«Բունիկ» դրամահավաքի նպատակն է ստեղծել հայերենով բարձրորակ մանկական բովանդակություն՝ ներառյալ հաղորդումներ, անիմացիոն մուլտֆիլմներ և հեքիաթների գիրք, որոնք հասանելի կլինեն ամբողջ աշխարհում։

Ձեր աջակցությամբ այս նախաձեռնությունը կօգնի հայ երեխաներին ստանալու կրթական և զվարճալի բովանդակություն՝ խթանելով նրանց լեզվական և մշակութային զարգացմանը։

Նախագծի շրջանակում ստեղծելու ենք՝

• «Բունիկ» մանկական հաղորդման 60 էպիզոդ,
• 3 փոքր ֆորմատ,
• 12 անիմացիոն մուլտֆիլմ,
• 12 հեքիաթի գիրք։

Այս նախագծի միջոցով հայ երեխաները կունենան հասանելիություն որակյալ կրթական բովանդակությանը՝ անկախ իրենց բնակության վայրից, ինչը կնպաստի հայոց լեզվի և մշակույթի պահպանմանը։

«Բուն»-ի առաջնային խնդիրներից մեկը որակյալ մանկական բովանդակության ստեղծումն է, որի իրագործման համար ունենք ձեր աջակցության կարիքը։

ՄԵՐ ՄԱՍԻՆ

Բունը գիտակրթական բազմահարթակ մեդիա է մտահորիզոնն ընդլայնել ցանկացող, ստեղծագործ մարդկանց համար։ Մեր առաքելությունն է նպաստել գիտության և արվեստի արտադրանքն օգտագործող հասարակության ձևավորմանը: 

Բունը ձևավորում է գիտական ու կրթական թեմաներով դիսկուրսներ՝ ստեղծելով 21-րդ դարի հայ գիտահեն մտքի դինամիկ շտեմարան: Մենք տարբեր ձևաչափերով համագործակցում ենք տեղական գործընկեր կազմակերպությունների հետ, համատեղ նախագծեր մշակում և արտադրության մեջ տրամադրում տեխնիկական և մասնագիտական աջակցություն:

Մեր մասին հավելյալ տեղեկատվություն կարող եք գտնել ԲունTV-ի պաշտոնական կայքում։

ԹԻՄ

Մեր թիմը բաղկացած է փորձառու մասնագետներից, որոնց թվում են օպերատորներ, ռեժիսորներ, անիմատորներ և մանկավարժներ, ովքեր, իրենց փորձն օգտագործելով, կստեղծեն երեխաների համար լավագույն բովանդակությունը։

ԲՅՈՒՋԵ

Դրամահավաքի բյուջեն կազմում է 15,000,000 ՀՀ դրամ, որի հիմնական մասը կօգտագործվի արտադրական ծախսերի, տարածման, միջոցառումների կազմակերպման և գրքի տպագրության համար։

Նախագծի բյուջեն առավել մանրամասն կարող եք տեսնել այստեղ։