«🏅 Ոսկե մեդալը մերն է։

Հրաշալի լուրեր Սլովենիայից։

Քիչ առաջ հայտնի դարձավ, որ Ռոբոտների Համաշխարհային Օլիմպիադայի Բաց Մրցաշարի հաղթողը մերոնք են։ Հայաստանը ներկայացնում էին՝ Այգուտ գյուղի և Երևանի N131 դպրոցների Արմաթ ճարտարագիտական աշխատանոցների պատանի ճարտարագետները։»

Հենց այսպես էլ իմացան բոլորը, որ մենք հաղթել ենք, իսկ հաջորդ կանգառը Սինգապուրն է՝ «Ռոբոտների Համաշխարհային Օլիմպիադայի» եզրափակիչ փուլը։

Ուզում ենք ներկայացնել մեր նորարարական գաղափարը, որպեսզի դուք էլ տեսնեք և հասկանաք թե ինչպես մրցանակակիր դարձանք։

🚨Գազատար խողովակի գազի արտահոսքը հայտնաբերող ռոբոտ.

Նախագծի արդիականությունը, նորույթը յուրօրինակությունը.

Գազատար խողովակների գազի արտահոսքի հայտնաբերման ռոբոտը մեր օրերում ունի մեծ պահանջարկ՝ հաշվի առնելով անվտանգության, բնապահպանական եւ տնտեսական խնդիրները:

Ռոբոտի աշխատանքը և նրա հիմնական գործառույթները դիտելու համար անցեք այս հղումով՝ https://www.facebook.com/share/v/17K3rHZy3U/։

Նախագծի նպատակն է ստեղծել տեխնոլոգիա, որը կպարզեցնի մոնիթորինգի գործընթացը եւ կնվազեցնի ռիսկերը ու մարդկային գործոնը։ Գազի արտահոսքը հաճախակի հանդիպող երեւույթ է բնակարաններում,արդյունաբերական եւ հասարակական շենքերում: Ավանդական հայտնաբերման մեթոդները, ինչպիսիք են` ձեռքով ստուգումները, թանկարժեք ինֆրակարմիր տեսախցիկների կիրառում եւ մշտական սենսորային ցանցերը, պահանջում են շատ ժամանակ ու ռեսուրսներ: Նախագիծը յուրօրինակ է նրանով, որ համադրում է ռոբոտատեխնիկայի եւ սենսորային համակարգերի կիրառումը` ապահովելով վտանգավոր իրավիճակների արագ եւ արդյունավետ հայտնաբերում:

Ռոբոտը տեղաշարժվում է երեք շարժիչների միջոցով՝ կառավարելով ուղղությունը եւ կայունությունը։ Գազի տվիչները տեղադրված են կենտրոնական եւ կողային հատվածներում՝ առավել արդյունավետ վերահսկողության համար։ Կառուցվածքը նախագծված է այնպես, որ հարմար լինի խողովակների վրա շարժվելու համար։ Գազի արտահոսքի դեպքում ռոբոտը կանգ է առնում, միացնում ձայնային ազդանշան եւ ուղարկում հաղորդագրություն օպերատորին GPS համակարգի միջոցով, ինչը թույլ է տալիս իրական ժամանակում գտնվել եւ արձագանքել վթարներին:

⚙️Նորարարական նախագծի իրականացմամբ լուծվելիք խնդիրները եւ նպատակը. Բնակելի, արդյունաբերական եւ կոմունալ գազատարներում արտահոսքերը լուրջ վտանգ են ներկայացնում մարդկանց կյանքի եւ անվտանգության համար:

Խիտ բնակեցված վայրերում արտահոսքերի ուշ հայտնաբերման հետեւանքները կարող են

լինել.`

• Պայթյուններ (օրինակ՝ Մասաչուսեթսում տեղի ունեցած գազի պայթյունները, 2018 թ.)
• Հրդեհի բռնկման վտանգ
• Ածխածնի մոնօքսիդի թունավորում
• Գույքային եւ բնապահպանական վնասներ

Մեր մշակած շարժական ռոբոտային համակարգը նախատեսված է խողովակաշարերում գազի արտահոսքերը ինքնավար կերպով հայտնաբերելու համար, հատկապես դժվար հասանելի տարածքներում:

Նախագիծը ուղղված է գազատար համակարգերի հուսալի վերահսկման ապահովմանը։ Այն հնարավորություն է տալիս արագ արձագանքել հնարավոր անսարքություններին, նվազեցնել մարդու առողջությանն ու շրջակա միջավայրին սպառնացող վտանգները:

Հիմնական առանձնահատկությունները.

• Շարժվում է խողովակաշարերի երկայնքով,
• Օդում գազի կոնցենտրացիան հայտնաբերում է երեք MQ-2 սենսորների միջոցով,
• Արտահոսքի դեպքում հնչեցնում է ազդանշան եւ ուղարկում իրական ժամանակի GPS կոորդինատներ,
• Գործում է անընդհատ եւ լիովին ինքնավար կերպով։

Նորարարական նախագծի տեխնիկական, տնտեսական եւ սոցիալական առավելությունները.

Տեխնիկական`

• Ապահովում է գազատարների մշտական եւ բարձր ճշգրտությամբ վերահսկում,հարմար եւ շարժական սարքավորում, հեշտ փոխադրում եւ տեղադրում:
• նվազեցնում սպասարկման եւ վերականգման ծախսերը,քանի որ վթարների կանխարգելումը ավելի հեշտ է, քան դրանց հետեւանքների վերացումը:

Սոցիալակա��`

• Բարձրացնում է բնակչության անվտանգությունը, Կանխում է առողջական եւ էկոլոգիական խնդիրներ,
• Ձեւավորում է նոր վստահություն ժամանակակից ճարտարագիտական լուծումների նկատմամբ:

Առաջարկություններ նորարարական նախագծի հետագա իրագործման համար.

Ձեռնարկում ենք ռոբոտին համալրել արեւային պանելներով, ապահովելու անընդհատ էներգամատակարարում առանց արտաքին աղբյուրներից կախվածության:

🔋Նախատիպի կատարելագործում.

• Շարժիչների դիմացկունության բարձրացում,
• Սենսորների հուսալիության ամրապնդում,
• Ջրադիմացկուն թաղանթապատում:

Թիմի կազմում ընդգրկված են.

Արարատ Բայանդուրյան -14 տարեկան, Իջեւանի «Իրական դպրոց», 1-ին կուրս

Գրիգոր Խոջայան - 13 տարեկան, Դպրաբակի միջնակարգ դպրոց, 8-րդ դասարան

Մանե Հակոբյան - 14 տարեկան, Այգուտի միջնակարգ դպրոց 9-րդ դասարան

Վահե Գաբրիելյան - 14 տարեկան, Երեւանի N131 դպրոց, 9-րդ դասարան

Խմբավար մարզիչ - Շահեն Արաբաչյան

Քոնթեստս Լաբ / Contests Lab, շնորհակալություն Հայաստանը մրցույթին մասնակից դարձնելու և օլիմպիադայի ազգային փուլը անցկացնելու համար։