ՀԱՄԱՌՈՏ ՆԿԱՐԱԳՐՈՒԹՅՈՒՆ

2023 թվականի սեպտեմբերյան ողբերգական իրադարձություններից հետո, որոնք հանգեցրել են Արցախի ժամանակավոր կորստի, իրենց տներից բռնի տեղահանվածների մեծ մասը դարձել է անօթևան Հայաստանում։ Սեփական օթևան ունենալը արցախցիների ամենամեծ խնդիրն է դարձել:

Չափազանց բարձր վարձավճարներն անհնարին են դարձնում Հայաստանում նոր կյանք պլանավորելը։

Շատերը, ցավոք, նախընտրում են հեռանալ Հայաստանից հիմնականում բնակարանային դժվարությունների պատճառով։

ԱԶԴԵՑՈՒԹՅՈՒՆ

Այս ծրագիրը նպատակ ունի Հայաստանում մշտական օթևան՝ տուն նվիրել Արցախի Հաղորտի գյուղի տասը ընտանիքներին:

Սա կմիավորի Հաղորտի համայնքը, ինչը նրանց հնարավորություն կտա պահպանել Արցախի հարուստ ավանդույթները, մշակույթն ու բարբառը: Սա, անշուշտ, կնպաստի նաև արցախցիների մեծ մասի կրած կորստի և հուսահատության դեմ պայքարին:

Հաղորտցիները լավ հողագործներ են և աշխատասեր մարդիկ։ Երբ բնակարանային հարցը լուծվի, նրանք մեծ դեր կխաղան իրենց նոր համայնքի զարգացման գործում:

ԽՆԴԻՐ

Թեև բնակարանը հիմնական խնդիրն է, այն կարող է նաև լինել հիմնական լուծումը:

Եվ չնայած այս նախագիծը չի կարող օգնել բոլորին, սակայն մի քանի ընտանիք կարող է մշտական կացարան ստանալ և ապահով զգալ Մայր Հայաստանում:

Կառավարության կողմից արցախցիներին պատշաճ բնակարաններով ապահովելու ուղղությամբ քայլերի բացակայությունը բերում է բազմաթիվ կասկածներ և անորոշություններ: Մարդիկ սկսում են մտածել Հայաստանից հեռանալու մասին:

Հայաստանում արցախահայության ներկայության կորուստը կլինի երկրորդ և ամենաանդառնալի կորուստը մեր նորագույն պատմության մեջ։

ԹԻՄ

Ես Արփինե Մարտիրոսյանն եմ։ Ծնվել և մեծացել եմ Երևանում ՝ Հայաստանում։

Այժմ ապրում եմ Շվեդիայի Ստոկհոլմ քաղաքում: Ամուսնացած եմ, ունեմ երկու երեխա։

Ակտիվորեն ներգրավված եմ եղել Շվեդիայում Արցախի և Հայոց Ցեղասպանության ճանաչման հետ կապված հարցերում։

Ավելի քան 6 տարի Ստոկհոլմում ղեկավարել եմ հայկական կիրակնօրյա դպրոց՝ սովորեցնելով հայ երեխաներին Հայաստանի և հայ ժողովրդի պատմությունը:

Իմ առաջին ծրագիրը Հաղորտի համայնքի հետ եղել է 2017 թվականին: Այն ժամանակ ես կազմակերպեցի դրամահավաք Հաղորտիի համար մշակութային կենտրոն կառուցելու համար, և այն մեծ հաջողություն ունեցավ: Հհամագործակցությունը Հաղորտի գյուղի հետ շարունակվել է տարբեր նախագծերում։

Ես ինձ հոգեպես և բարոյապես կապված եմ զգում այս համայնքի և ժողովրդի հետ և այդ ամենից հետո, ինչ տեղի ունեցավ, ես որոշել եմ անել ամեն հնարավոր բան, որպեսզի օգնեմ Հաղորտցիներին հաղթահարել մեր նորագույն պատմության ամենամութ էջը:

Օգնեք ինձ՝ օգնել նրանց:

ԲՅՈՒՋԵ 

Ծրագրի բյուջեն ՝ այստեղ

Նոր համայնք Հնի ներսում

Մենք ուսումնասիրում ենք տան այս մոդելը նախագծի համար:

 Նախագծային տարբերակը, անշուշտ, կփոխվի գործընթացի ընթացքում, բայց մենք այն կպահենք այս մեկին մոտ:

Միջոցառումներ՝ կապված դրամահավաքի հետ

2023 թվականի հոկտեմբերի 29-ին Ստոկհոլմում հաջողությամբ կազմակերպվեց բարեգործական ընթրիք՝ աճուրդային վաճառքով,որի ողջ հասույթը հատկացվելու է այս ծրագրին:

ԳՈՐԾԸՆԿԵՐՆԵՐ

Այս նախագիծն աջակցում է`

Կայուն Զարգացման Նպատակներին