Ի՞նչ է Կապանի մաթեմատիկայի խմբակը

“Կապանի մաթեմատիկայի խմբակը” հիմնադրվել է 2020 թվականին Մաթեմատիկայի միջազգային օլիմպիադայի (IMO) նախկին մեդալակիրների կողմից՝ Սյունիքի երեխաներին միջազգային մակարդակի մաթեմատիկական կրթություն տրամադրելու նպատակով։ 2020թ-ից սկս��լ ենք Կապանում, 40 աշակերտների հետ։ Աստիճանաբար տարածվելով Գորիս և Սիսիան՝ նախորդ ուստարվա (2023/2024) սկզբում ունեցել ենք 240 աշակերտ, իսկ այս ուստարին նախատեսում ենք սկսել 300 աշակերտների հետ։ Ներկայումս մենք անցկացնում ենք առկա և առցանց դասեր Կապանում, Գորիսում և Սիսիանում, և նախատեսում ենք բացել Մեղրիում 2025 թվականին

Ինչո՞ւ մաթեմատիկա

Բայց ինչո՞ւ է մաթեմատիկան կարևոր։ - քանզի մաթեմատիկան հիմնարար հմտություն է։ Մաթեմատիկան ուղեղի համար նման է շվեյցարական դանակի․ այն զինում է ձեզ զանազան գործիքներով՝ խնդիրների լայն շարքի արդյունավետ և հմուտ լուծման համար։ Մաթեմատիկան քրտնաջան մտավոր ճամփորդություն է, որն անցնելը կախված է ոչ միայն տաղանդից, այլև զինակցող միջավայրից և որակյալ մասնագետներից, ովքեր կսովորեցնեն, կտան ճշգրիտ հետադարձ կապ և կոգեշնչեն երեխաներին ձգտելու ինքնակատարելագործման։

Հայացք նետենք հաջողակ անհատներին, օրինակ՝ Տիգրան Սլոյանին` CodeSignal ընկերության (որն ընդհանուր ներգրավել է 87,5մլն դոլար) համահիմնադիրին, ով համարում է իր հաջողության գրավականը զարգացրած մաթեմատիկական գիտելիքները։ Մեր նպատակն է աճեցնել նման հաջողակ պատմություններ Սյունիքում։

Փորձեք մտաբերել ձեր ծանոթենրից որևէ մեկին, ով հաջողել է մաթեմատիկական օլիմպիադաներում և ապագայում հասել նշանակալի հաջողության։ Ինքնե՞րդ էլ համոզվեցիք։

Մաթեմատիկա=Հաջողություն!

Մինչ այս ունեցած ազդեցությունը

Հայաստանում մաթեմատիկայի օլիմպիադան կազմակերպվում է 3 մակարդակներով՝ դպրոցական, մարզային և հանրապետական։ Հանրապետական օլիմպիադայի հաղթողներից, այնուհետ, ընտրվում են Հայաստանը մաթեմատիկայի միջազգային օլիմպիադայում ներկայացնող աշակերտները։

Հաջողություններ․ Մենք գրեթե եռապատկել ենք Սյունիքի մարզից մարզային փուլը հաղթահարող աշակերտների քանակը 7-ից՝ 2017 թվականին (2010-2019թթ լավագույն արդյունքը), հասնելով ռեկորդային 20-ի 2024 թվականին։

Ներկայացում․ Սյունիքն այժմ Հայաստանի մարզերի ցանկում երկրորդ տեղն է զբաղեցնում օլիմպիադայի մարզային փուլը հաղթահարողների քանակով և առաջինն է դիպլոմների ու գովասանագրերի քանակով հանրապետական օլիմպիադայում, չնայած, բնակչությամբ յոթերորդ մարզն է։

Նպատակը․ Մեր երկարաժամկետ թիրախն է հասնել 100՛000 բնակչին ընկնող օլիմպիադայի հաղթողների քանակով Երևանի վիճակագրությանը։

Ինչո՞ւ աջակցել Կապանի մաթեմատիկայի խմբակին

Երջանիկ և հաջողակ Հայաստան ունենալու համար մեզ պետք են գիտնականներ, ճարտարագետներ, ձեռնարկատերեր և նորարարներ, ովքեր կզարգացնեն STEM ոլորտը և ոչ միայն․ դրա համար մեզ պետք է միջինից բարձր մաթեմատիկական գրագիտության տեր սերունդ։

Ստորև ներկայացված են 3 խնդիրները, որոնք մենք փորձում ենք լուծել:

1.Կրթական անհավասարություն Երևան vs մարզեր

Հանրապետական օլիմպիադայում հաղթող աշակերտների 90%-ը Երևանի 2 դպրոցներից են՝ Ֆիզմաթ դպրոցից և “Քվանտ” վարժարանից, որտեղ սովորում են 1632 աշակերտներ (նրանցից 711-ը՝ միջին դպրոցում), մինչդեռ, Հայաստանում կան 188’112 միջինդպրոցական աշակերտներ։

Ենթադրելով, որ երեխաների 10%-ը ունեն STEM ոլորտում ընդունակություններ, կարող ենք պնդել, որ միջինդպրոցականներից 18’089-ը զուրկ են իրենց հմտությունները զարգացնելու և մաթեմատիկայի օլիմպիադայում հաջողելու հնարավորությունից։ Միայն վերոնշյալ դպրոցների 711 աշակերտներ են ստանում որակյալ կրթություն։ Սյունիքում սովորում են 7’863 միջինդպրոցական երեխաներ, և մենք նպատակադրված ենք դադարեցնել այս անհամաչափ բաշխումը։ Անհրաժեշտ է ապակենտրոնացնել կրթությունը և ստեղծել նոր օլիմպիական մաթեմատիկայի ուսումնասիրման օջախներ։ Երևանի հարակից շրջանների երեխաները կարող են, իհարկե, դժվարություններով, բայց ստանալ որակյալ կրթություն, մինչդեռ, հեռավոր շրջանների երեխաները չունեն անգամ այդ տարբերակը։ Հատկապես, Սյունիքի մարզը, որը 2020 թվականից սահմանային կոնֆլիկտի թեժ կետ է, ամենահեռուն է Երևանից և չունի երեխաների համար մաթեմատիկակակն կրթության միջավայր զարգացնելու ռեսուրսներ։ 

2.Աղջիկները STEM ոլորտի կրթությունում․ հնարավորությունների համաչափ բաշխման հասցեագրում

Մենք նպատակադրված ենք հաղթահարելու հասարակության հնացած խարանը, որն ասում է «մաթեմատիկան աղջիկների համար չէ» և ավանդ ունենալու այնպիսի մշակույթում, որտեղ աղջիկները ևս զգում են իրենց վստահ և պատասխանատու բնագիտամաթեմատիկական գիտություների հետազոտման հարցում։ Մեր կենտրոնական նպատակներից է ավելի շատ աղջիկներին ներգրավել մեր դասընթացներ և ոգեշնչել մասնակցելու այլ STEM ծրագրերի։ Կապանի մաթեմատիկայի երկու աշակերտուհիներ արդեն իսկ արժանացել են գովասանագրերի մաթեմատիկայի հանրապետական օլիմպիադայում և ոգեշնչող օրինակ դարձել իրենց հասակակիցների համար։ Մեր շրջանավարտներից մեկը՝ Ժակլինը, սովորելով միայն Կապանի մաթեմատիկայի խմբակում, առանց այլ մասնագետների հետ արտադասային պարապմունքների, հանձնեց մաթեմատիկայի միասնակն քննությունը 19․75 միավորի և ընդունվեց ԵՊՀ-ի Տվյալագիտության բաժինը։ Նա այժմ աշխատում է Կապանի մաթեմատիկայի խմբակում և նկարահանում վիդեոդասեր մաթեմատիկայից։

3.Տրավմայի ամոքում

2023 թվականի ողբերգական դեպքերից հետո Սյունիքի մարզը օրրան է դարձել բազմաթիվ արցախահայերի համար։ Արցախահայերին ընդունած բնակավայրերը ևս դարձել են Ադրբեջանի հետ սահմանամերձ գոտի՝ ամենօրյա վախերով և լարվցածությունով։

Մենք, որպես հանրություն, պետք է անենք ամեն ինչ, համոզված լինելու համար, որ տրամադրում ենք նրանց լուսավոր ապագայի հավակնություններ։

Նոր հավակնությունները առաջացնում են հույս, իսկ հույսը առաջին քայլն է վերելքի դժվար ճանապարհին։ Սյունիքի վերելքը Հայաստանի կարևորագույն առաքելությունն է հաջորդիվ 15-20 տարիների ընթացքում և գործելու ժամանակը հիմա է։

Մեր թիմը կամ այն հերոսները, ում շնորհիվ այս նախաձեռնությունը հաջողվել է

Մեր մասնագետների թիմը կազմված է մաթեմատիկայի միջազգային օլիմպիադայի հաղթողնեից և բարձրամակարդակ ուսուցիչներից, ովքեր մեծ ոգեշնչումով աշխատում են աշակերտների հետ և փոփոխություններ մտցնում համայնքում։

2024/2025 Ճանապարհային Քարտեզ

Գնահատականներ

“Կապանի մաթեմատիկայի խմբակի” առանձնահատկություններից է այն, որ մենք կենտրոնացել ենք մեկ հստակ թիրախի վրա՝ մաթեմատիկական կրթությունը Սյունիքում։ Մաթեմատիկան այնպիսի հիմնարար հմտություն է, որը կարող է բեկել մեր աշակերտների կյանքի ուղին՝ ազդելով նրանց ընտանիքի և համայնքի ապագայի վրա։ Աշակերտների ծնողները ևս հաստատում են մեր դասերի արդյունավետությունը։

Ստորև Սյունիք TV-ի կարճ ռեպորտաժն է Կապանի մաթեմատիկայի խբակի մասին

Մենք արդեն իսկ ստացել ենք ֆինանսավորում մի քանի հարգարժան հիմնադրամների կողմից․

Գործե՛ք հիմա. Աջակցե՛ք մեր առաքելությանը

Կա մի հին ասացվածք․ “Ծառ տնկելու լավագույն ժամանակը 30 տարի առաջ է եղել, իսկ երկրորդ լավագույն ժամանակը՝ հիմա է”։ Այժմ եկել է ձեր գործելու ժամանակը։ Մեր բյուջեն 2024/2025 ուստարում կազմում է 43 մլն դրամ ($110’000): Նվիրատվությունների չափն ու նշանակությունն ավելի լավ պատկերացնելու համար նշենք, որ մեկ երեխայի կրթելու արժեքը տարեկան մոտ $360 է և մենք 2024թ օգոստոսի 1-ին սկսելու ենք աշխատել 300 աշակերտների հետ։ Մի կարծեք, թե որևէ մեկը կանի դա ձեր փոխարեն։ Եթե կարծում եք, որ մեր նախաձեռնությունը կարևոր է, ցույց տվեք դա ձեր նվիրատվությամբ։

Ռուսաստանաբնակ մեր հայրենակիցները կարող են աջակցել մեզ ուղարկելով իրենց նվիրատվությունները հետևյալ համարով MIR քարտին 2204 3002 0000 8732 INGA TER-GEVORGYAN.

Տարածել=Հոգալ։

Մենք չենք կարող տարածել մեր արշավը առանց ձեր օգնության և խնդրում ենք ևս մեկ քայլ անցնել մեզ հետ՝ տարածելով մեր արշավը ձեր հասարակական մեդիահարթակներում և գրելով ձեր ընկերներին, ում ձեր կարծիքով կհետաքրքրի մեր նախաձեռնությունը։ Օգտագործեք #Successisinmath հեշթեգը։

Միացեք մեր առաքելությանը և դարձեք Կապանի մաթեմատիկայի խմբակի համայնքի մաս՝ դարձեք մեր Հովանավորը։ Միասին մենք ունակ ենք ստեղծելու հանճարների նոր սերունդ։ Ամեն նվիրատվություն և տարածում մոտեցնում է մեզ մեր նպատակին։ Մենք փորձել ենք ավելի շատ տեղեկություններ տրամադրել Հաճախակի Տրվող Հարցեր բաժնում, եթե դեռ հարցեր ունեք, խնդրում ենք կապվել մեզ հետ: Շնորհակալ ենք ձեզ աջակցության համար։

Հաճախակի տրվող հարցեր

Ինչպե՞ս ենք մենք աշխատում

• 2020 թվականից սկսած՝ արդեն 4 տարի է, ինչ Կապանի մաթեմատիկայի խմբակը կազմակերպում է առցանց և առկա դասեր միջինդպրոցական (5-ից 9-րդ դասարանցի) աշակերտների համար։ Մեր աշակերտները տարին 10 ամիս, շաբաթը 2 անգամ, ունենում են դասեր Սյունիքի մարզպետարանի կողմից տրամադրված դասասենյակներում։
• Նոյեմբերից փետրվար ժամանակամիջոցում դպրոցական և մարզային օլիմպիադան հաղթահարած աշակերտների համար անցկացնում ենք հավելյալ դասեր և այլ միջոցառումներ․ օրինակ՝ երեխաները մի քանի անգամ գրում են փորձնական օլիմպիադաներ, ինչի շնորհիվ հարմարվում են ժամանակի սահմանափակմանը և կոփում խնդիրներ լուծելու ունակությունները։
• “Կապանի մաթեմատիկայի խմբակը” ուսուցանում է, ոչ միայն աշակերտներին, այլև անցկացում վերապատրաստման դասեր մաթեմատիկայի ուսուցիչների համար՝ կատարելագործելով նրանց մաթեմատիկական գիտելիքներն ու մանկավարժական մեթոդաբանությունը։
• Տարեկան մեկ անգամ առավել օժտված երեխաների համար կազմակերպում ենք Մաթմարտ ինտելեկտուալ մրցույթը Կապանում։ Մրցույթին մասնակցում են նաև աշակերտներ Գորիսից և Սիսիանից։ Դա արվում է, հանրապետական օլիմպիադայի ավարտից (փետրվարին) հետո, երեխաների ոգեշնչումն ու մրցակցային ոգին պահպանելու համար։

Ինչո՞վ է Օլիմպիական մաթեմատիկան տարբեր մաթեմատիկայի դպրոցական ծրագրից։

Հանրակրթական դպրոցի մաթեմատիկայի ծրագիրը ենթադրում է բոլորին հասանելի գիտելիքների պաշարի տրամադրում։ Չնայած դրան, մաթեմատիկայով հետաքրքրված և ընդունակ երեխան ունի տասնապատիկ ավելին սովորելու հնարավորություն։ Հենց այդ հնարավորությունը իրագործելու համար էլ կազմակերպվել է մաթեմատիկայի միջազգային օլիմպիադան, որի թեմատիկան նախատեսված է դպրոցահասակ երեխային հասանելի նյութերի միջոցով նրա մաթեմատիկական ունակությունները առավելագույնս զարգացնելու համար։ Օլիմպիական մաթեմատիկայի խնդիրներ լուծելիս և նոր հմտություններ ձևավորելիս՝ երեխայի մատ զարգանում են ապացուցողական հիմունքներով և մաթեմատիկական վերլուծությամբ մտածողությունը։

Սոցիալական ցանցերում կիսվելու օգնող տեքստ

Մենք պատրաստել ենք փոքրիկ տեքստ, որը կարող եք օգտագործել արշավի էջը տարածելիս:

“Կապանի մաթեմատիկայի խմբակը, մաթեմատիկայի միջազգային օլիմպիադայի նախկին հաղթողների կողմից հիմնված և Սյունիքի 300 երեխաների միջազգային մակարդակի օլիմպիական մաթեմատիկա սովորեցնող կառույց է, որն արդեն իսկ եռապատկել է մարզի պատմական ռեկորդային արդյունքները հանրապետական օլիմպիադաներում և արդեն չորրորդ տարին է, ինչ նպատակադրված է նորարարների, գիտնականների և ճարտարագետների նոր սերունդ աճեցնելու։ Ես աջակցել եմ նրանց և ձեզ էլ առաջարկում եմ կատարել նվիրաբերություն հետևելով ստորև բերված հղմանը․ #Successisinmath”

Որտե՞ղ կարող եմ տեսնել բյուջեի մասին մանրամասներ։

Կարող եք ծանոթանալ բյուջեի հետ այս հղումով։

Ինչպե՞ս է հաշվարկվում աշակերտների թիվը։

Մենք ընդունելության քննություններ ենք անցկացնում Կապանի մաթեմատիկայի խմբակ ընդունվելու համար ամեն տարի ամռանը։ Այդ ժամանակ մենք իմանում ենք տվյալ ուսումնական տարում ընդունված աշակերտների թիվը։ Օրինակ, այս տարի արդեն 300 աշակերտ հաջողությամբ հանձնել է քննություններ 2024/2025 ուսումնական տարվա համար, նույնիսկ մեր հին աշակերտները ամեն տարի պետք է հանձնեն ընդունելության քննություն՝ բարձր դասարան անցնելու համար։ Մենք ևս մեկ ընդունելության քննություն կանցկացնենք 2024 թվականի օգոստոսին։ Երբ մենք նշում ենք մեր ծրագրերում ընդունված աշակերտների թիվը, դա տվյալ տարվա մեկնարկային թիվն է։ Օլիմպիական մաթեմատիկայի ծրագիրը ավելի բարդ է, քան սովորական դպրոցի մաթեմատիկայի ծրագիրը, և մենք պետք է պահպանենք որակի բարձր նշաձողը։ Դրա համար մենք աշնանը անցկացնում ենք միջանկյալ քննություն, և այն աշակերտները, որոնք չեն հանձնում քննությունները, ստիպված են լինում հեռանալ մեր դասերից։ Եթե աշակերտը մեկ ամսում ունենում է ավելի քան 2 անհարգելի բացակայություն, մենք նախ խոսում ենք ծնողների և աշակերտի հետ, և եթե միտումը շարունակվում է, այդ աշակերտները նույնպես դուրս են մնում։ Միջին հաշվով տարվա վերջում աշակերտների թիվը նվազում է 30-40%-ով։

Ինչպե՞ս կարող եմ կապվել ձեզ հետ:

Մեր էլ. փոստի հասցեներն են՝ garik@kapanmathclub.org, aleksandr@kapanmathclub.org, kapanmathteam@gmail.com

Ի՞նչ անել, եթե ցանկանում եք նվիրատվություն կատարել Ռուսաստանից:

Մեր հիմնադրամն ունի ՄԻՐ քարտ այդ նպատակների համար, բայց եթե ցանկանում եք բանկային փոխանցում կատարել, ահա մեր բանկային հաշվի տվյալները:

БАНК ПОЛУЧАТЕЛЯ

AO Райффайзен Банк, Москва БИК 044525700 К/С

30101810200000000700 ИНН 7744000302

ПОЛУЧАТЕЛЬ ЗАО АМЕРИАБАНК, ЕРЕВАН, АРМЕНИЯ К/С 30111810700000110586

ДЕТАЛИ ПЛАТЕЖА *

Для кредитования на счет: 1570088586960158 SCIENTIFIC AND

TECHNICAL PROGRESS OF KAPAN» EDUCAT указанием

назначения платежа "помощь"