«ՎԱՅՔ» ակումբի մանկապատանեկան ակադեմիայի ընդլայնումը կրկնապատկելու է երիտասարդական թիմերի թիվը, ներառյալ աղջիկների թիմը։ Ակադեմիան ավելի քան 120 մարզիկների կապահովի անհրաժեշտ գործիքներով՝ Հայաստանում և նրա սահմաններից դուրս պրոֆեսիոնալ ֆուտբոլային կարիերա անելու համար։

Օգնենք Հայաստանի ֆուտբոլային ապագան կառուցելուն. զարգացնենք <Վայք> ակումբի մանկապատանեկան ակադեմիան։

«ՎԱՅՔ» ֆուտբոլային ակումբի մանկապատանեկան ակադեմիայի ընդլայնումը Վայոց ձորի ավելի քան 120 երիտասարդ մարզիկների կապահովի ամենօրյա մարզումներով, պրոֆեսիոնալ մարզչական անձնակազմով, հանրապետական և միջազգային ֆուտբոլային կարիերա անելու հնարավորություններով։

Մեր Առաքելությունը

Մենք ցանկանում ենք ոլորտն ապահովել նոր հնարավորություններով, քանի որ վստահ ենք․ Վայոց ձորի երիտասարդությունը մեծ ներուժ ունի։ Մենք անմնացորդ նվիրված ենք այս հրաշալի մարզին և պատրաստ ենք կուռ համակարգ հիմնել։

Ազդեցությունը

«ՎԱՅՔ» ՖԱ մանկապատանեկան ակադեմիայի ընդլայնումը մեծ դեր կունենա մարզի համայնքի կյանքում և ֆուտբոլի զարգացման գործում։

Թիմը

Մեր թիմն ավելի քան 20 տարվա փորձ ունի կառավարման, ֆինանսների, սպորտային մարքեթինգի ոլորտում։ Մեզ միավորում են Հայաստանի և ֆուտբոլի հանդեպ սերն ու հավատը։

Ձեռքբերումներ

Մենք նվիրված ենք մրցակցության գաղափարին՝ նպատակ ունենալով հասնել առավելագույն հաջողության։ Մեզ առաջ է մղում այս գեղեցիկ խաղի հանդեպ մեծագույն սերը։

Միջոցների Օգտագործում

Մեր թիմը 2024-25 մրցաշրջանն ամբողջությամբ նվիրել է «ՎԱՅՔ» ՖԱ մանկապատանեկան ակադեմիայի 4 թիմերը պատրաստելուն։ Ընդլայնվելու ծրագիրը թույլ կտա կրկնապատկել մեր ակադեմիայի ներուժը։ Հավաքված գումարը (3 մլն դրամ) կուղղվի մեկ թիմի ամբողջ մրցաշրջանի հովանավորմանը։ Տե՛ս բյուջեն!

Կրկնվող հարցեր

Հ: Ո՞րն է այս արշավի հիմնական նպատակը:

Պ: Այս արշավի նպատակն է ընդլայնել «ՎԱՅՔ» ՖԱ մանկապատանեկան ակադեմիայի գործունեությունը․ պետք է ավելի շատ հնարավորություններ տրամադրել երիտասարդ մարզիկներին, բարելավել մարզական ներուժը և ուղիներ հարթել հայկական ֆուտբոլի ապագա տաղանդների համար։

Հ: Ինչպե՞ս կծախսվի իմ նվիրատվությունը:

Պ: Այս մասին տեղեկությունը կարող եք գտնել <Միջոցների իրացման> բաժնում։ Մանրամասները ներկայացված են կից Excel-ում։

Հ: Արշավի ընթացքին վերաբերող հետագա թարմացումներ կլինե՞ն:

Պ: Անպայման։ Մենք մեր աջակիցներին պարբերաբար կտեղեկացնենք ակադեմիայի զարգացման, ընթացիկ միջոցառումների և հաջողված պատմությունների մասին։ Ձեր մասնակցությունը կլինի այս մեծ ճանապարհի կարևոր մասը։

Հ: Մեր նվիրատվությունները չե՞ն հարկվում:

Պ: Այո, ԱՄՆ քաղաքացիների նվիրատվությունները չեն հարկվում։