ՈՍԿՈՐՆԵՐԻ ՎՆԱՍՎԱԾՔՆԵՐԻ ՎԵՐԱԿԱՆԳՄԱՆ ՆՈՐԱՐԱՐԱԿԱՆ ԼՈՒԾՈՒՄ

Տարիներ առաջ մարդաբան Մարգարեթ Միդին հարցրին. 

- Ո՞րն է քաղաքակրթության առաջին նշանը։

- Քաղաքակրթության առաջին նշանը՝ ապաքինված ազդոսկրը:

Եթե ոտքը կոտրվում է, կենդանին մահանում է: Նա չի կարող փախչել վտանգից, սնունդ հայթայթել կամ հասնել գետ ջուր խմելու համար…

Ոչ մի կենդանի չի կարող գոյատևել այնքան ժամանակ, որ ոտքի կոտրվածքը ապաքինվի։

Կոտրված ազդրը, որը ապաքինվել է, վկայում է այն մասին, որ ինչ-որ մեկը նրա մասին հոգ է տարել, կապել է վերքը, տեղափոխել ապահով վայր, սնել ու պաշտպանել։ Հենց սա է քաղաքակիրթ մարդու սկիզբը։

Հոգատար լինելը քաղաքակրթության սկիզբն է, իսկ կարևորագույն բաղադրիչը՝ գտնել միջոցներ վնասվածքների վերականգնման համար։ 

Առողջության վերականգնման խնդիրն այսօր էլ առանցքային ու արդիական է։ Այդ խնդիրներից են հենաշարժողական համակարգի վնասվածքները՝ երկրագնդի բնակչության ծերացում, ոսկրերի քաղցկեղ, վթարներ, բնածին արատներ։ Սրանք պատճառներ են, որոնք հանգեցնում են ոսկրային դեֆեկտների ու վնասվածքների։ 

Պատկերացրե՜ք՝  երազում եք զբոսնել ձեր փոքրիկի հետ, բայց քայլել և նույնիսկ նստել չեք կարող․․․

ԲՈՒԺԵԼՈՒ ՀԱՄԱՐ ՊԵ՞ՏՔ Է ՎՆԱՍԵԼ

Ցավոք, մեծ դեֆեկտները, բնական ճանապարհով չեն վերականգնվում և պահանջում են բժշկական միջամտություն։

Ի ուրախություն բոլորիս՝ անբուժելի համարվող ոսկրային խնդիրներն այսօր լուծելի են։ 

Մեր օրերում առկա են վերականգնողական ու բուժման տարբեր մոտեցումներ, այդ թվում՝ ոսկրերի փոխպատվաստումը, որի դեպքում ոսկոր են վերցնում հիվանդի մեկ այլ ոսկրից և փոխպատվաստում։

Կարծում եք՝ արդյունավե՞տ է։ 

Բայց չէ՞ որ մեկ վնասվածքը բուժելու համար հարկավոր է վնասել մեկ այլ՝ առողջ հատված։ Այս դեպքում իրականացնում են կրկնակի վիրահատական միջամտություն՝ ուղեկցող բոլոր ռիսկերով ու հետվիրահատական բացասական ազդեցություններով: Ցավոք, այս միջամտության 10-20%-ն ավարտվում են անհաջող ելքով։ Մետաղական իմպլանտները, թեև համարվում են արդյունավետ, սակայն լինելով օտար մարմին օրգանիզմի համար՝ ուղեկցվում են բացասական երևույթներով։

ԵՐԱԶԱՆՔ Է, ԹԵ՞ ԻՐԱԿԱՆՈՒԹՅՈՒՆ

Այո՜, լուծումն արդեն կա՝ կենսահամատեղելի, կենսաակտիվ, և կենսաքայքայվող նյութը կարող է նպաստել ոսկրերի աճին, իսկ ժամանակի ընթացում լուծվել ու վերանալ՝ նպաստելով ոսկրերի վերականգնմանը։

Այն կարող է՝

1. Վերացնել վնասված ոսկորի բացակայող մասը, 
2. Նպաստել ոսկորի աճին՝ աճող ոսկորին ուղորդելով դեպի վնասված հատվածներ։ 
3. Մի քանի ամսվա ընթացում ոսկորի աճին զուգընթաց տարալուծվել օրգանիզմում՝ ( չթողնելով որևէ բացասական ազդեցություն,
4. Խթանել ոսկրաբջիջների առաջացմանը՝ վնասված ոսկրերի բուժումը դարձնելով կատարյալ։ 

Դարձիր քաղաքակրթության դրոշակակիր՝ նվիրաբերելով հիմա․ 

ՄԵՐ ԹԻՄՆ ՈՒ ՁԵՌՔԲԵՐՈՒՄՆԵՐԸ 

Իսպանիայի ու Էստոնիայի մասնագիտացված լաբորատորիաներում շուրջ 8 տարի իրականացրել ենք գիտահետազոտական աշխատանքներ, ապա Բրազիլիայում կենդանիների վրա իրականացրել նախնական կլինիկական հետազոտություններ։

Արդյունքում մշակել ենք յուրահատուկ կենսաակտիվ ու կենսաքայքայվող նյութ՝ բիոսեռ (BioCer)։ Բիոսեռից պատրաստված փորձանմուշ իմպլանտները ենթարկվել են «in vitro» հետազոտութունների։ Լավագույն նմուշները նաև փորձարկվել են նապաստակների և ոչխարների վրա։

Երկարատև մշակումների արդյունքում այսօր բիոսեռից հնարավոր է 

1. Պատրաստել կենսաակտիվ, կենսաքայքայվող հարմարեցված իմպլանտներ,
2. Կարգավորել իմպլանտի ձևը և չափսերը միլիմետրի տասնորդական ճշգրտությամբ,
3. Կարգավորել իմպլանտի ծակոտկենությունը, որը պայմանավորում է ոսկորի աճն ու վերականգնման արագությունը։ Խթանել ոսկորի աճին։

Կհարցնեք՝ ինչպե՞ս

Մարդու ոսկրային հյուսվածքը պիեզոէլեկտրական հատկություն ունի, այսինքն մեխանիկական բեռնման ժամանակ առաջացնում է էլեկտրական հոսանք։ Այս հոսանքը խթանում է ոսկրաբջիջների առաջացումը և աճը։ Սրա շնորհիվ է, որ մարդը ակտիվ կենսակերպ վարելիս ունի ավելի ամուր և հզոր ոսկրեր, իսկ հակառակ դեպքում ոսկրերը տարալուծվում են ու նվազում։

Բիոսեռը, բացի ոսկրերի աճին խթանող բաղադրիչներ պարունակելուց, նաև ունի պիեզոէլեկտրական հատկություն, այսինքն մեխանիական բեռնումից առաջացնում է էլեկտրական հոսանք, ճիշտ այնպես, ինչպես բնական ոսկորը։ Սա նպաստում է ոսկրերի աճին այնպես, ինչպես առողջ ոսկրերի բուժումն է բնական եղանակով։ 

4. Կարգավորելով բաղադրիչների հարաբերակցությունը՝ հնարավոր է փոփոխել բիոսեռի

քայքայման արագությունը, հարմարեցնելով պացիենտի ոսկորի աճման հետ։

ՀԵՏԱԶՈՏՈՒԹՅԱՆ ՆՊԱՏԱԿԸ

Չնայած արդեն հաստատված գերազանց արդյունքների, կենսահամատեղելիության ու կենսաակտիվության, Բիոսեռը պետք է ենթարկվի հետագա կլինիկական փորձարկումների։ Ծրագրի շրջանակներում նախատեսում ենք բիոսեռից պատրաստված իմպլանտները օգտագործել վնասվածք ունեցող կենդանիների՝ շների և կատուների ոսկրային արատները վերականգնելու համար։

Արդյունքում հնարավոր է օգնել տառապող կենդանիներին, միաժամանակ ստանալ արժեքավոր արդյունքները, որոնք ևս մեկ անգամ կհաստատեն Բիոսեռի բացառիկ անվտանգությունը։ Այս ավանգարդ հետազոտության շնորհիվ կարևորագույն քայլ կունենանք վերականգնողական բժշկության մեջ։

Վերջնական նպատակը՝ բիոսեռի օգտագործումը մարդկային վնասվածքների վերականգնման համար։ Արդյունքում՝ կարող ենք վերականգնել բազմաթիվ վնասված ու ֆիզիկապես խեղված մարդկանց ոսկրային արատները, վերադարձնել նրանց նորմալ կյանք՝ առանց ցավի ու վշտի կյանք։

Biocer-ի մասին որոշ տեղեկություն հրապարակված է միջազգային ամսագրերում, որոնցից 3-ը ներկայացված է ստորև՝

https://www.sciencedirect.com/science/article/pii/S0928493112003451

https://www.sciencedirect.com/science/article/pii/S0272884219324058

https://www.sciencedirect.com/science/article/pii/S0272884220321842

Հոգատար եղեք՝ նվիրաբերելով ցանկացած չափի գումար

Չէ՞ որ Ձեր նվիրատվությունը հարթում է ճանապարհ ավանգարդ բժշկության մեջ, և Հայաստանը դարձնելու է առաջատար այս ոլորտում՝ իր արժանի տեղը գտնելով համաշխարհային առաջատար տեխնոլոգիաներ ունեցող երկրների քարտեզում։ 

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին