Ոչ բոլոր գյուղերում կգտնեք երաժշտական դպրոց, որը սպասարկում է ոչ միայն իր գյուղի, այլև հարակից 11 գյուղերի երեխաներին՝ հնարավորություն տալով մուտք գործել արվեստի աշխարհ և երաժշտական ասպարեզում հասնել մեծ բարձունքների։

Արարատի մարզի Արևշատ գյուղի երաժշտական դպրոցն ունի այդ առանձնահատկությունը, սակայն ցավոք, 4 դասասենյակները վատ վիճակում են ու երեխաները զրկված են բարվոք պայմաններում իրենց երազանքի կրթությունը ստանալու հնարավորությունից։

Դպրոցում գործում է տարածաշրջանի ազգային գործիքների ամենաակտիվ համույթներից մեկը, որը ջանք ու եռանդ չի խնայում և միջազգային մրցույթներում Հայաստանը պատվով է ներկայացնում։

🔸 Դպրոցում 40 տարի չի գործել զուգարան, 

🔸 Չի եղել խմելու ջուր, 

🔸 Էլեկտրականության լարերի վիճակն աղետային էր ու այն օգտագործել հնարավոր  չի եղել սենյակները տաքացնելու համար,

🔸Դպրոցում չկա ջեռուցում։

«Արի գյուղ, գյուղում կյանք կա» բարեգործական ծրագրի շրջանակներում միահամուռ ուժերով հասել ենք հետևյալին՝ 

🔸 Վերանորոգվել է ամբողջությամբ համերգային դահլիճը և կահավորվել, ինչի արդյունքում մի քանի համերգներ և մրցույթներ տեղի են ունեցել հենց այդ վերանորոգված դահլիճում։ 

🔸 Դահլիճին կից 6 դասասենյակներն ամբողջովին վերանորոգվել են։ 

🔸 Լուսավորվել են։ 

🔸 40 տարի չգործող զուգարանը թողեցինք անցյալում և հիմա ունենք մաքուր և կոկիկ զուգարաններ։ 

🔸 Դպրոցում գործող «Այթի» սենյակն ամբողջովին վերանորոգվել է, ինչը հնարավորություն է տալիս 70-ից ավել երեխաների անվճար սովորելու ծրագրավորման հիմունքները։ 

🔸 Սոլֆեջիոյի սենյակը 6 ամիս առաջ հանձնվել է օգտագործման: 

🔸 Այս գեղեցիկ փոփոխությունների արդյունքում ծնողները մեզ են վստահել ու աշակերտների թվի 50% աճ է նկատվել նախորդ տարվա 83-ի համեմատ, որը մեզ ոգեշնչում է ավելին անելու գյուղի զարգացման ու տաղանդների բացահայտման համար։ 

Այժմ ժամանակն է, որպեսզի միանանք ռեԱրմենիայի դրամահավաքին՝ կատարելու դպրոցի 4 դասասենյակների և միջանցքի վերանորոգումը, որը հնարավորություն կտա երեխաներին ապահովել նոր ու ավելի հարմարավետ դասասենյակներով՝ հարթելով նրանց ուղին դեպի մեծ բեմեր:

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին