Կառուցենք ճշգրիտ բժշկության և ժամանակակից կենսատեխնոլոգիաների ապագան Հայաստանում:

Գիտաֆանտաստիկայից մինչև իրականություն, ժամանակակից գիտությունը ճանապարհ է հարթում ապագա հետաքրքիր ժամանակների համար: Եվ այդ ապագան գալիս է ավելի արագ, քան դուք կարծում եք՝ շնորհիվ բիոինֆորմատիկայի:

Ավելի արագ առաջընթացներ գիտության և բժշկության մեջ

Ծանոթացեք՝ բիոինֆորմատիկա. կենդանի էակների ուսումնասիրություն՝ համակցված համակարգիչների կողմից տվյալների մշակման արագության և ճշգրտության հետ: Այն, ինչը գիտնականներին տարիներ կպահանջվեր բացահայտելու համար, այժմ կարող է ավելի արագ և խելացի մշակվել գերհամակարգիչների/սուպերհամակարգիչների հզորության շնորհիվ:

Կենսաինֆորմատիկան դարձել է ժամանակակից գիտության անբաժանելի մասը՝ հանգեցնելով անհատականացված բժշկության, հիվանդությունների բուժման, դեղերի հայտնաբերման և կատարելագործված գյուղատնտեսության մեջ զարմանալի առաջընթացների հասնելուն:

Ինչու՞ է կենսաինֆորմատիկան կարևոր

Ճշգրիտ բժշկություն

Բժշկության մեջ ախտորոշիչ/դիագնոստիկ և մոլեկուլային գործիքների մշակմամբ գիտնականներն այժմ կարող են ավելի լավ հասկանալ յուրաքանչյուր անհատի յուրահատուկ գենետիկական կառուցվածքը: Այս գենետիկական տեղեկատվությունը կարող է այնուհետև վերլուծվել կենսաինֆորմատիկայի միջոցով՝ մշակելու նպատակային և անհատականացված բժշկական միջամտություններ՝ հիվանդությունները կանխելու և վերականգնումն արագացնելու համար:

Դեղագործություն և դեղերի հայտնաբերում

Հիվանդությունների և խանգարումների դեմ դեղերի և պատվաստանյութերի մշակումը երկարատև գործընթաց է, որը պահանջում է տարիներ տևող հետազոտություններ:

Կենսաինֆորմատիկան արագացնում է այս գործընթացը՝ կիրառելով հաշվողական հզորություն դեղամիջոցի հավանական թեկնածուների կանխատեսման համար՝ վերլուծելով, թե ինչպես է միացությունը աշխատելու:

Ավելի լավ սնունդ և գյուղատնտեսություն

Կենսաինֆորմատիկան կարող է օգնել բարելավել սննդի անվտանգությունը, որակը և քանակը:

Կլիմայի փոփոխության հետ կապված, կենսաինֆորմատիկան կարող է նաև կարևոր գործիք լինել գյուղատնտեսությունը ծայրահեղ պայմանների և վնասատուների նկատմամբ առավել ճկուն և դիմացկուն դարձնելու նոր ուղիներ գտնելու համար:

Հավաքական գիտելիքների շտեմարան

Վերջին տասնամյակում գիտական ​​առաջընթացը բիոինֆորմատիկայի շնորհիվ երկրաչափական պրոգրեսիայով է զարգանում, քանի որ գիտնականների կողմից ձեռք բերված կենսաբանական տվյալները և գիտելիքները կարող են հրապարակայնորեն տարածվել և հասանելի լինել ամբողջ աշխարհում:

Հայաստանը՝ գենոմիկայի մեծ ներուժ ունեցող երկիր

Կենսաբանական տվյալները ամենուր են: Դրանք հսկայական են, բազմազան, հում ու չկարգավորված / չդասակարգված։ Բայց դրանք ճիշտ մշակելու և նպատակային օգտագործման համար անհրաժեշտ են ճիշտ գործիքներ և համապատասխան որակավորմամբ մարդիկ։

Հայաստանի կենսաբազմազանությունը դեռևս չբացահայտված տարածք է, որը լի է այսօր աշխարհի առջև ծառացած խնդիրների հնարավոր լուծումներով՝ սկսած կլիմայի փոփոխությունից մինչև սննդի պակաս և սարսափելի համաճարակներ:

Ինչու՞ է մեզ հարկավոր ձեր օգնությունը

Մեզ շտապ անհրաժեշտ է հիշողության մեծ ծավալներով և հաշվողական հզորությամբ նոր ենթակառուցվածք՝ մեր նախագծերն իրականացնելու համար

Հսկայական և բարդ տվյալների հետ բիոինֆորմատիկայի արագությունը, ի վերջո, կախված է հզոր ենթակառուցվածքից: Հաշվողական ենթակառուցվածքը հիմնականում կազմված է ֆիզիկական և ծրագրային մասերից, որոնք միասին աշխատում են, որպեսզի հնարավորինս արագ կատարվեն բարդ գործողություններ: Պատկերացրեք բջջային հեռախոս, որտեղ բացված են բազմաթիվ հավելվածներ և հազարավոր լուսանկարներ կան ներսում. հեռախոսը ավելի քիչ հավանական է, որ ինչ-որ պահի փչանա, եթե այն ունի հսկայական հիշողության պահեստ (ինչպես սարքում, այնպես էլ ամպի մեջ):

ABI-ն այժմ միավորել է ուժերը Հայաստանի IMB և IIAP ինստիտուտների հետ՝ հաշվողական ռեսուրսներ տրամադրելու համար: Այնուամենայնիվ, քանի որ հետազոտողների և ուսանողների թիվը շարունակում է աճել, այդ ռեսուրսները հասել են իրենց առավելագույն սահմանին:

Հիշողության մեծ ծավալներով և հաշվողական հզորությամբ նոր ենթակառուցվածքը կաջակցի ABI-ի առաքելությանը` ստեղծելու անգերազանցելի հնարավորություններ ուսանողների, հետազոտողների և բիոինֆորմատիկների համար։

Սա կհանգեցնի ավելի լավ կրթության, ավելի լավ հետազոտությունների, ավելի լավ տնտեսության և, ի վերջո, ավելի լավ ապագայի:

Տեխնիկական մանրամասներ

Առաջարկվող ենթակառուցվածքը կծառայի գիտական և կրթական նպատակների համար՝ շուրջ 20 գիտնականների և ավ��լի քան 40 ուսանողներին աշխատելու հնարավորություն կտա նախնական շրջանում։ Այն գործարկելու համար մեզ հարկավոր է ձեռք բերել սարքավորումների համակարգ 128 միացումներով, 48 TB հիշողությամբ սկավառակ, և 1TB RAM հիշողությամբ՝ հետագայում այն ավելացնելու հնարավորությամբ։

Արդյունքներ

• Տարեկան 30 գիտաշխոտող և 40 ուսանող կօգտվի ենթակառուցվածքից
• 3, 5, 10 և 10-ից ավելի հոդվածք կտպագրվի օգտագործման առաջին, երկրորդ, երրորդ և հետագա տարիներին՝ օգտվելով հաշվողական ռեսուրսներից
• Տարեկան նվազագույնը 2-5 ծրագիր կմշակվի՝ ծառայելու և մեր ներդրումն ունենալու համաշխարհային գիտությանը
• Նվազագույնը երկու ցանցային ադմինիստտրատոր կվերապատրաստվեն նախագծի եվրոպական գործընկերների հետ համագործակցությամբ
• Նվազագույն 20 երիտասարդ գիտաշխատող կվերապատրասվեն գենոմային հետազոտությունների ոլորտում
• Հինգ տարվա մեջ նվազագույնը 20 գիտական նախագիծ կիրականացնենք ՀՀ տարբեր ինստիտուտների և համալսարանների հետ համատեղ՝ բարձրացնելով դրանց գիտական արդյունքը
• Ստեղծվող գիտական պոտենցիալը հինգ տարի հետո նվազագույնը երկու ժամանակակից կենսատեխնոլոգիական ընկերության կգրավի դեպի Հայաստան

Մեր մասին

Մենք կենսաինֆորմատիկայի մասնագետների թիմ ենք, որն աշխատում է Հայաստանի կենսաինֆորմատիկայի ինստիտուտում: Մենք ունենք մոտ 20 մասնագետ, որոնցից ոմանք ունեն ավելի քան 20 տարվա փորձ այս ոլորտում: Այս տարի մեզ հաջողվեց կրթել և ներգրավել ևս 12 երիտասարդ հետազոտողի: Մեր գոյության առաջին տարում մենք քառապատկեցինք կենսաինֆորմատիկայի հետազոտողների թիվը Հայաստանում, գործարք կնքեցինք արդյունաբերության ոլորտի 3 գործընկերների հետ՝ ԱՄՆ-ից և Մեծ Բրիտանիայից, և հրապարակեցինք 6 գիտական հոդված։ Այս ամենը հնարավոր է եղել Հայաստանի և արտերկրի ավելի քան 50 մասնագետի ջանքերի ներդրման շնորհիվ։ Դու է՛լ միացիր մեզ ու օգնի՛ր հասնել էլ ավելի մեծ բարձունքների։

Աջակցե՛ք մեզ կենսաբանության անվտանգ, առողջ և բարգավաճ դարաշրջան թևակոխելու ճանապարհին։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին