Հարյուրավոր մարդկանց աջակցության շնորհիվ 2022թ. հունիսի 18-ին Արցախի Հաղորտի համայնքում բացվեց «Մունք» տեխնոդպրոցը: 

Մենք արդեն 2 տարեկա՜ն ենք։

Այս ընթացքում անցել ենք բազմաթիվ դժվարությունների միջով, հաղթահարել անհաղթահարելի թվացող խոչընդոտներ, բայց ոչ մի վայրկյան չենք դադարեցրել մեր գործունեությունը։ 

Այսօր, ուզում ենք Ձեզ հրավիրել մեզ հետ նշելու մեր 2 տարեկանն ու Ձեզ պատմելու, թե ինչպես ենք գործել շրջափակման ժամանակ, ինչպես են մեր տեխնոառաքյալներն ու ուսանողներն իրենց անձնական իրերի հետ տարհանել Մունքի ամբողջ տեխնիկան, ինչպես ենք ողջ համայնքով միասին տեղափոխվել Տաշիր ու մի բան էլ ընդլայնվել դեպի Կապան ու Վարդենիս։ 

Այս ամենն արել ենք միասին։ Միասին ստեղծել ենք մի բան, որ շարունակում է ապրել ու արարել։ Եկե՛ք, միասին էլ նշենք մեր երկամյա միասնությունը։ 

Անհամբեր սպասում ենք հունիսի 18-ին, ժամը 19:00, Էլիտ պլազա բիզնես կենտրոնում կայանանլիք մեր հանդիպմանը:

Մասնակցելու համար գրանցվելը պարտադիր է`

https://shorturl.at/jtFT3

☀️ Վաղուց չէինք հանդիպել՝ ճամբարում էինք։  

Օգոստոսի 2-ից մեկնարկել էր տեխնոճամբարի 1-ին հոսքը (ակտիվ դասեր, դասալսումներ կինոդիտումներ, սպորտային մրցույթներ, խարույկ ու ազգային պարեր)։ 

✊ 14 օրվա ընթացքում մենք հանդիպել ենք շատ դժվարությունների, (ինչը նորմալ է բլոկադային պայմաններում) և պատվով փորձել հաղթահարել, քանի որ մեր առջև կար դրված հստակ նպատակ և մեր կողքին էին մեր հայրենակիցները։

Շրջափակումը ոչ մի դեր չունեցավ մեր ամենամյա խոսնակների “ներկա գտնվելուն” և թեկուզ հեռավար նրանք մեզ հետ էին ամենատարբեր թեմաներով՝ կիբերանվտանգություն, հրթիռաշինություն և այլն։ 

Լավ նորություններին զուգահեռ, կան նաև որոշ սահմանափակումներ մեր երկրորդ հոսքում։ Բոլոր խնդիրներից ամենասուրն իհարկե դիզվառելիքի խնդիրն է, որի սուղ լինելու հետևանքով՝ օգոստոսի 1️⃣8️⃣-ից մեկնարկում է Տեխնոճամբարի երկրորդ հոսքը, սակայն, 1️⃣4️⃣ օրվա փոխարեն՝ 7️⃣ օրով։ 

🤝 Մեզ համար պատիվ է այս պայմաններում իրականացնել նման նախաձեռնություն, որն իհարկե չէր իրականանա առանց մեր նվիրատուների։ 

🩵 Շնորհակալ ենք մեր կողքին լինելու, վստահելու և աջակցելու համար։

Ողջույն սիրելի համայնք, 

Կարծում ենք բոլորդ գիտեք ինչպիսի դժվարությամբ մեզ հաջողվեց իրականացնել այս տարվա մեր տեխնոճամբարը, որը Արցախում նման մասշտաբով վերջին ճամբարն էր։

Սնունդ Արցախում գրեթե չկար, մասնակիցները սնվում էին միայն 

գյուղմթերքով, օրեր կային նույնիսկ առանց հացի, առանց լույսի, բայց մենք հաջողեցինք։

 Դա հնարավոր չէր լինի առանց Ձեզ, ինչի համար անչափ շնորհակալ ենք։

«Տեխնոճամբար 2023»-ի հաշվետվությունը այստեղ՝