Պատերազմից հետո օրհասական է Արցախն ապահովել անվտանգ և վերականգնվող էներգիայի աղբյուրով։

21-րդ դարում տաք ջուր ունենալը թվում է սովորական, հասանելի մի բան։ Բայց Արցախի Հաղորտի գյուղում ապրելու նվազագույն պայմաններ չկան, գյուղը գազաֆիկացված չէ։ 

Գյուղացիներն այլընտրանք չունենալով՝ ջուր տաքացնելու համար կամ փայտ են վառում կամ օգտագործում էլեկտրաէներգիա, ինչը լուրջ ֆինանսական բեռ է։ Իսկ հոսանքի հաճախակի անջատումներն էլ ավելի են սրում խնդիրը։ 

Արևային ջրատաքացուցիչների տեղադրումը կփոխի մի ամբողջ գյուղի կյանք։ 

Մենք մեկ կոճակի սեղմումով ճաշ կտաքացնենք, թեյ կպատրաստենք ու ընտանիքով կհավաքվենք սեղանի շուրջ, Հաղորտիի գյուղացիները ձմեռվա բուքին էշերով և ձիերով փայտ կբերեն տուն, որ երեխաներին լողացնեն և տունը տաքացնեն։

Ձեր շնորհիվ Հաղորտում ձմեռը կարող է մշտապես տաք և ապահով լինել։

Արևային ջրատաքացացուցիչների տեղադրումը համաֆինանսավորվելու է։ 

• Արցախի կառավարությունը վճարելու է անհրաժեշտ գումարի 50%-ը։
• «EcoVille» ընկերությունը իրականացնելու է արևային ջրատաքացուցիչների տեղադրումը և սպասարկումը զեղչված տարբերակով։

Հ.Գ. Բնակչի կողմից տրվող գումարի չափը համաձայնեցված է ընտանիքների հետ։

Արևային ջրատաքացուցիչների ծավալը հաշվարկվելու է ընտանիքի անդամների թվի հիման վրա.

• Մինչև 5 անդամ՝ 200-250 լիտր,
• 6 և ավելի անդամներ՝ 300-360 լիտր։

Հաղորտի համայնքի զարգացման բարեգործական հիմնադրամը ստեղծվել է 2022թ․ Հաղորտի համայնքի կողմից։ Հիմնադրամի նպատակը Հաղորտիի և Մարտունու շրջանի այլ բնակավայրերի զարգացմանը նպաստել է։

Պատերազմի մասնակից Աշոտ Ավանեսյանը, գիտակցելով Արցախի համայնքներն ուժեղացնելու հրատապությունը, պատերազմից հետո ստեղծեց «Ես» կրթական հիմնադրամը։

Ձևավորելով նպատակասլաց թիմ՝ Աշոտը սկսեց փոխել Արցախի տարբեր գյուղերի առօրյան՝ բարեփոխման մի շարք ծրագրերով, որոնցից է՝ Հաղորտիում «Մունք» տեխնոդպրոցի կառուցումը։

«ԷկոՎիլ»-ն արևային տեխնոլոգիաների ոլորտում առաջատար ընկերություն է, որն իրականացնելու է արևային ջրատաքացուցիչների տեղադրումը և ընթացիկ սպասարկմամբ։

«Վյուն»-ը նախագծերի և արշավների կառավարման գործակալություն է, որը զբաղվում է «Արևային Հաղորտի» նախագծի հանրայնացմամբ և տարածմամբ։

Մեկ անգամ այցելելով Հաղորտի՝ Դուք կհիանաք գյուղացիների աշխատասիրությամբ, տեխնոլոգիական նորարարություններով և ջերմ հյուրնըկալությամբ։

1. Կառուցել են տեխնոլոգիան բարձր կրթություն ապահովող «Մունք» տեխնոդպրոց։ 
2. Հիմնել են տեխնոլոգիական ընկերություն՝ «Start systems»-ը՝ պատվերներ ստանալով տարբ��ր երկրներից։
3. Զարգացնում են էկոտուրիզմը։
4. Կազմակերպում են ամենամյա կրթական ճամբարներ, շաբաթօրյակներ։
5. Ձևավորում են ինքնաբավ համայնք՝ տնտեսապես ինքնուրույն, իրենք իրենց խնդիրները լուծող համայնք։

Նախագծի բյուջեին կարող եք ծանոթանալ այստեղ։ 

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին