Մեր խնդիրները

Խնդիրների լուծումը, և ինչու՞ հենց Planet

Մենք լրագրողներ ենք, իսկ խնդիրների լուծմանը կարող ենք նպաստել դրանց մասին բարձրաձայնելով: Բարձրաձայնելու համար մեզ պետք են հավաստի, օբյեկտիվ, թարմ տվյալներ, որոնք հասանելի են արբանյակային պատկերներում: 

Միջազգային գործընկեր լրագրողների հետ քննարկումների արդյունքում մենք ընտրել ենք ամենաօպտիմալ տարբերակը՝ Planet հարթակը, որի տարեկան բաժանորդագրության համար մեզ՝ անկախ լրագրողներիս, անհրաժեշտ է ձեր աջակցությունը։

Մենք կասկած չունենք, որ Planet-ն ու դրա կողմից առաջարկվող լուծումները իսկապես օգտակար կլինեն՝ մեր նպատակներին հասնելու համար:

Ո՞վ ենք մենք

Մենք Երևանում և ՀՀ մարզերում գործող լրատվամիջոցներ ու լրագրողական կազմակերպություններ ենք, որոնց միավորում է InFact/Փաստացի հարթակը: Այս հարթակը 2021-ին նախաձեռնել է «Հետքը», և ապա դրան են միացել մի շարք գործընկերներ, որոնց կապում է փաստերի ստուգումը, փաստարկված, ճշգրիտ ու օբյեկտիվ ինֆորմացիա հաղորդելու գաղափարը: 

«Ֆեյսբուք» սոցցանցում մենք ստեղծել ենք InFact/Փաստացի խումբը, որտեղ հավաքված են ոչ միայն հարթակի անդամները, այլև փաստերի ստուգմամբ հետաքրքրված մեր հետևորդներն ու այլ անձինք: Հարթակին առավել մանրամասն կարող եք ծանոթանալ ֆեյսբուքյան խմբում կամ դիտել 2021-2023 թթ. մեր գործունեության մասին պատմող տեսանյութը:

Ի՞նչ կփոխվի, եթե Planet-ը հայտնվի անկախ լրագրողների ձեռքում

Մեր հետազոտությունները կարող են օգտագործվել ներքին ու արտաքին տարբեր հարթակներում ու ներառվել միջազգային զեկույցներում և օգտակար գործիք դառնալ՝ հայկական շահը առաջ մղելու համար։ Չենք բացառում նաև, որ մեր ուսումնասիրությունները կօգտագործվեն օտարերկրյա լրատվամիջոցների կողմից՝ ապահովելով ավելի մեծ լսարան։

Հայաստանի բնապահպանական ռիսկերի մասին մեր հրապարակումները կդրդեն պատկան մարմիններին պատասխանատու քայլեր ձեռնարկելուն։ Իսկ տարբեր բնակավայրերում ապօրինի կառուցապատումների ու հողազավթումների բացահայտման արդյունքում կանխատեսում ենք քրեական վարույթների նախաձեռնում, ինչի հարուստ պրակտիկան մեր լրատվամիջոցներն ունեն։

Նախկինում արդեն իսկ անդրադարձել ենք Արցախի օկուպացիային, Արցախի մասին ադրբեջանական կեղծ թեզերին ու լրահոսին, ՀՀ սուվերեն տարածքի ադրբեջանական օկուպացիաներին, ներկայացրել ենք մեր տարածքում ադրբեջանական անօրինական ներկայությունը։ Գրել ենք Սևանա լճի ծաղկման, Երևանի ու մարզերի կանաչ գոտիներում լայնածավալ կառուցապատման մասին, որը կապված է կոռուպցիոն ռիսկերի հետ։

Այս ամենն արել ենք արբանյակային լուսանկարների միջոցով, որոնք ստացել ենք անվճար գործիքների օգնությամբ, ինչպիսիք են Google Maps-ը, Google Earth-ը և Sentinel Hub-ը: Բայց քանի որ Google-ի գործիքները թարմացվում են ոչ հաճախ, իսկ Sentinel Hub-ի արբանյակային նկարների որակը այնքան էլ բարձր չէ, մեզ առավել արդյունավետ գործիք է անհրաժեշտ, որը Planet-ն է։

Թիմ

Ի՞նչ կարևոր բացահայտումներ ենք արել մինչև հիմա

Ստորև կարող եք կարդալ արբանյակային պատկերների կիրառմամբ պատրաստված մեր նյութերից մի քանիսը:

Հայաստան-Ադրբեջան

• Թշնամին Սեւ լճի հատվածում վերահսկում է ռազմավարական բարձունքներ եւ 13 քկմ տարածք
• Ադրբեջանցիները «տնավորվել են» Սև լճում․ Google Earth-ի պատկերները
• 2021-ի մայիսին Վարդենիսի հատվածում թշնամին ՀՀ սուվերեն տարածքից օկուպացրել է առնվազն 3200 հեկտար
• Թշնամին Հայաստան-Իրան միջպետական մայրուղուց 4,4 կմ-ի վրա է. ՊՆ-ն չի մեկնաբանում՝ հղում անելով պետական գաղտնիքին
• Ջերմուկի հատվածում ադրբեջանական առաջխաղացումը՝ ըստ արբանյակային լուսանկարների
• Ի՞նչ ճանապարհներ է Ադրբեջանը կառուցել Ջերմուկի հատվածում
• Գեղարքունիքում ադրբեջանական դիրքերի մասին ՄԻՊ-ի պնդումները հիմնավոր են․ ՊՆ-ն կեղծում է
• Ագրեսիայի արդյունքում Ներքին Հանդը երեք կողմից շրջապատման մեջ է հայտնվել
• Հայաստանի տարածքի սողացող զավթումը
• Հայ-ադրբեջանական սահմանին հարող 4 գյուղերի հավանական վերադարձն ու ռիսկերը. պատմում ենք քարտեզով
• Թշնամին հայ ոստիկաններին դարանակալել էր իր առաջապահ դիրքերից 1 կմ հեռավորության վրա. «Հետքը» պարզել է հանցանքի վայրը
• Սիսից տարածվող տեսանյութը հին է․ գործող անձինք ադրբեջաներեն չեն խոսում
• Թշնամու քարոզչամեքենան ստում է․ արբանյակային լուսանկարները հերքում են Ադրբեջանի ՊՆ-ի պնդումը
• Հայաստանի տարածքում ադրբեջանական դիրք է ոչնչացվել․ լուսանկարների ուսումնասիրություն
• Ադրբեջանի ռազմական ագրեսիայի օրերին առաջացած կրակի օջախները՝ ըստ ՆԱՍԱ-ի
• Սիսիանում գրանցված վարակները Սև լճի թունավորման հետևանք չեն

Արցախի ժառանգությունը

• Կա վտանգ, որ Արցախը կմնա առանց հայկական հետքի
• Արցախը՝ Ադրբեջանի բռնազավթումից հետո․ մաս 1՝ Հադրութ
• Արցախի կորսված հուշարձանները. շարունակվող վանդալիզմ
• Շուշիի Կանաչ ժամ եկեղեցին մասամբ ավերված է
• Արցախի կորսված ու մնացած ջրամբարները
• Ոչ միայն կամուրջ, այլև ջրամբար․ Սամվել Բաբայանի սխալ պնդումը Խուդաֆերինի մասին
• Ինչու է Ֆեյսբուքը հեռացրել Բաքվի հայկական եկեղեցիների մասին գրառումը

Արցախյան պատերազմ

• Մարտերը Սղնախում․ գյուղի անկումը
• Ինչպես գրավվեցին Մոշխմհատ, Մադաթաշեն, Ակնաղբյուր և Ջրաղացներ գյուղերը
• Նոյեմբերի 3-ի գիշերվա մարտը Շուշիի համար․ 9 հոգանոց ջոկատը 2 զոհ է տվել
• Փաստերը հաստատում են. Ադրբեջանն Արցախում արգելված սպիտակ ֆոսֆոր է օգտագործել
• Գյանջայի օդանավակայանը «հօ՞դս է ցնդել»․ արբանյակային լուսանկարները հակառակն են ապացուցում
• Ջալալ Հարությունյանի վիրավորումը ներկայացնող տեսանյութի վայրի տեղորոշումը
• Արբանյակային լուսանկարները չեն հաստատում ԼՂ-ում զորաշարժի մասին Բաքվի պնդումները
• Պատերազմի հետևանքները՝ արբանյակային լուսանկարներում

Ապօրինի կառուցապատումներ ու հողազավթումներ

• Պաշտոնյաները Ծաղկաձորում 50 հեկտար անտառ են սեփականաշնորհել
• Թաթուլ Կրպեյանի անվան այգու մի մասը սեփականաշնորհվել և 2.6 մլն դոլարով վաճառքի է հանվել
• Ծաղկաձորի անտառների վարձակալները

Բնապահպանություն

• Սեւանը ծաղկում է, գիտնականները՝ ահազանգում, կառավարությունը՝ հետաձգում
• Ինչպես աննկատ պոչամբար ունենալ․ Էկոթունավոր թափոններ՝ Մեղրաձոր գյուղի մոտ

Նախագծի բյուջեի մանրամասներին կարող եք ծանոթանալ՝ անցնելով հղումով։