ՀԱՄԱՌՈՏ ՆԿԱՐԱԳՐՈՒԹՅՈՒՆ

2025-ին մենք նախատեսում ենք նորից իրականացնել 2019-ին հաջողություն գրանցած «Ճիշտը թացն է» արշավը, որը մոտ 6-7 հազար զբոսաշրջիկ բերեց Գյումրի։ Ուզում ենք վերածել այն այս անգամ արդեն եռօրյա մեծ փառատոնի։ Գյումրին կհյուրընկալի հազարավոր այցելուների, տոնակատարությունը կծավալվի քաղաքի բոլոր թաղամասերում՝ համադրելով ջրային խաղերը, մշակութային միջոցառումները, համերգները և տեղական խոհանոցը։

Այս նախաձեռնությունը ոչ միայն կխթանի զբոսաշրջությունը, այլև նոր շունչ կհաղորդի քաղաքի տնտեսական ակտիվությանը՝ ստեղծելով հնարավորություններ տեղացիների և այցելուների համար։

ԱԶԴԵՑՈՒԹՅՈՒՆ

Վարդավառի փառատոնը նպատակ ունի վերածվել միջազգային մասշտաբի իրադարձության՝ խթանելով Շիրակի մարզի զբոսաշրջությունն ու տնտեսական աշխուժությունը։ Այն ոչ միայն կբարձրացնի տեղացիների ներգրավվածությունը, այլև կդառնա հարթակ սկսնակ արվեստագետների, արհեստավորների և մշակութային գործիչների համար՝ նրանց հնարավորություն տալով ներկայանալ լայն հասարակությանը։

Փառատոնը կնպաստի նաև Հայաստանի ապակենտրոնացմանը՝ ամրապնդելով Գյումրին որպես զբոսաշրջային և մշակութային կենտրոն։ Այցելուների մեծ թվով հոսքը կխթանի Շիրակի օդանավակայանի թռիչքների ավելացումը, ստեղծելով Հայաստանի երկրորդ միջազգային օդային դարպասի արդիականացման հիմքերը։ Սա իրատեսական է հաշվի առնելով Շիրակի օդանավակայնաի վերջին վերանորոգումն ու արդիականացումը։

Վարդավառը կդառնա ոչ միայն ավանդույթի պահպանում, այլև մշակույթի, արվեստի ու տնտեսական զարգացման նոր հնարավորություն՝ ներկայացնելով Հայաստանը աշխարհին։

ԽՆԴԻՐ

Շիրակի մարզն ունի աղքատության ամենաբարձր մակարդակը Հայաստանում։ Խորհրդային տարիներին հզոր արդյունաբերական կենտրոն հանդիսացող Գյումրին, 88-ի երկրաշարժի և ԽՍՀՄ փլուզման հետևանքով, կորցրեց իր գործարանները և տնտեսական ենթակառուցվածքները։ Աշխատանքի հնարավորությունների բացակայությունը ստիպեց բնակչության զգալի մասին լքել քաղաքը։

Հայաստանի երկրորդ միջազգային օդանավակայանը Շիրակի օդանավակայանն է, սակայն Շիրակի և հարակից մարզի բնակչության փոքր թվի, տնտեսական պասիվ վիճակի պատճառով այստեղ թռիչքները շատ սահմանափակ են, օդանավակայանը չի համապատասխանում մի շարք չափանիշերի, ինչի պատճառով թռիչքներ են իրականացվում միայն ՌԴ, և Հայաստանը շարունակում է մնալ առանց այլընտրանքային, աշխարհի հետ կապող օդային տրանսպորտի։

2018-ի իրադարձությունները, 2020-ի համաճարակի արդյունքում դեպի արտասահման թռիչքների դադարեցման հետևանքով ներքին տուրիզմի խթանը և 2022-ի ռելոկանտների հոսքը ակտիվացրեց զբոսաշրջությունը քաղաքում։ Բացվեցին շատ հյուրատներ, ռեստորաններ։ Սակայն այս մեծ հոսքը պահելու համախատասխան ռազմավարություն չունենալու պատճառով այն սկսեց նվազել 2023 թվականից, նկատվեց զբոսաշրջիկների թվի անկում, 2024-ին այն հասավ շատ ցածր մակարդակի։ Այժմ էլ գրեթե ոչ մի խոստումնալից ազդակներ չկան։

2019-ից հետո անցկացված վարդավառի բոլոր միջոցառումները մասշտաբներով զիջում են 2019-ի վարդավառին, թեև հիմա ավելի շատ ենթակառուցվածքներ կան։

Վերջին տարիներին գրեթե ավարտական փուլի է հասել Ռուբեն Վարդանյանի նախաձեռնությամբ սկիզբ առած Բարեկամության այգու կառուցումը, որն այս պահին կարող է դառնալ տուրիզմի ապակենտրոնացման հենման կետերից մեկը։

ԼՈՒԾՈՒՄ

2019 թ-ին կազմակերպված «Տարբերեք թացը չորից, ճիշտը թացն է» կարգախոսն ունեցող Վարդավառի արշավը, նույնպես, զբոսաշրջություն խթանող ամենամեծ իրադարձություններից էր, որը մոտ 6-7 հազար մարդ բերեց Գյումրի Վարդավառը նշելու։ Բարձր տրամադրությամբ և էմոցիաներով լի այդ օրը լուսաբանվել է նույնիսկ Al Jazeera լրատվականում ուղիղ եթերով 2 րոպե, որտեղ գովազդի մեկ րոպեն արժի մոտ 700.000$։

2025 թվականին մենք ուզում ենք կրկնել այս արշավն արդեն ավելի մեծ ծավալներով, վերածելով այս տոնը փառատոնի, մեկ օրվա փոխարեն 3 օր հագեցած օրակարգ՝ ընդգրկելով քաղաքի բոլոր թաղամասերը։

Օրակարգը կհրապարակվի շուտով։

ԹԻՄ

Թիմի փորձն ու կազմակերպած սոցիալական և ռազմվարական միջոցառումները՝

• 2019, Հուլիս - Վարդավառ
• 2019, Օգոստոս - Բարի գալուստ
• 2019, Սեպտեմբեր - Շուշի, Մկրտություն
• 2019, Նոյեմբեր - Ուսանողների օր

ՓՈՒԼԵՐ

• 03/20/2025 Դրամահավաքի արշավի մեկնարկ 
• 06/01/2025 Միջոցառման մեդիա արշավի մեկնարկ, հանդիպում պատկան մարմինների հետ, անհրաժեշտ ռեսուրսների, տարածքի տրամադրման համաձայնեցում։ ՀՈՌԵԿԱ ոլորտի հետ քննարկումներ, տեխնիկական սպասարկումների, փոքր բիզնեսի ներկայացման, վաճառողների և այլն... 
• Հինգշաբթի - ռեսուրսների ստուգում, հավաքում, նախապատրաստական աշխատանքներ 
• Ուրբաթ - բացում համերգով, 
• Շաբաթ - օրակարգը շուտով կհրապարակվի,
• Կիրակի - Վարդավառ։

ԲՅՈՒՋԵ

Բյուջեն կարող եք տեսնել այստեղ։

ՌԻՍԿԵՐ

1. Պատերազմական և այլ ֆորս մաժորային իրավիճակներ:

Այս պարագայում գումարի չծախսված մասը հետ կվերադարձվի, իսկ ծախսված մասով արված նյութերը կպահպանվի հատուկ տարածքում հաջորդ հնարավոր միջոցառմանն օգտագործելու համար։

2. Անզգուշաբար ընկնելու և վնասվելու դեպքեր։ Կոնֆլիկտներ, վեճեր մասնակիցների և անցորդների միջև։

Կամավորական թիմում ներգրավելու ենք նաև հաղորդակցման և բանակցային փայլուն հմտություններ ունեցող ուսանողների, ովքեր հնարավորինս շուտ կհայտնաբերեն լարվածությունները և կկանխեն դրանք վաղ փուլում։ Նախապես կուսումնասիրենք տարածքների սալիկները, սղլիկության աստիճանը, տեղանքային ռիսկերը, որը կարող է բերել որևէ պատահարի։

Հատկանշական է նաև, որ չնայած մարզային երբևէ ամենամեծ մասշտաբով վարդավառը լինելու փաստին, միջոցառման ընթացքում ոչ մի արտառոց դեպք չի գրանցվել, ոչ շտապօգնության (սայթաքելու, ընկնելու), ոչ ոստիկանական բաժանմունքներում կանչեր չեն եղել։ Ինչը բացառիկ երևույթ է մանավանդ մարզերում բնակվող մարդկանց մոտ ավելի հաճախակի հանդիպող կոնֆլիկտային իրավիճակներին։

3. Եղանակայնի պայմանների վատթարացում: