Ամեն հայի տուն՝ փոքրիկ Հայաստան
Մնացել է 356 օր
Նպատակ: 40,002,000 AMD
⭐️ ԹՈՓ ԱՋԱԿԻՑՆԵՐ
⭐️ Atom Mkhitaryan
1,001 AMD
Աջակիցներ
⭐️ Atom Mkhitaryan
2 ամիս առաջՆախատեսվում է պատրաստել Արցախի պատմության կարևոր դրվագներն արձանագրող վավերագրերը, պատմական-մշակութային արժեքների լուսանկարները տպագրել որպես պաստառներ (45 հատ) և շրջիկ ցուցահանդեսով հանդես գալ աշխարհի կարևոր մայրաքաղաքներում, ինչպես նաև հայաշատ վայրերում: Բոլոր 45 պաստառները ունենալու են հայերեն և օտար լեզուներով (անգլերեն, ֆրանսերեն, ռուսերեն, գերմաներեն, արաբերեն, իսպաներեն, չինարեն) բացատրություններ: Յուրաքանչյուր երկրում ցուցադրությունը կազմակերպվելու է տեղի հայ համայնքի հետ համագործակցությամբ, ուղեկցվելու է տեղի մտավորականության հետ հանդիպում-քննարկումներով, երիտասարդության մասնակցությամբ ակցիաների կազմակերպմամբ:
Ցուցահանդեսը կուղեկցվի ելույթներով, ֆիլմերի ցուցադրությամբ, քննարկումներով: Արդյունքում կունենանք երկրների ղեկավարների, խորհրդարանների ու կառավարությունների, միջազգային կազմակերությունների հայանպաստ դիրքորոշում՝ արցախահայության ինքնորոշման իրավունքի իրացման և սեփական հայրենիք վերադարձի համար:
Արցախահայության բռնագաղթը իր պատմական հայրենիքից, բնօրրանից, կարծես, մեծ հետևանքներ չունեցավ միջազգային հանրության տեսանկյունից: Մարդու իրավունքների, պատմական արդարության վերականգնման առումով շատ կարևոր է, որպեսզի տարբեր երկրների հասարակությունները, քաղաքական մակարդակում որոշում կայացնողները ծանոթ լինեն Արցախի պատմությանն ու այսօրվա խնդիրներին: Միաժամանակ, կարևոր է Արցախի խնդրի արդար լուծման համար հայության միաբանությունը, միասնական կարծիքով ու հաստատակամությամբ հանդես գալու կամքը:
Մեր փրկությունը Հայրենիք-Սփյուռք միասնականության մեջ է։ Սա քարոզչության նոր ձև է՝ միջազգային հանրության կարծիքի վրա միահամուռ ուժերով էական ազդեցություն ունենալու համար։
Հիմնական խնդիրը ՛՛Ամեն հայի տուն՝ փոքրիկ Հայաստան՛՛ կարգախոսի կյանքի կոչումն է:
Քանի որ յուրաքանչյուր երկրում ցուցադրությունը կազմակերպվելու է տեղի հայ համայնքի հետ համագործակցությամբ, ուղեկցվելու է մտավորականության հետ հանդիպում-քննարկումներով, երիտասարդության մասնակցությամբ ակցիաների կազմակերպմամբ, ապա այն ազդեցություն է ունենալու տվյալ երկրի հանրային կարծիքի վրա՝ ունենալու հայանպաստ դիրքորոշում:
Դրան նպաստելու է նաև այն հանգամանքը, որ տպագրվելու է նաև ցուցադրության պաստառները և համապատասխան բացատրությունները ընդգրկող ալբոմ /տվյալ երկրի պաշտոնական լեզվով/, որը ցուցահանդեսի ընթացքում բաժանվելու է տվյալ երկրում մտավորականության, քաղաքական որոշումներ կայացնողների շրջանում: Վերջին հաշվով կունենանք Արցախի խնդրի լուծման համար նպաստավոր պայմաններ:
Ծրագիրը կմեկնարկի ԱՄՆ այցելությամբ՝ առաջին ամսվա ընթացքում: Երկրորդ այցելությությունը՝ Ռուսաստան, երկրորդ ամսվա ընթացքում: Երրորդ ամսվա ընթացքում շրջիկ ցուցադրությունը կազմակերպվելու է Բրյուսելում, Փարիզում, Բեռլինում: Ապա նախատեսվում է այցելություններ Չինաստան, Մեծ Բրիտանիա և այլն: Ընդամենը տևողությունը 3 տարի է:
Բորիս /Բակուր/ Կարապետյան – «Շուշի բերդաքաղաք» ԲՀ հիմնադիր տնօրեն, արձակագիր, հրապարակախոս, գեղանկարիչ, Արցախի մասին պատմող գրքերի, վավերագրերի ու լուսանկարների հավաքածուների հեղինակ։
Ատոմ Մխիթարյան – ՀՀ ԳԱԱ միջազգային գիտակրթական կենտրոնի դեկան, մինչև 2014թ ՀՀ սփյուռքի նախարարության համահայկական ծրագրերի վարչության պետ, կրթության ոլորտի միջազգային փորձագետ:
* Նախատեսված է այցելություն կազմակերպել հետևյալ մայրաքաղաքներ. Վաշինգտոն, Մոսկվա, Փարիզ, Լոնդոն, Պեկին, Բրյուսել
Լրացուցիչ միջոցների առկայության պարագայում այցելությունները կշարունակվեն ՄԱԿ անվտանգության խորհրդում ներկայացված այլ երկրների մայրաքաղաքներ
Քաշաթաղի Վարազգոմի կիսաքանդ եկեղեցին, 9-րդ դար
Տեր Մանուելի Շուշիի Ավետարանը, 1428թ, որտեղ առաջին անգամ հիշատակվում է Շուշիի անունը
Արցախի Դաստակերտ գյուղի մոտ Եղիշե Առաքյալի 4-րդ դարի վանքը
Արցախի քարտեզը, Խամսայի մելիքություններ
Ամեն հայի տուն՝ փոքրիկ Հայաստան
Մնացել է 356 օր
Նպատակ: 40,002,000 AMD
⭐️ ԹՈՓ ԱՋԱԿԻՑՆԵՐ
⭐️ Atom Mkhitaryan
1,001 AMD
Աջակիցներ
⭐️ Atom Mkhitaryan
2 ամիս առաջ