ՆԿԱՐԱԳՐՈՒԹՅՈՒՆ

«Գրքասերն» արդեն 9 տարի շարունակ ձայնագրում է հայերեն աուդիոգրքեր, որոնք ունկնդրում են հայեր ամբողջ աշխարհից: Օրինակ 2023 թ.-ի ընթացքում մենք ունեցել ենք մոտ 173,000 օգտատեր: Սակայն ցավոք կայքն այնքան էլ հարմար չէ տեսողական խնդիրներ ունեցող մարդկանց համար։

Երկրները, որտեղից մարդիկ լսում են մեր աուդիոգրքերը

ԽՆԴԻՐ

«Գրքասերների ակումբ» ձայնային գրադարան հասարակական կազմակերպությունը 9 տարիների ընթացքում ձայնագրել և անվճար ունկնդրին է մատուցել հայերեն լեզվով ավելի քան 1000 աուդիո գիրք և 300 հեքիաթ, որոնք լսում են հայեր ողջ աշխ��րհից։

Մեր օգտատերերի մեջ յուրահատուկ տեղ են զբաղեցնում տեսողական խանգարում ունեցող մարդիկ, ովքեր մեզ հաճախ են դիմում այնպիսի տեխնիկական խնդիրներով, որոնք մենք չենք նկատում։ Նրանք գիրք լսելիս հանդիպում տեխնիկական բարդությունների։ Մենք տարիներ շարունակ փորձում էինք ժամանակավոր լուծումներ տալ խնդիրներին, սակայն վերջնականապես որոշեցինք հիմնովին փոխել կայքը՝ հարմարացնելով այն տեսողական խնդիրներ ունեցող մարդկանց, ինչպես նաև ավելացնել ֆունկցիոնալ որոշակի հնարավորություններ բոլոր օգտատերերի համար։

ԼՈՒԾՈՒՄ

Այս նախագծի մեր նպատակն է ստեղծել սուպեր UX դիզայն, որը կհարմարեցվի տեսողության խանգարում ունեցող մարդկանց կարիքներին: Այսինքն՝ վերադիզայնի գաղափարը ոչ թե նոր գեղեցիկ կայք ստեղծելն է, այլ այն, որ բովանդակությունը հնարավորինս հեշտ ընկալվի։

UX դիզայները, ով առաջարկեց նվիրել իր ծառայությունը Գրքասեր-ին, նախագծում է նոր կայքի կառուցվածք, որն ամբողջովին հարմարացված է լինելու տեսողական խնդիրներ ունեցող մարդկանց կողմից օգտագործմանը։ Նաև նախագծի ավարտից հետո կատարվելու է փակ աչքերով թեսթավորում։

Գրասերը ձայնագրում է հայերեն աուդիոգրքեր և հրապարակում անվճար ցանկացած օգտատիրոջ համար։ Այսպիսով, աջակցելով, դուք օգնում եք ոչ թե մեզ, այլ այն մարդկանց, ովքեր լսում են այդ գրքերը:

ԱԶԴԵՑՈՒԹՅՈՒՆ

Նոր կայք ունենալու արդյունքում նախատեսում ենք ամբողջովին փոխել աուդիոգրքերի մատուցման մոտեցումները՝ ավելացնելով նոր ֆունկցիոնալություն և հարմարացնելով դիզայնը տեսողական խնդիրներ ունեցող մարկանց կարիքներին։ Վստահ ենք, որ շատ շատերը ամեն օր երաժշտություն լսելը կփոխարինեն աուդիոգիրք ունկնդրմամբ, ինչը, բնավ, դրական ազդեցություն կունենա։

Հարմարավետ դարձնելով կայքն օգտագործման համար, նախատեսում ենք նաև հանդիպումներ կազմակերպել դպրոցների աշակերտների հետ՝ առաջարկելով ուսումնական գրականությունը լսել Գրքասերի միջոցով, ինչը մի քանի անգամ կխթանի գեղարվեստական գրականության յուրացմանը։

Արդյունքում ակնկալում ենք առնվազն եռապատկել մեր օգտատերերի քանակը, ինչը դրական ազդեցություն է ունենալու ոչ թե մեր կազմակերպության, այլ Հայաստանում գրագիտությունը բարձրացնելու վրա։

ԹԻՄ

«Գրքասերի»-ի հիմնական թիմը բաղկացած է

• ընթերցողներից,
• խմբագրից,
• վեբ ադմինիստրատորից և
• մենեջերից,

սակայն շատ հաճախ մեզ միանում են նաև կամավորներ՝ միջոցառումներ կազմակերպելու, SMM նյութեր պատրաստելու և այլ նմանատիպ գործողություններ կատարելու համար:

Ընթերող՝ Նարեկ Բաղդասարյան

Ընթերող՝ Հայկ Պետրոսյան

«Գրքասերների ակումբ» ձայնային գրադարան հասարակական կազմակերպության Խորհուրդը կազմում են՝ Տիգրան ազիզբեկյանը, Արևիկ Հարությունյանը, Հայկ Պետրոսյանը, Նարեկ Բաղդասարյանը և Գագիկ Հակոբյանը։

Մեր կայքում ( https://grqaser.org/am/readers/ ) կարող եք ծանոթանալ նաև բոլոր այն հայտնի մարդկանց ցուցակին, ովքեր նվիրում են մեզ աուդիո գրքեր՝ համաձայնելով ձայնագրվել մեր ստուդիայում:

Այս նախագիծն իրականացնելու համար հիմնական աշխատանքը կատարելու է ՏՏ մասնագետը, ում ֆինանսավորման համար էլ կազմակերպել ենք այս դրամահավաքը, իսկ կայքի դիզայները, ով օգնելու է UX հետազոտությունների հարցով և նաև կատարելու է «կույր թեսթավորում», իր աշխատանքը նվիրաբերում է Գրքասեր հասարակական կազմակերպությանը։

ԲՅՈՒՋԵ

Հիմնական բյուջեն՝

ՏՏ մասնագետի կողմից ներկայացրած բյուջեն՝

ՊԱՐԳԵՎՆԵՐ

Հարգելի ընկերներ, բոլոր պարգևները կհանձնվեն դրամահավաքն ավարտվելուց հետո։ Նախապես շնորհակալություն ենք հայտնում յուրաքանչյուր հանգանակության համար, անկախ գումարի չափից։