Մեր նպատակը

Կրթության միջոցով փոխել հայրենիքի պաշտպանների կյանքի որակը և մեր երկրում նրանց արժանապատիվ ապագան:

Կատարի՛ր ամենաէական ներդրումը մեր հայրենիքի պաշտպանի կյանքում և հասարակության մեջ, քանզի կրթությունը կարևոր է, իսկ պատերազմի մասնակցի սխրանքն՝ անգին։

Հիմնադրամը տրամադրում է ոչ միայն ուսման կրթավճար բարձրագույն կամ միջին մասնագիտական ուսումնական հաստատություններում սովորող պատերազմի մասնակիցներին մինչև ուսումնառության ավարտը, եթե վերջիններս ապահովում են․

• միջինից բարձր առաջադիմություն և
• տարեկան 120 ժամ կամավորություն՝ դառնալով բարության շղթայի կրողներ,

այլ նաև կազմակերպում իրենց համար բազմաթիվ մշակութային, ճանաչողական և մասնագիտական կողմնորոշման միջոցառումներ պատերազմից հետո հասարակական կյանք ինտեգրելու համար։

Դարձի՛ր կրթության առաջնորդ և կատարի՛ր քո կարևոր ներդրումը պատերազմի մասնակցի կյանքում հիմա:

Խնդիր

2023-2024 ուստարում Հիմնադրամը ֆինանսավորում է ՀՀ տարբեր ԲՈՒՀ-երում սովորող շուրջ հարյուր շահառուի, ովքեր հաղթահարելով ֆիզիկական և հոգեբանական տարբեր խոչընդոտներ շարունակում են գնալ իրենց երազանքի հետևից և կերտել մեր հայրենիքի ապագան։

Հիմնադրամի շահառուներից 10 քաջորդիների 2023-2024 ուստարվա երկրորդ կիսամյակի ուսման ծախսերը հոգալու համար անհրաժեշտ է հ��վաքագրել 1 630 000 դրամ։

Նշված գումարը չի ներառում որևէ վարչական ծախս և ուղղակիորեն փոխանցվելու է համապատասխան ուսումնական հաստատություններ։

Արշավի բյուջեին կարող եք ծանոթանալ այստեղ։

Հայրենիքի պաշտպանները` մեր ապագայի կերտողներ:

Լուծում

«4090 Բարեգործական» հիմնադրամը ստեղծվել է արցախյան երրորդ պատերազմից հետո, և նպատակն է տրամադրել կրթության հնարավորություն 2016 և 2020 թթ. պատերազմների մասնակից այն քաջորդիներին, ովքեր, չնայած տարբեր խոչընդոտների, գնում են իրենց երազանքի հետևից՝ դառնալով հայրենիքի ապագայի կերտողները։ 

Այս պահին հիմնադրամն ունի ՀՀ բարձրագույն ուսումնական հաստատությունում սովորող շուրջ հարյուր (97) ուսանող-շահառու։ Հիմնադրամը չունի քաղաքական, կրոնական կամ արհեստակցական նպատակներ և չի հարում որևէ քաղաքական հոսանքի, մինչ օրս ֆինանսավորվել է հիմնականում անհատ բարերարների շնորհիվ և սոցիալապես պատասխանատու ընկերությունների կողմից:

Այս արշավի շրջանակում Դու նույնպես կարող ես ունենալ քո կարևոր ներդրումը պատերազմի մասնակից հայորդիների կյանքում՝ օգնելով նրանց ձեռք բերել հիմնարար կրթություն և նաև ցանկության դեպքում դառնալ ՄԵՆԹՈՐ վերջիններիս համար։  

Շահառուներ

Ստորև ներկայացված է այն շահառուների ցանկը, ովքեր կկարողանան շարունակել իրենց կրթությունը ձեր անմիջական աջակցությամբ:

1. Դավիթ Գարիկի Հովհաննիսյան, Արևելագիտության ֆակուլտետ, III կուրս
2. Սիմոն Վարդգեսի Մելքոնյան, Մաթեմ և մեխանիկայի ֆակ-տ, III կուրս
3. Ղազարյան Արտյոմ Գարիկի, Տնտեսագ-ն և կառավարում ֆակուլտետ, III կուրս
4. Թեմուր Յուրիկի Խուդոյան, Ինֆորմ և կիրառ մաթեմ ֆակ-տ Ինֆորմատիկա մաս-մբ, III կուրս
5. Գրիգորյան Նարեկ Հովիկի, Ֆարմացիայի ինստիտուտ, Դեղագործական քիմիա բաժին, V կուրս 
6. Ջավադ Խաչիկի Մարգարյան, Մենեջմենթ մասնագ-ն, III կուրս
7. Անտոնյան Վահագն Մանվելի, Վոկալ-տեսական ֆակուլտետի բակալավրիատի III կուրս
8. Նիկողոսյան Սուրեն Սամվելի, Ընտանեկան ստոմատոլ. մաս-մբ կլինիկ. օրդինատուրա, 1-ին տարի
9. Հարությունյան Հովհաննես Նվերի, Ֆարմ-ի ինստ, Դեղագ-ան քիմիա բաժին, III կուրս 
10. Հունան Հրայրի Հունանյան, Ընդհանուր բժշկության ֆակուլտետ, III կուրս

Թիմ

Սա արդեն թվով երրորդ դրամահավաք արշավն է, որ իրականացվում է այս հարթակի վրա և հիմնադրամի թիմի անմիջական մասնակցությամբ։

Միացե՛ք երազանքի իրականացման նախաձեռնությանը և գնահատե՛ք այն բարդ ուղին, որ մեր հայորդիներն անցել են 2020 թվականին բոլորիս համար։

Հաճախ տրվող հարցեր

Ինչու՞ 4090:

4090ը Հայկական լեռնաշխարհի քառագագաթ Արագածի ամենաբարձր կետի՝ հյուսիսային գագաթի բարձրությունն է (4090մ)։

Ովքե՞ր են շահառուները:

2016թ․և 2020թ․ պատերազմներին մասնակցած այն բոլոր անձինք, ովքեր այս պահին բնակվում են ՀՀ և սովորում են բարձրագույն կամ միջին մասնագիտական ուսումնական հաստատությունում

Ո՞վ է ֆինանսավորում:

Մինչ օրս բոլոր միջոցները հավաքագրվել են Հայաստանում և արտերկրում ապրող անհատների և սոցիալապես պատասխանատու ընկերությունների բարեսիրության շնորհիվ։

Արդյո՞ք պետությունը չի փոխհատուցում պատերազմի մասնակիցների ուսման վարձը:

Համաձայն ՀՀ կառավարության հոկտեմբերի 1752-Ն որոշման 28, 2021 մարտական գործողություններին մասնակցած ուսանողները ուսման վարձի կեսից ավելին ստանում են միայն այն դեպքում, եթե նրանց միջին միավորը (ՄՈԳ) գերազանցում է 60%-ը, հակառակ դեպքում փոխհատուցում չի տրվում:

Ինչպե՞ս է տրամադրվում կրթավճար:

«4090 բարեգործական» հիմնադրամը հոգում է պատերազմի մասնակիցների ուսման վարձի մինչև 100%-ը։ Կրթավճարն անմիջապես փոխանցվում է ուսումնական հաստատությանը՝ տրամադրված փաստաթղթի հիման վրա։ Շահառուներն անձամբ որևէ գումար չեն ստանում։

«Ապագան վտանգված ժողովուրդների վերջին խաղաթուղթը վերադաստիարակությունն է»․ Գ․ Նժդեհ

Այս նախագիծն աջակցում է`

Կայուն Զարգացման Նպատակներին