Սիրելի աջակիցներ,

 Ուրախությամբ և մեծ ոգևորությամբ տեղեկացնում ենք, որ «4090 Բարեգործական» հիմնադրամի «Կրթության հնարավորություն մեր հայրենիքի պաշտպանների համար» հերթական նախագիծը հաջողությամբ ավարտվեց։

Սա մեր տղաներին քաջալերելու և իրենց սխրանքը պատերազմի ժամանակ խրախուսելու ևս մեկ առիթ է, ուստի ՇՆՈՐՀԱԿԱԼՈՒԹՅՈՒՆ բոլորի՜դ կրթությունը կարևորելու և ծրագրի աջակիցը դառնալու համար։

Սիրելի բարեկամնե՛ր, վստահեցնում ենք, որ հանգանակված յուրաքանչյուր լումա ուղղվելու է 15 շահառուների կրթավճարի տրամադրմանը և լիահույս ենք, որ մեր հայորդիները կարդարացնեն բոլորիս հույսերը՝ դառնալով մեր հայրենիքի վառ ապագայի կերտողներ։  

Արթուր Սեդրակյանի մարդկային բարձր որակների մասին կարող ենք երկար պատմել, բայց միայն կասենք, որ 2023-24 ուստարվա իր կրթավճար ստանալու հնարավորությունը նա զիջեց այլ երիտասարդի` մեկնաբանելով, որ արդեն ունի ստաբիլ աշխատանք և կարող է ինքնուրույն վճարել իր կրթավճարը:

Իսկ թե ինչպես է Հիմնադրամն աջակցել այս հարցում, կարդացեք իր իսկ խոսքի մեջ:

«Երջանկությունն արժանի քաղաքացի լինելն է, լավ ընտանիք և ապահով երկիր ունենալը:

4090 հիմնադրամը կյանքի ամենադժվարին պահին կանգնել է իմ կողքին, զորացրվելուց հետո բախվել եմ բազմաթիվ դժվարությունների: Այս հիմնադրամը ինձ ձեռք է մեկնել և օգնել կայանալ կյանքում:

Ես հավատում եմ իմ երկրի լուսավոր ապագային, քանի որ պատմությունը ցույց է տվել, որքան մեր հայրենիքն անդունդներն է ընկել միևնույնն է վեր է խոյացել: Ես վստահ եմ սա հերթական փորձությունն է, և մենք անցնելու ենք ու դուրս գալու, բայց չգիտեմ ինչ ենք հատուցելու այս ամենի դիմաց:

Պատգամում եմ իմ ժողովրդին ազգամետություն, այսինքն՝ լինել սեփական պետության, ժողովրդի հանդեպ առավելագույնս պատասխանատու»:

Սիրելի բարեկամ, 

Եթե ուզում ես.

•  կերտել ամառվա ամենավառ հիշողությունը, 
•  տեսնել աշխարհի ամենագեղեցիկ խառնարաններից մեկը, 
•  ըմբոշխնել մաքրամաքուր օդ և ճաշել 3786մ բարձրության վրա
•  շփվել հաճելի մարդկանց հետ, լսել պատերազմի մասնակիցների ոգևորիչ պատմություններն ու միևնույն ժամանակ աջակցել վերջիններիս ստանալ բարձրագույն կրթություն, ապա

Միացի'ր մեզ և հրավիրի'ր քո ընկերներին ու գործընկերներին ս/թ օգոստոսի 19-ին այս անմոռանալի վերելքին 

Մանրամասներն այստեղ

Դե ինչ, նվաճենք բարձունքը ՄԻԱՍԻՆ

Ես Աշոտն եմ, սովորում եմ ԵՊՀ-ի ինֆորմատիկայի և կիրառական մաթեմատիկայի ֆակուլտետում:

Մանկուց երազում եմ ստեղծել մի այնպիսի նորույթ, որն առաջինը կլինի աշխարհում: Պատերազմից հետո, անցնելով կյանքի ծանր փուլով, որոշեցի շարունակել ուսումս և իրականացնել երազանքս՝ միևնույն ժամանակ օգնելով հայրենիքիս: Այդ ընթացքում ընկերներիս հետ մեկնարկեցինք ստարտափ, որը վստահ եմ մի քանի տարուց գրավելու է աշխարհը՝ բերելով մեծ ներդրումներ դեպի մեր երկիր:

Այժմ շատ մոտիվացված եմ ու շարունակում եմ կատարելագործել գիտելիքներս միևնույն ժամանակ կիրառելով այն ստարտափի շրջանակներում:

Շնորհակալ եմ 4090 Բարեգործական հիմնադրամին ինձ հավատալու, քաջալերելու և աջակցելու համար:

Արամ Ադամյանը մեր հիմնադրամի պայծառ շահառուներից է, ով իր գերազանց առաջադիմության շնորհիվ անցավ անվճար ուսման, սակայն շարունակում է լինել մեր հիմնադրամի և ընտանիքի ակտիվ անդամներից մեկը։

Արամը կյանքում գնահատում է և ձգտում կատարելության։ Դա վերաբերում է ինչպես ուսմանը, այնպես էլ կյանքի ցանկացած բնագավառին։

Օգնությունը ավելին է, քան նվիրատվությունը, այն աշխարհը դեպի լավը փոխելու մասին է: Եվ մենք ուզում ենք ՇՆՈՐՀԱԿԱԼՈՒԹՅՈՒՆ հայտնել, որ այսօր և միշտ մեր կողքին եք:

Ինչպիսի զուգադիպություն, ինչպիսի թվեր:) 25/75

Ուրախությամբ հայտնում ենք, որ այս պահին մեր արշավին միացել են 75 սրտացավ մարդիկ, և 25 օրում մնացել է հավաքագրել նախատեսված գումարի 75%-ը, քանի որ մեկ քառորդը՝ կամ 25%-ի շեմն արդեն հատել ենք։

Շնորհակալություն բոլոր մեր աջակիցներին և յուրաքաչյուրիդ, վստահության, հոգատարության և առատաձեռնության համար։

Լիահույս ենք, որ շատ արագ Ձեր և ձեր ընկերների շնորհիվ կհասնենք մեր նպատակին։

4090 մեծ ընտանիքն ի սրտե շնորհավորում է Ձեր գալիք Ամանորն ու Սուրբ Ծնունդը:

Թող որ 2023 թվականը լինի արժանապատիվ խաղաղության, ներդաշնակության, վերելքի ու նորանոր ձեռքբերումների տարի:

Եղեք առողջ, երջանիկ, հաջողակ և միշտ մեզ հետ:

Շնորհակալություն, որ մեր կողքին եք։

Սիրելի աջակիցներ,

Ուրախությամբ ձեզ ենք ներկայացնում նախագծի վերջնական հաշվետվությունը, որն իրականացվեց ձեր բարեսիրության շնորհիվ։

Եվս մեկ անգամ շնորհակալություն ենք հայտնում կրթությունը կարևորելու և մեզ վստահելու համար։