիցների՝ Ջուդիթ Սարյանի և Վիկտոր Զարուգյանի առատաձեռնության շնորհիվ, ձեր նվիրատվությունը կկրկնվեն (մինչև 10.000 ընդհանուր գումար):

Դա նշանակում է, որ դուք դեռ հնարավորություն ունեք կրկնապատկելու ձեր նվիրատվությունը: Տվեք այն, ինչ կարող եք: Մենք կավելացնենք համապատասխան նվիրատվությունը, երբ հասնենք մեր 10.000 նպատակին:

Ձեր նվիրատվությունը կկրկնապատկվի

Մեր ընկերների և աջակիցների՝ Ջուդիթ Սարյանի և Վիկտոր Զարուգյանի առատաձեռնության շնորհիվ, ձեր նվիրատվությունը կկրկնապատկվի:

Ջուդիթը վերջերս խոսեց նախագծի կարևորության մասին՝ https://youtu.be/x8pcOuUINIM: