«Քան» ակադեմիան համաշխարհային կրթական անվճար առցանց հարթակ է, որը տրամադրում է կրթական նյութեր թե՛ ինքնակրթությամբ զբաղվող ցանկացած անձի, թե՛ դպրոցներում և այլ կրթական հաստատություններում սովորողներին։ «Այբ» կրթական հիմնադրամը տեղայնացնում է այդ նյութերը և դրանք ավելի հասանելի դարձնում հայ երեխաների և ուսուցիչների համար։

Հարթակի գործիքները հնարավորություն են տալիս բացահայտելու սովորողների գիտելիքային բացերը և իրականացնելու անհատականացված, աշակերտակենտրոն փոխգործուն կրթություն։

Շուրջ 5 տարի է՝ «Այբ» հիմնադրամը տեղայնացնում է միջազգային առաջատար կրթական հարթակի՝ «Քան» ակադեմիայի նյութերը՝ դրանք ավելի հասանելի դարձնելով Հայաստանի և Արցախի ուսուցիչների և աշակերտների համար։

Այսօր «Քան» ակադեմիայի հայաստանյան հարթակն ունի հետևյալ ցուցանիշները.

Սովորողները նյութերն ուսումնասիրում են իրենց ցանկալի արագությամբ՝ սկզբում լրացնելով բացերը և աստիճանաբար ավելի արագ սովորելով։ Հարթակն առաջարկում է ինքնակրթություն գործնական ու խաղային վարժությունների, տեսանյութերի միջոցով։

«Քան» հարթակի նյութերը համարվում են համաշխարհային մակարդակի կրթական ռեսուրս ամբողջ աշխարհում։

CodeSignal-ի համահիմնադիր Տիգրան Սալոյանն ասում է․

«Երբ ես MIT-ում կենսաբանություն էի անցնում, MIT-ի դասախոսի դասավանդած կենսաբանությունը չէի հասկանում։ Ու ես «Քան» ակադեմիայով լսում էի Սալման Քանի կենսաբանության դասախոսությունը»։

● Ավանդական կրթության արդյունավետ լրացում՝ հիբրիդային ուսուցման արդի մեթոդների ու փորձի կիրառմամբ

● Հասցեականություն՝ աշակերտի գիտելիքային բացերի վերհանմամբ և անհատական ուսուցման պլանով՝ բարելավելով նրա առաջադիմությունը

● Երեխաների առաջադիմությանը հետևելու հնարավորություն

● Նրանց հետաքրքրությունները բացահայտելու գործիք

● Կրթությունը ժամանցի և առօրյայի մաս դարձնելու միջոց

Հետազոտությունները ցույց են տալիս, որ հեռավար ուսուցման պարագայում աշակերտների և ուսուցիչների 96%-ին հասանելի է համացանցային կապը, սակայն որակյալ առցանց անվճար ռեսուրսներն անհասանելի են։

Մարզերի որոշ համայնքների դպրոցներում կա ուսուցիչների խնդիր, անգամ կան համայնքներում դպրոցներ, որտեղ մեկ ուսուցիչը ստիպված է լինում դասավանդել մի քանի առարկա՝ հավանաբար դրանցից որևէ մեկում թերանալով։ 

Ուստի «Քան» ակադեմիան կարող է ուսուցիչներին տրամադրել հնարավորություն զարգացնելու իրենց գիտելիքները և ծանոթանալու կրթական նորագույն մեթոդաբանությանը։

Հաճախ Հայաստանում կրթական բացը լրացնելու համար աշակերտները (հիմնականում ապագա դիմորդները) դիմում են կրկնուսույցներին։

«Քան» ակադեմիայի միջոցով հնարավոր է ինքնուրույն, առանց հավելյալ գումար ծախսելու, սովորել անհրաժեշտ առարկաները։

Արտակարգ իրավիճակներում, ինչպիսիք են համավարակը կամ պատերազմը, խախտվում է երեխաների կրթության իրավունքը։ Երեխաները ստիպված են լինում ժամանակավոր կամ ընդմիշտ փոխել իրենց մշտական բնակության վայրը, ինչի հետևանքով կտրվում են իրենց սովորական առօրյայից և դասերից։ Առցանց նյութերի առկայության դեպքում երեխաները չեն դադարեցնի ուսումնառության ընթացքը և կարող են սովորել ցանկացած վայրում ու ցանկացած իրավիճակում, եթե ունեն հասանելիություն համացանցին։

Հայերենով տեղայնացնել կրթական առցանց որակյալ ռեսուրսները և դրանք հասանելի դարձնել Հայաստանի Հանրապետության, Արցախի և սփյուռքի բոլոր երեխաների համար։

Այսօր «Քան» ակադեմիայի մշակած նյութերից օգտվում է 190 երկրների ավելի քան 60 միլիոն մարդ, այդ թվում՝ միջազգային առաջատար համալսարանների և դպրոցների ուսանողներ և ուսուցիչներ: Եվ «Քան» ակադեմիային միլիոնավոր դոլարներով աջակցում են մի շարք աշխարհահռչակ կազմակերպություններ՝ Բիլ Գեյթսի և Էլոն Մասկի հիմնադրամները, «Ուոլտ Դիսնեյ»-ը և այլն։

«Քան» ակադեմիայի հայաստանյան հարթակի թիմի աշխատանքի ուղղություններից մեկը հենց հարթակի մասին տեղեկացնելն ու հանրայնորեն իրազեկելն է։ Թիմը պարբերաբար այցելում է Հայաստանի բոլոր մարզերի դպրոցներ և կազմակերպում վեբինարներ ու դասընթացներ՝ հարթակից օգտվելու և դրա առավելությունների մասին պատմելու համար։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին