Մենք մշտապես կարևորում ենք մեր կամավոր ուսուցիչների հմտությունների ու գիտելիքների զարգացումը և այդ նպատակով ժամանակ առ ժամանակ կազմակերպում ենք տարբեր հանդիպումներ և սեմինարներ։

Վերջերս մեր կամավոր ուսուցիչների նոր խումբը հնարավորություն ունեցավ առցանց հանդիպում ունենալու ԵՊՀ փիլիսոփայության և հոգեբանության ֆակուլտետի դասախոս Սերոբ Խաչատրյանի հետ։

Պարոն Խաչատրյանը կամավոր ուսուցիչներին ներկայացրեց կրթության արդի վիճակը, մարտահրավերները և արտադպրոցական ծրագրերի ազդեցությունը։ Եղավ նաև հարց-պատասխանի հատված։

Դեկտեմբերի 29-ին տեղի ունեցավ Mathemagic schools-ի այս տարվա ամփոփիչ դասը։

Ի՞նչ ենք արել այսօր։ Հրաշք Մաթեմիկները ներկայացրել են իրենց փոքրիկ ամփոփիչ աշխատանքները, որի ընթացքում անգլերենով ներկայացրեցին իրենց և իրենց գյուղի՝ Վահագնիի մասին։ Նրանք նաև իրենց հետաքրքրող թեմաներից են ներկայացրել։

Մենք նաև քննարկել ենք մեր հետագա անելիքներն ու ունեցել տոնական մթնոլորտ։

Վահագնիի Mathemagic school-ում այս պահին անվճար կրթություն են ստանում տեղի 13 երեխաներ։ 

Մեր մասնագետների կողմից օգտագործվող մեթոդներն երեխաներին հնարավորություն է տալիս սովորելու ընթացքը դարձնել ավելի հաճելի։ Երեխաները սիրով են հաճախում դասերին և սիրում են սովորել։

Մեթոդներից մեկը ստացած գիտելիքները գործնականում օգտագործելն է։ Օրինակ անգլերենի խմբակի դասերից մեկի ընթացքում պիցցայի, դրա պատրաստման եղանակի և բաղադրիչների մասին սովորել են պիցցա պատրաստելու ընթացքում։

«Մաթեմիկն Արցախում»-ի առցանց դասերը շարունակվում են:

Մաթեմիկները միայն մաթեմատիկա չէ որ սովորում են։ Այս պահին մոտ 30 մաթեմիկներ պատրաստվում են միասնական քննություններին և մեր կամավոր ուսուցիչների հետ ուսումնասիրում են մաթեմատիկա, հայոց լեզու և օտար լեզուներ։

Նոյեմբերին 9-ին կայացավ հանդիպում «Մաթեմիկի» շրջանավարտների հետ, որոնք այս տարի մասնակցել են «Մաթեմիկն Արցախում» ծրագրին և մեր կամավոր ուսուցիչների հետ անցել առցանց պարապմունքներ ու հաջողությամբ ընդունվել Հայաստանի տարբեր բուհեր։

Հանդիպմանը մասնակցում էին նաև այս տարի միասնական քննություններին պատրաստվող մեր սաները, որոնք կամավոր ուսուցիչների հետ պատրաստվում են իրենց ուսումնական կյանքը շարունակել բուհերում։

Հանդիպման ընթացքում մեր սաները խաղերի ու գործնական աշխատանքների միջոցով ծանոթացան միմյանց հետ ու քննարկեցին իրենց ապագայի կրթական նպատակները և հետագա ընդգրկվածությունը «Մաթեմիկում»։ Իսկ դե վերջում ավանդական նկար, նվերներ, իսկ շրջանավարտներին՝ հավաստագրեր:

Mathemagic school-ում (Լոռու մարզ, գ․ Վահագնի) մեր սաներն անվճար սովորում են անգլերեն։ Անգելերնի դասերը տևում են շաբաթական երեք օր երկու ժամով։ 

Բացի քերականությունից, մեր մասնագետը դասերը անցկացնում է նգլերենով զրույցների և խաղերի միջոցով։

Մի քանի նկարներ մեր դասերից․

Թագուհի Բաղրամյանն է, մեր «Մաթեմիկն Արցախում» ծրագրի շրջանավարտներից։

Նա ընդունվել է Վ. Բրյուսովի անվան պետական համալսարան, քաղաքագիտության բաժինը։

Ինչպես գիտեք, մեր հաջողության պատմություններ ունեցող շրջանավարտների հետ զրույցներ ենք ունենում, ահա մի հատված այս զրույցից․

«Դեռ Արցախում էի, երբ «Մաթեմիկ»-ի մասին իմանալուց հետո շուտափույթ գրանցվեցի հայոց լեզվի ու անգլերենի դասընթացներին։ Որոշ ժամանակ անց սկսվեց դասընթացավարների հետ նախ ծանոթությունը, ապա պարապմունքները։ Դասերն անցնում էին մեզ համար հետաքրքիր եղանակով ու երբեք հոգնեցուցիչ չէր լինում։ Դպրոցի ուսուցչուհու՝ ընկեր Հարությունյանի հետ պարապելուն զուգահեռ ընկեր Արևի հետ հայոց լեզվի դասին շտեմարան էինք անում ու ինչքան դժվար հարց լիներ ընկեր Արևը փորձում էր պատասխանն այնպիսի ձևով մեզ ներկայացնել, որ երբեք չմոռանանք։ Հիացած էի ընկեր Արևի դասավանդման պրոցեսից։ Ավելացնեմ նաև, որ դժվար պահերին միշտ մեր կողքին, մեր ցավը կիսող, մեզ լավ հասկացող ընկեր Արևի նման ուսուցիչներ շատ են պետք մեր երկրին։ Տեղափոխվելով Հայաստան, որտեղ հաճախում էի դպրոց, այդ դպրոցի օրինակելի, կարեկցող, առաջին իսկ օրվանից մեզ հարազատ դարձած սիրելի ուսուցչուհին՝ ընկեր Փաշյանն ինձ ընդգրկեց լեզվի անհատական պարապմունքի խմբում ու անվճար հիմունքներով իր աշակերտների հետ հավասար սկսեց ինձ հետ ևս պարապել, ինչի համար շնորհակալ եմ ընկեր Փաշյանին։ Ընկեր Արևը ևս շարունակեց պարապմունքները ու իրենց միահամուռ ուժերի շնորհիվ կարողացա լավ միավոր ստանալ հայոց լեզվից։ Անգլերենի դասերին թե՛ բառապաշար, թե՛ քերականություն, և թե՛ խաղերի տեսքով վարժություններ էինք անում։ Ընկեր Նարինեի մասին կարելի է անվերջ խոսել ու երբեք չձանձրանալ։ Ընկեր Նարինեի հետ ��յնքան էր ընկերական շփումը, որ եթե դասից դուրս զրուցեինք, երբեք չէր ավարտվի այն։ Ընկեր Նարինեն յուրօրինակ է իր մարդ տեսակով։ Հանդիպելով ընկեր Նարինեին հասկացա,որ դեռ կան այնպիսի մարդիկ, ովքեր կարող են հասկանալ մարդուն ու փորձել օգնել ։Բառերը քիչ են ընկեր Նարինեին բնութագրելու համար, վստահ եմ նրան հանդիպած մարդիկ կհաստատեն այն։ Շնորհակալ եմ նաև «Մաթեմիկ»-ի մեծ թիմին, այն նախագծելու, որակյալ կրթություն տալու և այսքան լավ մարդկանցով մեզ շրջապատելու համար։»

Մեր այսօրվա հաջողության պատմությունը շրջանավարտ Լուսինե Բաղդասարյանի մասին է:

Դե բոլորդ էլ գիտեք, թե արհեստական բանականությունը որքան արագ է գրավում աշխարհը, ու Լուսինեն հետ չի մնացել աշխարհից։

Նա Հայաստանի ազգային պոլիտեխնիկական համալսարանի (ՀԱՊՀ), Արհեստական բանականություն բաժինն է ընդունվել:

Հատված իր հետ զրույցից․

«Մաթեմիկն իմ աճման շրջանի լավագույն ձեռքբերումներից է։ Սա պարզապես շաբլոն խոսք չէ ,որը կարող է ասել յուրաքանչյուրը, սա իմ երախտիքն է Մաթեմիկին:Սկզբում ես մասնակցում էի օլիմպիական խմբակների, վեբինարների `որտեղ ձեռք բերեցի գիտելիքների մեծ պաշար, լավ ընկերներ ու անկրկնելի մենթորներ,այնուհետև որոշեցի ձեռք բերել նաև մասնագիտական հմտություններ, և հմտացա QA-ի մասնագիտական ոլորտում:Մաթեմիկն իր տված գիտելիքներով մեծ դեր ունեցավ նաև կյանքիս ամենակարևոր որոշումն ընդունելու ժամանակ, այն է մասնագիտական կողմնորոշումը :ԵՒ հիմա երբ ընդունվել եմ արդեն համալսարան, շնորհակալ եմ Մաթեմիկին իր անգնահատելի հետքն իմ ճանապարհին թողնելու համար:»

ներկայացնում ենք Նարինե Մանուկյանին, ով ընդունվել է Գավառի պետական համալսարան, պատմության ֆակուլտետ` անվճար, մասնակցելով Մաթեմիկն Արցախում ծրագրին։

Մի փոքր հատված Նարինե հետ զրույցից․

«Պատերազմից հետո երբ տեղափոխվեցինք Հայաստան հույսս լրիվ կորցրել էի և չէի ցանկանում շարունակեմ պարապմունքներս, հունվարին որոշեցի, որ պետք է գնամ հայոց լեզվի քննության, գնացի... ու անցա, էդ ինձ շատ ոգևորեց: Ժամանակ չկար արդեն պետք է հասցնեի նաև հայոց պատմություն պարապեի, բայց մասնագետ չէի գտնում, այդ ժամանակ էլ դասընկերներիցս մեկը խորհուրդ տվեց միանալ «Կրթությունը զենք» խմբին, միացա ու չեմ փոշմանում էդտեղ ուղղակի հրաշալի մասնագետներ են աշխատում: Եվ հենց այդ տեղ էլ ծանոթացա ընկեր Կարապետյանի հետ, և մի քանի օրից սկսվեց մեր պարապմունքները, հենց սկզբից էլ ուղղակի հիացած էի ընկեր Կարապետյանի դասավանդման պրոցեսի վրա: Շատ շնորհակալ եմ իրենից իր ՄԱՐԴ տեսակի համար, այն ամենը ինչ արել է ինքը իմ համար, երբեք չեմ մոռանա: Ընդամենը 4 ամսում ես սովորել ու կրկնել եմ ամբողջ ծրագիրը ու վստահ գնացել քննության:»

Վերջերս ամփոփեցինք Mathemagic school-ի մեկ տարվա գործունեությունն ու ավարտական տարին։

Մաթեմատիկական դպրոցում սովորող երեխաները ստացան մասնակցության հավաստագրեր։

Այս մեկ տարվա ընթացքում երեխաների առաջընթացի մասին խոսում են այն արդյուքները, որոնք նրանք գրանցել են ավարտական ամփոփիչ առաջադրանքների ընթացքում, ինչպես նշում են աշակերտների հետ աշխատող մեր ուսուցիչները, երեխաները նաև դարձել են ավելի ինքնավստահ և աշխատասեր։

Այս մեկ տարվա ընթացքում երեխաները ժամանակակից մեթոդներով սովորել են մաթեմատիկական տարբեր թեմաներ՝ սկսած բնական թվերի բաժանելիության հայտանիշներից և լուցկիներով տրամաբանական խաղերից մինչև միանդամի հասկացություն և գծային հավասարումների լուծում։ Նրանք նաև զարգացրել են խոսակցական անգլերենի իրենց հմտությունները։

Mathemagic-ում դասերը շարունակվում են: Մաթեմատիկան ու անգլերենն արդյունավետ մեթոդներով սովորելն ավելի հետաքրքիր է դարձնում այն:

Մեր ուսուցիչների մեթոդները օգնում են սիրել առարկաները։ Խաղերի, բաց դասերի ու անմիջական մթնոլորտի շնորհիվ երեխաների մոտ գրանցվել է գիտելիքների աճ, որը փաստում են նաև ծնողները։ Մեր թիմը պարբերաբար հանդիպումներ է ունենում դպրոց հաճախող երեխաների ծնողների հետ։

Օրինակ, անգլերենով Ալիաս խաղալն օգնում է մեր աշակերտներին զարգացնել իրենց լեզվի իմացությունը դեռ վաղ տարիքից: Այս մեթոդը օգտագործում է անգլերենի ուսուցչուհի ընկեր Հրանուշը։

Առցանց դասերը Արցախից տեղահանված երեխաների հետ շարունակվում են։ Այս ընթացքում պարբերաբար զրույցներ են կազմակերպվել կամավոր ուսուցիչների հետ, քննարկելու երեխաների առաջընթացը։ Կամավոր ուսուցիչները նշում են, որ երեխաները մեծ սիրով ու բարձր պատասխանատվությամբ ներկայանում են դասերին և ակտիվ մասնակցում դրանց։

Ծրագրի շրջանականերում շարունակում ենք աշխատել 120-ից ավելի աշակերտների հետ, ովքեր ուսումնասիրում են օտար լեզուներ, բնագիտական առարկաներ, մաթեմատիկա, հայոց լեզու և այլն։

Այս պահի դրությամբ Արցախից տեղահանված երեխաների հետ աշխատում են 35 կամավոր ուսաուցիչներ։

Աշակերտները ունենում են արտադպրոցական առցանց դասեր տարբեր դպրոցական առարկաներից՝ մաթեմատիկա, անգլերեն, ռուսերեն, քիմիա, հայոց լեզու, կենսաբանություն և այլն։ Խմբակների թիվն անցնում է 40-ը, իսկ աշակերտների թիվը՝ 120-ը։ 

Մաթեմիկն Արցախում

Դեկտեմբերի 22-ին մեր գործընկներների հետ հրաշալի անակնկալ դասընթաց էինք կազմակերպել Արցախից բռնի տեղհանված երեխաների համար։

Դասընթացը և անակնկալ նվերները պատրաստել էր CFW Armenia-ն։

Դասընթացի ընթացքում երեխաներին ներկայացվել է կիբեռանվտանգության մասին, իսկ հանդիպման վերջում մասնակից երեխաները ստացել են նվերներ։

Ինչպե՞ս է անցել նախորդ շաբաթները Mathemagic-ում։

Վերջին շրջանում ակտիվ շրջան էր Mathemagic schools-ում։

Ունեցել ենք մի շարք կարևոր կրթական հանդիպումներ, որոնց ընթացքում երեխաները բացի մաթեմատիկայից հավելյալ սովորել են համակարգչի մասին, ֆինանսական գրագիտության և գոհաբանության տոնի մասին։

«Մաթեմիկն Արցախում»

• 71 խմբեր տարբեր դպրոցական առարկաներից
• 300 աշակերտ
• 69 կամավոր ուսուցիչներ

Այս ամենը «Մաթեմիկն Արցախում» ծրագրի մասին է: Արցախից մեր երեխաների հետ շարունակում են աշխատել մեր կամավոր ուսուցիչները, նրանց շնորհիվ շուրջ 300 աշակերտներ ուսումնասիրում են դպրոցական առարկաներն ու իրենց առօրյան դարձնում ավելի կրթական ու հավես։

Այս հաշվետու ժամանակահատվածի համար ցանկանում ենք ներկայացնել վերջին շրջանում կատարած աշխատանքի արդյունքները՝ թվերով։ «Մաթեմիկն Արցախում» ծրագրի թվով 50 երեխաներ ուսումնասիրում են դպրոցական տարբեր առարկաներ։ Այս պահին ունենք 5-11-րդ դասարանների 13 խմբակներ։ Իսկ միասնական քննություններին պատրաստվող սաներն ընդգրկված են 4 խմբակներում։ Այս պահին ունենք 20-ից ավելի կամավորներ։ 

Mathemagic Schools-Վահագնիում ունենք 13 աշակերտներ, մեկ անգլերենի ուսուցիչ և մեկ կամավոր՝ Շոն Գուդմենը Միացյալ Նահանգներից։

Հաշվետվություններին կարող եք ծանոթանալ այստեղ։

Այս ժամանակահատվածում Մաթեմիկի թիմը ձևավորել է նոր խմբակներ Արցախցի այն երեխաների հետ, որոնք ցանկանում են ընդունվել ՀՀ տարբեր բուհեր։ Այս պահին 30 աշակերտներ պատրաստվում են միասնական քննություններին կամավո ոսուցիչնեի օգնությամբ։ Այս հաշվետու ժամանակաշրջանի հաշվետվությանը կարող եք ծանոթանալ այստեղ։

Շնորհակալ ենք հանգանակությունների համար։ Ներկայացնում ենք ապրիլ ամսվա հաշվետվությունը։ Մանրամասներին կարող եք ծանոթանալ այստեղ։

Մեր թիմն այժմ աշխատում է մի նոր նախագծի վրա, որի շահառուները լինելու են Արցախից տեղահանված երեխաները։ Այդ նպատակով վերջերս առցանց հանդիպում ունեցանք ծրագրի մասնակից աշակերտների ծնողների հետ։

Այս ամիսների ընթացքում կամավոր ուսուցիչներն ունեցել են նաև ֆիզիկական հանդիպումներ իրենց սաների հետ։ Այդ հանդիպումների ընթացքում կամավոր ուսուցիչներն իրենց սաների հետ այցելել են թանգարաններ, ինչպես նաև անցկացրել արդյուանավետ ժամանակ առօրյա դասերից զատ։

«Մաթեմիկն Արցախում» ծրագրի մասնակից Անի Աղամալյանն իր կամավոր ուսուցչուհու՝ ընկեր Թեհմինե Մարտոյանի հետ ԵՊՀ-ում մասնակցել է «Սովորենք պատմությունից» աշխատաժողովին։ Անին ծրագրին մասնակցել է զեկույցով, թեման՝ «Հալիդե Էդիփը և հայ որբերը»։

Մեր դասերը շարունակվում են նաև Վահագնիի Mathemagic դպրոցում, այնտեղ երեխաները շարունակում են հետաքրքիր մեթոդներով ուսումնասիրել մաթեմատիկա և անգլերեն։

Շնորհակալ ենք հանգանակությունների համար։ Ներկայացնում ենք ապրիլ ամսվա հաշվետվությունները։ Մանրամասներին կարող եք ծանոթանալ այստեղ։

Շնորհակալ ենք հանգանակությունների համար։ Ներկայացնում ենք հունվար ամսվա հաշվետվությունները։ Մանրամասներին կարող եք ծանոթանալ այստեղ։

Առցանց դասերը արցախցի երեխաների հետ։

Շնորհակալ ենք հանգանակությունների համար։ Ներկայացնում ենք հավետվությունները։

Արցախի երեխաները անգլերենի դասերից մեկին։