«Ապրելու տարիք» ծրագիրը, որը գլխավորում է «Տարեցների առողջության և խնամքի ապահովման ասոցիացիան», նվիրված է Հայաստանի տարեցների կյանքի բարելավմանը՝ առողջապահության, կրթության և համայնքային ներգրավվածության ապահովման միջոցով:

ԽՆԴԻՐԸ

Հայաստանում ժողովրդագրական տեղաշարժը և տարեց բնակչության աճը նոր մարտահրավերներ են ստեղծում: Ընտանիքները բախվում են տարեցների խնամքի, զբաղվածության, մենակության և այլ խնդիրների: Մեր առաջնահերթությունը նոր հնարավորությունների ստեղծումն է տարեցների համար և առողջ երկարակեցության խթանումը:

ՄԵՐ ԼՈւԾՈւՄԸ

Ասոցիացիան Երևանում տարեցների համար ստեղծել է նորարարական մասնագիտացված ցերեկային կենտրոն, որտեղ տարեցներն իրենց հետաքրքրություններին համապատասխանող զբաղմունք են գտնում, օգտվում են առողջապահական ծրագրերից և ներգրավվում են համայնքային կյանքում։ Ալցհեյմերի հիվանդություն (դեմենցիա) ունեցող անձինք և նրանց խնամողներն օգտվում են ինտեգրման, գլխուղեղի առողջության և ուսուցման հատուկ ծրագրից։

ԻՆՉՊԵ՞Ս ԿԱՐՈՂ ԵՔ ԱՋԱԿՑԵԼ

Միացեք մեզ՝ աջակցելով «Ապրելու տարիք» ծրագրին և նրա նորարարական ցերեկային կենտրոնին: Ձեր ներդրումը մեզ կօգնի՝

1. Բարելավել առողջապահական և կրթական ծառայությունները: Ձեր աջակցությամբ կզարգանան առողջապահական մասնագիտացված ծառայություններն ու կրթական նոր ծրագրերը, որոնք կապահովեն, որ տարեցները լավագույն հնարավորություններն ստանան իրենց օրերն իմաստնալից և արժանապատիվ ապրելու համար:
2. Խթանել տարեցների սոցիալական ներգրավվածությունն ու հզորացումը: Ձեր օգնությամբ մենք կզարգացնենք նորարարական ցերեկային կենտրոնը, որտեղ տարեցները կկարողանան սոցիալիզացվել, շարունակել սովորել և իրացնել իրենց ներուժը:
3. Խթանել համայնքի ինտեգրումն ու իրազեկումը: Ձեր աջակցությամբ կկարողանանք տարեցներին ներգրավել հասարակական կյանքում՝ նրանց հնարավորություն տալով կամավորության և այլ միջոցներով իրենց նշանակալի ներդրումն ունենալ:

ԱՍՈՑԻԱՑԻԱՅԻ ԱԶԴԵՑՈւԹՅԱՆ ՀԵՆԱՍՅՈւՆԵՐԸ

«Տարեցների առողջության և խնամքի ապահովման ասոցիացիան» խթանում է տարեցների սոցիալական ներգրավվածությունն ու առողջությունը կրթական ծրագրերի, բժշկական ծառայությունների և սոցիալական խնամքի ոլորտի զարգացման միջոցով:

Առողջապահություն և կրթություն: Ասոցիացիան մշակում է կլինիկական ուղեցույցներ, ծառայություններ և շարունակական կրթության ծրագրեր ինչպես առողջապահության ոլորտի մասնագետների, այնպես էլ ընտանիքում տարեցներին խնամողների համար՝ ապահովելով, որ տարեց անձինք որակյալ խնամք ստանան:

Զբաղվածություն և հզորացում: Ասոցիացիան խթանում է տարեցների ճանաչողական առողջությունն ու սոցիալական ներառումը նորարարական ծրագրերի միջոցով, ինչպիսիք են տարեցների համար նորարարական ցերեկային կենտրոնը, տնային խնամքը, Տարեցների կրեատիվության լաբորատորիան, Տարեց կամավորների խումբը, Տարեցների խորհուրդը:

Համայնքի ինտեգրում և իրազեկում: Ասոցիացիան աջակցում է նաև տեղահանված տարեց անձանց, նրանց ընտանիքներին՝ իրազեկելով առողջ ծերացման, իրավունքների մասին, տրամադրելով մասնագիտական խորհրդատվություն, օգնելով ինտեգրվել հյուրընկալող համայնքում։

ՈԳԵՇՆՉՈՂ ՊԱՏՄՈՒԹՅՈՒՆՆԵՐ

Տիկին Հասմիկի ճամփորդությունը. մենակությունից հասարակական ակտիվություն

87-ամյա տիկին Հասմիկը, ով նախկինում ինժեներ էր Մերգելյան ինստիտուտում, նոր կյանք գտավ Ասոցիացիայի նորարարական ցերեկային կենտրոնում: Նա սովորեց մարաշի ասեղնագործություն, նոր ընկերներ ձեռք բերեց և դարձավ կենտրոնի ակտիվ անդամ՝ իր փորձով օգնելով այլոց: Նա նաև Ասոցիացիայի Տարեցների խորհրդի ակտիվ անդամ է։

Տիկին Գոհարի Վերափոխումը. Վախից՝ Լիարժեքություն

81-ամյա տիկին Գոհարը, ով տագնապում էր իր առողջական վիճակից, վերջերս մեծ փոփոխություն է ապրել Ասոցիացիայի ցերեկային կենտրոնի շնորհիվ: Այժմ նա ավելի հանգիստ է, ինքնավստահ և երջանիկ՝ զերծ նախկին տագնապներից, ինչը բարենպաստ ազդեցություն է թողել նաև նրա ընտանիքի վրա:

ՄԵՐ ԹԻՄԸ

Արթուր Թորոսյան – Ասոցիացիայի հիմնադիր-նախագահ

Լիլիթ Մուրադյան - Ասոցիացիայի փոխնախագահ

Անահիտ Գևորգյան - Սոցիալական աշխատանքի ոլորտի փորձագետ

Մարիամ Պարոնյան և Հերմինե Մկոյան – Հոգեբաններ

Նախագծի նախահաշվի հետ կարող եք ծանոթանալ այստեղ։

Միացեք մեզ՝ աջակցելով տարեցների կյանքն ավելի բովանդակալից դարձնելու գործում: