ՀԱՄԱՌՈՏ ՆԿԱՐԱԳՐՈՒԹՅՈՒՆ

Մեր նախագծերը ուղղված են կոնցեպտուալ լուսանկարչության բնագավառում նոր մտքեր գեներացնելուն, նոր արտահայտման միջոցներ փնտրելուն, լուսանկարչության միջոցով մեր ասելիքը տեղ հասցնելուն։

Ուսանողների կողմից ստեղծված լուսանկարչական գրքույկը հնարավորություն կտա ավելի լայն հասարակության առաջ բարձրացնել մեր ձայնը, դրսևորել մեզ կոնցեպտուալ լուսանկարչության ոլորտում, դիմակայել ոչ առևտրային լուսանկարչության մարտահրավերներին։

Լուսանկարչական նախագծերի գրքույկը նախատեսված է լուսանկարիչների, լուսանկարչությամբ զբաղվող մարդկանց համար։

Գլխավոր նկարում պատկերված են չորս էլեմենտներից մեկական օրինակ։

Գրքույկը նվիրելու ենք արվեստի տարբեր կենտրոնների ու այն վայրերի, որտեղ արվեստագետներ շատ են այցելում։

Գումարը մեծ չէ, բայց այն շատ մեծ նշանակություն ունի սովորողների համար։ Չէ՞, որ նրանք իրենց առաջին քայլերն են անում։ Եթե 250 մարդ 1000-ական դրամ կամ մեկ բաժակ սուրճի գումար տա, ներդրում կանի մեր սովորողների ապագայի և կոնցեպտուալ լուսանկարչության ներկայի մեջ։

ԱԶԴԵՑՈՒԹՅՈՒՆ

1. Կոնցեպտուալ լուսանկարչության բնագավառը դեռևս զարգացած չէ, ինչպես ,օրինակ, վավերագրական լուսանկարչությունը։ Հայաստանում ևս ��ոնցեպտուալ լուսանկարչական նախագծերը ճանաչված չեն, այն դեռևս անտեսված է մեր իրականությունում։
2. Այն կարող է նաև լավ օրինակ լինել ոլորտի այլ ներկայացուցիչների համար, ովքեր ֆինանսների պատճառով նախընտրում են կոմերցիան՝ մի կողմ դնելով բովանդակությունը, միտքը, գաղափարը։

ԽՆԴԻՐ

Կոնցեպտուալ լուսանկարչության բնագավառը դեռևս անտեսված է մեր իրականությունում։ Լուսանկարչության ոլորտում կայանալը, այն էլ սկսնակ լուսանկարիչների համար շատ բարդ գործընթաց է։ Սովորողները կարող են շուտ հիասթափվել, վախենալ ոչ կոմերցիոն՝ բովանդակային լուսանկարչական ապագայից։

ԼՈՒԾՈՒՄ

Ի՞նչ է արվել․

1. Չորս լուսանկարիչ առանձնացրել են պատմություններ, որոնք միավորում են մարդկանց և վերածել են դրանք պատկերների՝ յուրաքանչյուր նախագծում հիմք ունենալով սոցիալական խնդիր ։
2. Գնահարցում է արվել տպարաններ և ընտրվել է ամենահարման տարբերակը, թե որտեղ են տպագրվելու լուսանկարչական գրքույկները։

Սկսել ենք ֆոնդհայթայթման արշավ, որի միջոցով․

1. Լուսանկարչական նախագծերի գրքույկի տպագրություն
2. Լուսանկարչական գրքույկի ցուցահանդեսի համար նկարների, փոստքարտերի տպագրություն։

ԹԻՄ

1. Լուսանկարիչներ- Մեր թիմի անդամներն են «Մխիթար Սեբաստացի» կրթահամալիրի քոլեջի լուսանկարչության բաժնի ավարտական կուրսի սովորողներ Ջուլիա Ասրյանը, Սոֆի Առաքելյանը, Թամարա Աղասյան, Քնար Հարությունյանը։

Կից յուրաքանչյուրի նախագծից մեկական նկար։

2. լուսանկարչության դասավանդող Սուսան Ամուջանյանը

3.կրթահամալիրի զարգացման մասնագետ Էլյա Սահակյանը, ով մասնակցել է reArmenia-յի և ACA-յի կազմակերպած ֆոնդհայթայթման դասընթացին։

Բյուջեն։