Հարգելի աջակիցներ, այստեղ կարող եք գտնել ծրագրի հոկտեմբեր ամսվա հաշվետվությունը։

Հարգելի աջակիցներ, այստեղ կարող եք գտնել ծրագրի սեպտեմբեր ամսվա հաշվետվությունը։

Հայաստանի Հանրային Հեռուստաընկերության անդրադարձը Վաղուհասի խաղահրապակին։

Եվս մեկ անգամ շնորհակալություն ենք հայտնում մեր բոլոր աջակիցներին։ Առանց ամեն մեկիդ ներդրման այս նախագիծը չէր իրագործվի։

Մեր սիրելի աջակիցներին եկել ենք ասելու, որ հունիսի վերջին խաղահրապարակի հետ կապված բոլոր աշխատանքները ավարտված կլինեն։ Առաջակայում նախատեսվում է հատակի քարապատումը, որն արվելու է տնտեսված գումարների հաշվին։

Սիրելի աջակիցներ, այստեղ կարող եք ծանոթանալ նախագծի՝ ապրիլ-մայիս ամիսների հաշվետվության հետ։ Չնայած մեծ առաջընթաց չենք արձանագրել՝ եղանակային պայմաններից ելնելով, այնուամենայնիվ կարողացել ենք խնայողություններ անել ու դրանք ուղղել խաղահրապարակի բարելավմանը։

Նախագծի սիրելի բարեկամներ, տեղադրում ենք մեր առաջին հաշվետվությունը՝ Հունվար-Ապրիլ ամիսների համար և մի քանի նկար Վաղուհասի խաղահրապարակից՝ երեխաներից ջերմ բարևներով։ Շնորհակալություն մեր 601 աջակիցներին, ովքեր օգնեցին իրականություն դարձնել Վաղուհասի գյուղի առաջին խաղահրապարակը։

Վերջապես կառուցվում է երեխաների խաղահրապարակը։ Այսօրվանից սկսվել են շինարարական աշխատանքները, իսկ անհրաժեշտ սարքավորումներն արդեն տեղում են։ Մնում է տեղադրել, և ընդամենը երկու օրից կարող ենք վայելել խաղից չկշտացող փոքրիկների ուրախությունն ու հրճվանքը իրենց իսկ խաղահրապարակում։

Բոլոր-բոլորիդ սիրով սպասում ենք Վաղուհասում։ 

Այսպիսով, PIERIS Fund-ը օժանդակեց մեզ նաև ամենապատասխանատու ու կարևոր պահին ևս՝ դրամահավաքը եզրափակելով վերջին նվիրաբերությունով! Շնորհակալ ենք!

Շնորհակալ ենք բոլորին, միահամուռ ջանքերով ողջ գումարն հավաքվեց և դրամահավաքն ավարտվեց! Մենք ակտիվ անցնում ենք կառուցմանը!

ՄԻԱՍԻՆ!!!

Հուզված ենք անչափ: Շնորհակալ ենք, որ միացել եք մեզ!

Ու այսօր արդեն գրադարանի ու խաղահրապարակի կառուցման գումարի 85%-ին ենք հասել: Գիտենք, որ դուք մեր պես ոգևորված եք ու ակտիվորեն օգնում եք մեզ:

Հայաստանի Հանրային Ռադիո շնորհակալ ենք, որ անդրադարձաք մեր նախագծին, շատ ուրախ էինք ծանոթության համար։

Մեզ շարունակում են միանալ հայերը տարբեր երկրներից:

Շնորհակալ ենք B24.am-ին անդրադարձի համար, մենք ուրախ ենք, որ այսքան միասնական ենք ու դուք մեզ հետ եք։

Կարդացեք հետևյալ հղումով:

Մենք մոտենում ենք մեր երազանքին շաաաատ արագ, պատկերացնու՞մ եք արդեն հավաքել ենք գումարի գրեթե 80 %-ը: Այսքան մարդ համախմբվեց, որ մենք ունենանք խաղահրապարակ ու նոր գրադարան:

Մենք անչափ գնահատում ենք յուրաքանյուրիդ ներդրումը և անհամբերությամբ սպասում 100 % հասնելուն:

Մենք ժամանակ չենք ուզում կորցնել և ակտիվորեն անցել ենք գործի Ձեր շնորհիվ: Գյուղի դեպի խաղահրապարակ տանող ճանապարհի ասֆալտապատման մեկնարկը տրված է, որպեսզի շուտով մենք կարողանանք մաքուր ու ազատ տարածքում վազվզել և խաղալ:

Artsakhpress.am լրատվականը նույնպես անդրադարձել է մեր նախագծին:

Ծանոթացի՛ր հետևյալ հղումով:

Մեր համայնքի զարգացման նախագծին՝ 《Կարդա ու խաղա Վաղուհասում》անդրադարձել է նաև Sputnik Արմենիա լրատվականը։

Ծանոթացիր լրատվականի անդրադարձին հետևյալ հղումով:

Նվիրատվությանն ու գրքահավաքին միացավ Լյուդվիգ Միքայելյանը, ով Վաղուհասում հրամանատար է եղել, իսկ երբ իմացավ, որ մենք՝ Վաղուհասի 230 երեխաներով խաղահրապարակ ու գրադարան ենք կառուցում, սիրով միացավ մեզ ու նաև նվիրեց 100 գեղարվեստական գիրք մեր նոր կառուցվող գրադարանի համար։

Շնորհակալ ենք, որ վիրավորում ստանալուց հետո էլ, անգամ հեռվից շարունակում եք մեզ օգնել։

Մենք կմնանք, կխաղանք և կկարդանք Վաղուհասում:

Ուրախ ենք, որ այս կարևոր գործին՝ «Կարդա ու խաղա Վաղուհասում» նախագծին, անդրադարձել է նաև Newarmenia.am լրատվականը:

Ծանոթացե՛ք լրատվականի անդրադարձին հետևյալ հղումով:

Միասին կկառուցենք:

Իսկ մենք զուգահեռ սկսում ենք մեր կառուցման աշխատանքները!!!

Խաղահրապարակի ու գրադարանի կառուցման գումարի 60% -ին դու՛ք մեզ մոտեցրեցիք։

Անչափ ուրախ ենք յուրաքանչյուր ներդրման համար, դուք մեզ հետ եք, որը ավելի քան զգում ենք։

Մենք շարունակում ենք մեր դրամահավաքը և ուրախ կլինենք, որ դուք էլ միանաք մեզ։

Հանրային հեռուստաընկերության անդրադարձը «Կարդա ու խաղա Վաղուհասում» դրամահավաքի նախագծին։

Հարգելի աջակիցներ, այստեղ կարող եք գտնել ծրագրի մայիս ամսվա հաշվետվությունը և ստորև խաղահրապարակի առօրյայից նկարներով ենք կիսվում։ Շնորհակալ ենք Վաղուհասի երեխաների կյանքում փոփոխություն բերելու համար 😍