Նորա Ստեփանյանը, 66 տարեկան, հոգատար ու խելացի կին է, երկու զավակների մայր, որոնցից ավագը ՄԵՄ ՀԿ նախագահ Մայիս Մարգարյանն է։

Անցած տարի, 10 օրվա տարբերությամբ, նա դարձել է հինգերորդ և վեցերորդ թոռնիկների՝ Դավիթի և Շուշիի տատիկը, ինչը նրան դարձրել էր աշխարհի ամենաերջանիկ տատիկը։ Նորան մեծ սիրով ու նվիրվածությամբ ներգրավված է թոռնիկների խնամքի և դաստիարակության գործում՝ նրանց հետ հաճախ դուրս է գալիս զբոսանքի, կազմակերպում զարգացնող խաղեր և պատմում հեքիաթներ։

Սակայն փետրվարի 11-ին՝ հենց իր ծննդյան օրը, Նորա Ստեփանյանի ինքնազգացողությունը կտրուկ վատթարացավ։ Բարձր ճնշում, գլխապտույտ և մարմնի ընդհանուր թուլություն… Շտապ օգնության միջամտությունից հետո նրան տեղափոխեցին չորս տարբեր հիվանդանոցներ, մինչև վերջապես ախտորոշվեց հիվանդությունը՝ Միլլեր-Ֆիշերի համախտանիշ։

Սա հազվադեպ հանդիպող նյարդաբանական խանգարում է, որի դեպքում օրգանիզմի իմունային համակարգը սխալմամբ հարձակվում է նյարդային համակարգի վրա, որի արդյունքում ի հայտ է գալիս վերջույթների մկանների թուլություն, այնուհետև՝ նաև շնչառական մկանների թուլություն, որը բերում է շնչառական անբավարարության։ Այս՝ կյանքին վտանգ սպառնացող վիճակը պահանջում է արհեսատական շնչառություն։

Սուր փուլից հետո, աշխատունակությունը վերականգնելու նպատակով, պահանջվում է երկարաժամկետ ինտենսիվ վերականգնողական միջոցառումներ բազմապրոֆիլ մասնագետների հետ։

Նախագծի բյուջե

Ներկայումս Նորա Ստեփանյանի վիճակը գնահատվում է կայուն ծանր։ Բժիշկները սկսել են դեղորայքային բուժումը, որն իրականացվում է անհրաժեշտ և թանկարժեք դեղամիջոցներով։ 1 օրվա դեղորայքային բուժման արժեքը կազմում է 420,000 ՀՀ դրամ։ Անհրաժեշտ է 10 օր ներարկել Օկտագամ դեղամիջոցը։

Հավաքված գումարը կփոխանցվի Նորա Ստեփանյանի որդուն՝ Արամայիս Մարգարյանին, ով կզբաղվի բուժման ամբողջ հարցերով։

Օգնե՛նք Նորա Ստեփանյանին հաղթահարել այս դժվարությունը, ապաքինվել և վերադառնալ իր թոռնիկների կողքին՝ լիարժեք ու կենսուրախ կյանքի։