2023թ. սեպտեմբեր ամսում եղբայրս՝ Մհեր Սամվելի Բարսեղյանը, Ադրբեջանի Հանրապետության կողմից դրսևորված ռազմական ագրեսիայի հետևանքով Արցախի Հանրապետությունից բռնի տեղահանվել է և ժամանակավոր՝ վարձակալական հիմունքներով, ընտանիքի՝ կնոջ և երկու անչափահաս երեխաների, հետ բնակություն հաստատել ՀՀ Երևան քաղաքում:

Դեռևս Արցախում գտնվելու ժամանակ եղբորս՝ 03.09.1986թ. ծնված Մհեր Սամվելի Բարսեղյանի, մոտ ծագել են առողջության հետ կապված բարդ խնդիրներ, որոնցով տարիներ շարունակ ստանում է բժշկական խորհրդատվություններ, ընդունում դեղահաբեր, անցնում ստացիոնար բուժումներ, ենթարկվել սրտի բաց վիրահատության, սակայն, օր օրի վատթարացել է առողջությունը՝ ներկայումս բերելով այն իրավիճակին, որ սրտի անբավարարության պատճառով առաջացել է լյարդի անկայուն աշխատանքի հետևանք:

Հանդիսանալով բռնատեղահանված անձ, չունենալով ՀՀ քաղաքացիություն, աշխատանք, զրկված լինելով բավարար միջոցներից, տեղյակ լինելով Բելառուսի Հանրապետությունում սրտի փոխպատվաստման հետ կապված բժշկության մասին, ձեռք բերելով պայմանավորվածություն, ինչպես նաև Հայաստանի Հանրապետությունում այլևս չունենալով հուսադրող բժշկական լուծում առաջարկող մասնագիտական եզրակացություններ կամ ապաքինվելուն ուղղված որևէ ճանապարհ՝ ստիպված ենք դիմել գթասիրտ անձանց ու խնդրել օգնության ձեռք մեկնել և  հնարավորության սահմաններում դրամական միջոցներ տրամադրել  եղբորս Բելառուսի Հանրապետությունում սրտի փոխպատվաստման վիրահատության կատարմանը, որն օրհասական է և խիստ վտանգավոր իր անդառնալի հետևանքներով:

Ներկայումս Մհերը գտնվում է Բելառուսի մայրաքաղաք Մինսկ քաղաքում՝ բժիշկների վերահսկողության տակ, և անհրաժեշտ գումարը կուտակվելու դեպքում կիրականացվի սրտի փոխպատվաստումը: 

Բժշկական փաստաթղտերին և ծրագրի բյուջեին կարող եք ծանոթանալ այստեղ։