Հայաստանի անվտանգության ու տնտեսական զարգացման լավագույն ուղին տեխնոլոգիական պրոդուկտների ստեղծումն ու արտահանումն է: 

Ուստի Հայաստանում առաջնային է տեխնոլոգիական կրթությունը, որի հիմքն արդեն դրված էր Արցախում հենց արցախցիների կողմից:

Արցախից բռնի տեղահանումից հետո շոշափելի հաջողություններ գրանցած «Մունք» տեխնոդպրոցի թիմը տեղափոխվել է Լոռու մարզ և հաշված շաբաթների ընթացքում ոչ միայն կարողացել է վերականգնել իր գործունեությունը այլ ծրագրում ներգրավվել է ավելի քան 200 շահառու, ներգրավվելով 7 համայնք:

Սյունիքի մարզի բնակավայրերը բաժանվել են յոթ կլաստերների, որոնցից յուրաքանչյուրում պետք է հիմնադրվի «Մունք» տեխնոդպրոց:

Կապանի կլաստերը իր մեջ ներառում է 40 բնակավայր, որոնք բավականին կտրված են մարզի մնացած բնակավայրերից՝ մարզկենտրոն Կապանից և Երևանից: Այս համայնքներում երիտասարդները ժամանակակից կրթության և զարգացման հնարավորության հետևից գնալով լքում են հայրենիքը:

Հենց այս համոզմունքով, ընդամենը մի քանի տարի առաջ, Աշոտն ու Լուիզան հիմնադրեցին «Ես» կրթական հիմնադրամը, որը փոխեց Արցախի 6 համայնքի երեխաների կյանքը: Նրանց, երեխաների և դոնորների ակտիվ ջանքերի ա��դյունքում կառուցվեց «Մունք» տեխնոդպրոցը՝ Հաղորտի համայնքում: Հետո դեպքերի ընթացքն արդեն անկասելի էր, երեխաներն իրենք իրենց երազանքը դարձրեցին նպատակ և մայրաքաղաք Ստեփանակերտում ստեղծեցին «Մունք» տեխնոդպրոցի երկրորդ մասնաճյուղը: Արդեն գործող «Մունք» տեխնոդպրոցի հաջողության ուղին պետք է անցնի ՀՀ բոլոր մարզերով: 

«Մունք» տեխնոդպրոցն Արցախում այն եզակի կրթական կառույցներից է, որոնք շրջափակման ողջ ընթացքում շարունակել են գործել, և միակը, որը հնարավորություն է տալիս Արցախում ապրող երիտասարդներին դուրս գալ գլոբալ գիտելիքների շուկա` տալով փափուկ և կոշտ հմտություններ։ Այժմ այս հնարավորությունը ՀՀ բոլոր սահմանամերձ համայնքներում ապրող երեխաներին հասանելի դարձնելը անհրաժեշտություն է: 

Ամեն ինչ սկսվում է տաղանդների բացահայտումից: Այս փուլում երեխաները

հնարավորություն ունեն ծանոթանալու ՏՏ ոլորտի հիմնական մասնագիտություններին, ստանալ լայն բազային գիտելիք, կարևոր հմտություններ՝ հետագա զարգացման համար։ Առաջին փուլի գերխնդիրը վերլուծական մտածողության զարգացումն է։

Երկրորդ փուլն ամենաընդգրկունն ու հետաքրքիրն է։ Երեխաները ստանում են խորացված գիտելիքներ ռոբոտաշինության, ծրագրավորման, թվային դիզայնի և մարքեթինգի մասին՝ դառնալով սկսնակ մասնագետներ։ Այս փուլում ուսանողների ծանրաբեռնվածությունը աճում է մի քանի անգամ։ 

Երրորդ փուլն ամենակարևորն է: Այս փուլում լուծվում է շրջանավարտների մասնագիտական կայացման և զբաղվածության հարցը։ «Մունք» տեխնոդպրոցը աջակցում է իր շրջանավարտներին հեռավար աշխատանք և գործընկերներ գտնելու հարցում։ Նրանց գաղափարները Start_Up դարձնելը այս փուլի կարևորագույն նպատակն է։

Այս նախագիծն աջակցում է`

Կայուն Զարգացման Նպատակներին

«Ապագա Հայկականը» Նպատակներին