Հայաստանի Հանրապետության վիճակագրական կոմիտեի տվյալներով՝ մեր երկում հաշվառված է 3000-ից ավել հենաշարժողական խնդիր ունեցող հաշմանդամ։ Ակտիվ թեթև անվասայլակներ չունենալու պատճառով, նրանց մեծ մասն այսօր հնարավորություն չունի օգտվելու ակտիվ կյանքից, սպորտային և ժամանցային բազմաթիվ միջոցառումներից, ինչպիսիք են բասկետբոլը, պարը և այլն։

Ի՞նչու ստեղծվեցին ակտիվ անվասալյակները։

Ռոմանը լինելով համայնքի անդամ և զգալով տվյալ անվասայլակների անհասանելիության պատճառով առաջացած բոլոր անհարմարությունները, Հայաստանում որոշեց ստեղծել այնպիսի անվասայլակներ, որոնք հնարավորություն կտան համայնքի մյուս անդամներին ակտիվ և ինքնաբավ կյանք ունենալ:

Ինչպե՞ս ծնվեց գաղափարը։

Գաղափարը Ռոմանի մոտ ծագել է սեփական փորձից։ Զինվորական ծառայության ընթացքում հաշմանդամություն ձեռք բերելուց հետո, Ռոմանն արդեն 19 տարի նա տեղաշարժվում է անվասայլակով, միևնույն ժամանակ զբաղվում է սպորտով՝ անվասայլակներով բասկետբոլով։ Նա զգացել է, թե ինչպես է ակտիվ անվասայլակը հեշտացնում և ինքնուրույն դարձնում անվասայլակից օգտվող անձի կյանքը, և թե ինչ մեծ նշանակություն ունի սպորտը հաշմանդամություն ունեցող մարդու համար:

Ո՞րն է նպատակը։

Հայաստանում ակտիվ և սպորտային անվասայլակներ չեն արտադրվում, իսկ դասական անվասայլակները ծանր են, դրանցով հնարավոր չէ պարել, կամ սպորտով զբաղվել։ Հայաստան ներմուծված ստանդարտ սպորտային անվասայլակներն էլ՝ համայնքի անդամների փորձից ելնելով, հարմարավետ չեն ակտիվ կյանք վարող անձանց համար, ի տարբերություն Ռոմանի արտադրած անվասայլակների։ Յուրաքանչյուր շահառույի համար տրվում են անհատական կարգավորումներ։ Հաշմանդամություն ունեցող անձինք օրական բախվում են բազմաթիվ խնդիրների և Ռոմանի նպատակն է ստեղծել տեղական արտադրության հարմարավետ և անհատական սպորտային անվասայլակներ։

Որտե՞ղ է ներդրվելու նվիրաբերված գումարը

Նվիրաբերելով գումար՝ կփոխեք կյանքեր։

Հաճելի է չէ՞ իմանալ, որ նույնիսկ քո ամենափոքր ներդրմամբ կարող ես բարելավել դիմացինի կյանքն ու տեսնել այդ ազդեցությունը համայնքում։

Ռոմանը՝ ունենալով հաշմանդամություն, լուծումներ է ստեղծում ոչ միայն իր, այլև այդ խնդրին բախվող յուրաքանչյուր անձի համար։ Նվիրաբերելով գումար և նպաստելով Ռոմանի ձեռներեցության արտադրողականության բարձրացմանը, նաև կդառնաք մասնակից կարևոր նախաձեռնության, Ռոմանը պատրաստ է գաղափարի իրականացվելուն պես, նվիրել 5-ական անվասայլակ Հայաստանում գործող հաշմանդամություն ունեցող անձանց բասկետբոլի և պարի ակումբներին, ինչպես նաև հավելյալ 5 անվասայլակ՝ հաշմանդամության խնդիրը իր հետ կիսող այլ մարդկանց։ Ընդհանուր կնվիրաբերվի 15 անվասալյակ։ Գումարը հավաքելուն պես՝ կաճի ակտիվ սպորտային անվասալյակների արտադրողականությունը, ինչի շնորհիվ էլ ավելի շատ մարդիկ կկարողանան ձեռք բերել այս անվասալյակները՝ բացելով նրանց առաջ նոր հնարավորություններ։

Ինչպե՞ս կկատարվի նվիրաբերման գործընթացը։

Կընտրվեն այն անձինք, որոնք չեն հանդիսանում աջակցություն տրամադրող որևէ ծրագրի շահառու և չունեն բավարար միջոցներ անվասալյակ ձեռք բերելու, և տվյալ անձանցից 15-ին կնվիրաբերվի անվասալյակ։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին