Երբևէ մտածե՞լ եք, ինչքան շատ բան գիտեն ԱՄՆ-ի մասին նույնիսկ այն մարդիկ, որ երբևէ չեն այցելել ԱՄՆ։ Նրանց օրենքների, կոռումպացված ոստիկանների, ընտանեկան խնդիրների․․․ 

Իսկ ի՞նչ գիտենք մենք կամ այլ ազգերը Հայաստանի մասին, բացի նրանից, որ Դիլիջանում աշխարհում երկրորդ ամենալավ ջուրն է հոսում։ Այո, կինոն, սերիալները ժամանակակից աշխարհում երկրի մասին պատմելու ամենալավ միջոցն են։  Իսկ ի՞նչ է պետք որակյալ ֆիլմ կամ սերիալ նկարելու համար։ Տաղանդավոր հեղինակներ, լավ գաղափար, սցենար․․. Ու դե իհարկե դրամ։

Տաղանդավոր հեղինակներ՝ ունենք։ Նարեկն ու Սերգեյը վաղուց հայտնի են բոլորիս ամենասուր խնդիրների շուրջ արված դիպուկ կատակներով։ Նրանք այն մարդիկ են, որ մեզ նվիրել են գանձ #1-ին ու գանձ #2-ին, իսկ դրանից առաջ՝ «Քայլ ձիով» ու «Առաջին դեմք» կատակերգությունները։ 

Հիմա նրանք որոշել են անդրադառնալ Հայաստանում մեկ այլ արդիական հարցի՝ ՏՏ ոլորտի արագ զարգացմանը, որը շատերիս համար գրավիչ է բայց դեռ մի քիչ առեղծվածային։ Բոլորս հավանաբար ունենք մի ընկեր կամ բարեկամ, ով ծրագրավորող է, կամ agile ծրագրերի ղեկավար։ Այս սերիալը շատ լավ առիթ կլինի բոլոր ցանկացողների համար այդ ամենին նայել ներսից, ու մի քիչ էլ կողքից։ Իսկ ոլորտով հետաքրքրվող դեռահասների համար կբացի պատուհանը դեպի առեղծվածային Startup:

Դուք կարողացել եք Հայաստանի պայմաններում հրաշք գործել ու հաջողակ ստարտափ կամ tech ոլորտի ընկերություն զարգացնել, բայց հավանաբար խնդիր ունեք նոր կադրերի ու կուզենայիք, որ ծրագրավորողի մասնագիտությունն ավելի պոպուլյար լիներ։ Եկեք անկեղծ լինենք, ոլորտում քչություն է անում այսպես կոչված «տաղանդը»։ Հերթական մասնագետին որսալուց, դուք ստիպված եք լինում որսալ նրան գործընկերների մոտ կամ հրավիրել արտասահմանցի մասնագետ։ Եկեք աջակցությունը այս սիթքոմին դիտարկենք որպես երկարատև ներդրում։ 

Բազմաթիվ երիտասարդների մենք ցույց կտանք կյանքը startup-ում ներսից, ցույց կտանք, որ քրտնաջան աշխատանքն ու գիտությունը հաջողության ավելի կայուն գրավական են, քան ավանդական սերիալներում գովազդվող կրիմինալ աշխարհը։ Ցույց կտանք, որ աշխատանքը tech-ում շահեկանորեն տարբերվում է այլ ոլորտներից, ինչը սակայն չի նշանակում, որ մարտահրավերները լուրջ ու դրամատիկ չեն։ Եվ հաջորդ աշխատանքային ինտերվյուին արդեն կունենաք կադրերի էլ ավելի մեծ ընտրություն։

Իսկ ինչը՞ կարող է ավելի մեծ գործ անել այս ուղղությամբ, քան որակյալ ու սիրված սերիալը։ Ձեզանից ընդամենը ակնկալում ենք մի փոքր ֆինանսական աջակցություն:

Դուք վերջապես գտել եք ձեր սիրելի աշխատանքը, բայց ձեր բարեկամներն ու ծանոթները չե՞ն հասկանում, դուք ինչով եք զբաղվում, ու դուք արդեն հոգնե՞լ եք բացատրել։ Ի՞նչ է ստարտափը, ու ինչու՞ է դա արագ գումար վաստակելու ավելի լավ ճանապարհ, քան պետական կառույցներում աշխատելը։ Ինչպես բոլորս գիտենք, ավելի լավ է մեկ անգամ տեսնել, քան 100 անգամ լսել։ Այս պահին, դուք կարող եք ձեր թեկուզ համեստ ներդրումն ունենալ ստարտափի մասին սիթքոմի նկարահանման մեջ, որը հիմնված է լինելու հայկական իսկական ստարտափների պատմությունների վրա (երբեմն անհավանական թվացող) ու հնարավորինս ճշգրիտ ու հումորով ներկայացնելու է ոլորտի մարդկանց, իրավիճակները, հաջողություններն ու դժվարությունները։ Եվ հնարավոր է սիթքոմում կհանդիպեք այնպիսի կերպարների, որոնք հիշեցնում են հենց ձեր գործընկերոջը։

Հավանաբար դուք շատ հաճախ եք հանդիպում նրան, որ մարդիկ բավականին կարծրատիպային պատկերացում ունեն ծրագրավորողների մասին՝ դա մարդկանց հետ շփման խնդիրներ ունեցող, հաստ ակնոցով, խառնված սանրվածքով ու մի քիչ էր գեր երիտասարդ տղա է։ Հավանաբար դուք արդեն շատ հոգնել եք միանման անեկդոտներից ու կատակներից ծրագրավորողների մասին ու սիրով կփոխեիք իրավիճակը։ Այդ դեպքում ձեր սրբազան պարտքն է մի փոքր (ծրագրավորողների պատկերացմամբ) աջակցել այս սերիալին, որը լրիվ նոր ձևով է ներկայացնելու ծրագրավորողի կերպարը՝ կոտրելով շատ-շատ տհաճ կարծրատիպեր։ Բացի այդ, չենք կասկածում, որ դուք էլ մեծագույն հաճույքով կգտնեք ձեզ ու ձեր ընկերներին սիթքոմի մեջ։ 

• Դուք սիրում եք սերիալներ, սիթքոմներ, ու սիրով կնայեիք հայկական սիթքոմ՝ ժամանակակից թեմայով ու լավ հումորով,
• Դուք հետևվում եք ArmComedy-ի աշխատանքին, վստահում եք նրանց աշխատանքի որակի վրա ու պատրաստ եք աջակցել նրանց,
• Դուք ՏՏ ոլորտի ձեռնարկատեր եք, և հասկանում եք, ինչ կարևոր է, որ հայ երիտասարդները հետաքրքրվեն ոլորտով ու ավելի շատ որակյալ կադրեր գան ոլորտ,
• Դուք ծրագրավորող/ստարտափի հիմնադիր եք և հոգնել եք բացատրելուց, թե ինչ եք անում գործի տեղը,
• Դուք ծրագրավորող կամ ստարտափի հիմնադիր ընկեր/ընկերուհի ունեք, ու նոր կատակների կարիք ունեք նրանց աշխատանքի վերաբերյալ,
• Դուք այլազգի շատ ընկերներ ունեք, ու չգիտեք ինչ հայկական լավ սերիալ խորհուրդ տաք նայեն, բայց սիրով խորհուրդ կտայիք ձեր հովանավորած որակյալ սերիալը

Ֆիլմի նկարահանման համար անհրաժեշտ է շուրջ 26,9 մլն դրամ։ Սերիալն ունենալու է 10 սերիա, նկարահանվելու է իսկական օֆիսում ու մաքսիմալ մոտ է լինելու tech ոլորտի օֆիսների իրական կյանքին։

Նախահաշվին կարող եք ծանոթանալ այստեղ՝ https://bit.ly/3vcOXta

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին