Կրթական հնարավորություններ հեռավոր գյուղի երեխաների համար
Մնացել է 62 օր
Նպատակ: 21,350.58 USD
Աջակիցներ
Mher Mkrtchyan
ամիս առաջԱնանուն աջակից
ամիս առաջԱնանուն աջակից
ամիս առաջՄիացե՛ք մեզ՝ վերակենդանացնելու Ազատեկի մշակութային կենտրոնը, ծրագիր, որի նպատակն է խթանել կրթական աճը և համայնքի ներգրավվածությունը:
Մեր նպատակն է վերանորոգել Մշակույթի կենտրոնը՝ տեղի գրադարանը վերաբացելու և համայնքի երիտասարդների համար անգլերենի դասընթացներ և մշակութային ծրագրեր առաջարկող Ամերիկյան ակումբ հիմնելու համար: Նախագծի իրականացման համար անհրաժեշտ է հավաքագրել 8,3 միլիոն դրամ մինչև 2024 թվականի հուլիսի 4-ը։
Ձեր աջակցությունը կապահովի որակյալ կրթական հնարավորությունների հասանելիություն, կօգնի պայքարել գյուղի հայաթափման դեմ և հզորացնել մեր համայնքի ապագա առաջնորդներին: Միասին մենք կարող ենք ստեղծել ուսման և մշակութային փոխանակման կենսունակ հանգույց Ազատեկում:
Այս ծրագիրը մեծ ազդեցություն կունենա մեր գյուղի վրա՝ ապահովելով կրթական հնարավորություններ գյուղի երիտասարդների համար։ Ծրագրի հիմնական շահառուներն են Ազատեկի և մոտակա ավելի փոքր գյուղի 100-ից ավելի երեխաներ և երիտասարդներ: Շատերը երազում են գերազանց բարձրագույն կրթություն ստանալ և գիտելիքն ու փորձը ներդնել Ազատեկի զարգացմանը։
Այս նախագիծն իրականացնելով՝ մենք ներդրում ենք կատարում մեր գյուղի և հասարակության ապագայի մեջ: Կրթված երեխաներն ավելի մեծ հավանականությամբ դառնալու են իրենց համայնքի ակտիվ և ներգրավված անդամներ՝ նպաստելով տնտեսական զարգացմանը և սոցիալական համախմբվածությանը:
Ավելին, ստեղծելով կրթական հնարավորություններ տեղական մակարդակում, մենք օգնում ենք կասեցնել գյուղերի հայաթափման և միգրացիայի ալիքը: Երբ ընտանիքներն իրենց երեխաների համար որակյալ կրթություն ստանալու հնարավորություն ունեն իրենց գյուղում, ավելի հավանական է, որ կմնան և ներդրումներ կկատարեն համայնքի ապագայում:
Ազատեկ գյուղում բնակիչները զգալի մարտահրավերների են բախվում կրթության և մշակութային հարստացման սահմանափակ հնարավորությունների պատճառով: Մասնավորապես, առկա է անգլերեն լեզվի ուսուցման ծրագրերի ակնհայտ բացակայություն, ինչը համայնքի անդամներին զրկում է այսօրվա փոխկապակցված աշխարհում հաղորդակցության և առաջընթացի համար անհրաժեշտ կարևոր հմտություններից: Ավելին, գյուղի երեխաները չունեն ժամանցի և անհրաժեշտ կրթական ռեսուրսների հասանելիություն, ինչը հանգեցնում է աճի հնարավորությունների բացակայությանը և խոչընդոտում համայնքի զարգացմանը։
Վերականգնելով մեր Մշակույթի կենտրոնը և ստեղծելով կրթական հնարավորություններ հենց գյուղում՝ մենք քանդում ենք այս խոչընդոտները և ճանապարհ հարթում դեպի ավելի պայծառ ապագա:
Մենք առաջարկում ենք վերանորոգել Մշակույթի կենտրոնի ճակատային հատվախը, տանիքը, ուսումնական տարածքը և գրադարանի հատվածը՝ կրթական և մշակութային գործունեության համար ժամանակակից, մատչելի կենտրոն ստեղծելու համար: Ամերիկյան ակումբի ստեղծումը կառաջարկի անգլերենի դասընթացներ, ամերիկագիտության և այլն:
Համայնքային համագործակցության միջոցով մենք կիրականացնենք այս վերանորոգումները և ծրագրերը՝ մեր երիտասարդության համար բարեկեցիկ միջավայր ապահովելու համար:
Ես Դիանա Հովակիմյանն եմ՝ ամերիկագիտության և ռուսագիտության մասնագետ։ Հայրենադարձի իմ ճանապարհը, որն ավարտվել է Հայաստան տեղափոխվելու որոշմամբ, իմ մեջ սերմանել է պատասխանատվության խոր զգացում իմ Հայրենիքի և ազգի հանդեպ:
Արդեն երկու տարի դասավանդում եմ Ազատեկի միջնակարգ դպրոցում։ Այս տարիների ընթացքում իսկական կապ եմ ստեղծել իմ աշակերտների հետ՝ ներդրում կատարելով նրանց կրթության մեջ և ոգեշնչված եմ՝ տեսնելով նրանց հաջողության հասնելու ճանանապարհը։
Պատիվ ունեմ ձեզ հետ կիսելու Ազատեկի մշակութային կենտրոնի վերակենդանացման տեսլականը: Տեղական համայնքի անմնացորդ աջակցությամբ ես իմ ողջ գիտելիքներն ու փորձը ներդնում եմ այս գործին:
Խորապես հավատում եմ, որ հավաքական գործողությունները, որոնք սնվում են մեր երկրի և մեր ազգի ապահով ապագայի հանդեպ իրական սիրով և նվիրվածությամբ այստեղ՝ Հայաստանում, դրական փոփոխությունների բանալին են: Հավատում եմ, որ միասին մենք կարող ենք գործել՝ դեպի ավելի ուժեղ և ավելի միասնական Հայաստան:
Նախագծի բյուջեն կարող եք տեսնել այստեղ։
Կրթական հնարավորություններ հեռավոր գյուղի երեխաների համար
Մնացել է 62 օր
Նպատակ: 21,350.58 USD
Աջակիցներ
Mher Mkrtchyan
ամիս առաջԱնանուն աջակից
ամիս առաջԱնանուն աջակից
ամիս առաջ