2024 թվականի հոկտեմբերի 6-ին տեղի է ունենալու Artsakh STEAM Fest 2024-ը։ Ֆեստի հիմնական նպատակն է խթանել STEAM (science, technology, engineering, art and mathematics) կրթությունը, նախագծային ուսուցումը, համագործակցությունը և ցանցային կապը մասնակիցների, մանկավարժների, ոլորտի մասնագետների և կազմակերպությունների միջև։

ԱԶԴԵՑՈՒԹՅՈՒՆ

1. Հետաքրքրության աճ STEAM ոլորտների նկատմամբ,

2. Նախագծի վրա հիմնված ուսուցման խթանում,

3. Նորարարության և ստեղծագործականության խթանում,

4. Համագործակցային ցանցի ստեղծում,

5. Տեղական տաղանդի ցուցադրում,

6. Երկարաժամկետ կրթական ազդեցություն,

7. Համայնքի ներգրավվածություն և հզորացում,

8. Ծագող գաղափարների ճանաչում և աջակցություն,

ԽՆԴԻՐ

• Հայաստանում երիտասարդների հավանական ներուժը համարժեք չէ STEAM ոլորտներում սովորողների և մասնագետների ներգրավվածությանը:
• Սահմանափակ են հնարավորությունները գործնական, նախագծահեն ուսուցման և STEAM գիտելիքների իրական կիրառման համար:
• Տեղական տաղանդների, մանկավարժների և ոլորտի մասնագետների միջև բացակայում է համագործակցությունը և ցանցը:
• Արվեստները թերներկայացված են ավանդական STEM շրջանակում, որը ճնշում է ստեղծարարությանն ու նորարարությանը:
• STEAM գործունեությամբ համայնքահեն նախաձեռնությունները կարող են խթանել տնտեսական և սոցիալական զարգացմանը:

ԼՈՒԾՈՒՄ

Վերոնշյալ խնդիրների և կարիքների լուծման նպատակով` 2022 թվականին Մարտակերտ քաղաքում կազմակերպեցինք «Artsakh STEM Expo» ցուցահանդեսը, որին մասնակցեց շուրջ 400 մասնակից ՀՀ-ից և Արցախից, իսկ նախորդ տարի Ստեփանակերտում կազմակերպեցինք «Artsakh STEM Expo 2023» ցուցահանդեսը, որին մասնակցեցին շուրջ 150 մասնակիցներ միայն Արցախից, քանի որ Արցախը գտնվում էր շրջափակման մեջ։

2022 թվականի Artsakh STEM Expo`

• ՀՀ-ից ժամանած մասնակիցների քանակը՝ 130,
• 15-25 տարեկան մասնակիցների թիվը (ներառյալ ՀՀ-ից մասնակիցների)՝ 204,
• Ցուցահանդեսին մասնակցեցին թվով 10 գիտական, ինժեներական և տեխնոլոգիական նախագծեր և աշխատանքներ ներկայացնող խմբեր,
• Գաղափարների մրցույթին մասնակցած 4 թիմեր ունեցել են մենթորներ, ովքեր թիմերի հետ աշխատել են իրենց գաղափարների զարգացման ուղղությամբ,
• Գաղափարների մրցույթում հաղթած «Bitty» թիմը էքսպոյի ընթացքում և հետագայում ներգրավել է $5500՝ իրենց գաղափարի զարգացման համար և 2023-ին Մարտակերտ քաղաքում սկսեց իրագործել իր գաղափարը, իսկ 2024 թվականին վերսկսեց արդեն Երևանում։

2023 թվականի Artsakh STEM Expo 2023`

• 15-25 տարեկան մասնակիցների թիվը՝ 70,
• Ցուցահանդեսին մասնակցել են թվով 8 գիտական, ինժեներական և տեխնոլոգիական նախագծեր և աշխատանքներ ներկայացնող խմբեր,
• Գաղափարների մրցույթին մասնակցած 4 թիմեր ունեցել են մենթորներ և քոուչներ, որոնք թիմերի հետ աշխատել են իրենց գաղափարների զարգացման և իրականացման ուղղությամբ,
• Գաղափարների մրցույթում 2-րդ և 3-րդ տեղը գրաված Մարտակերտի շրջանի Մաղավուզ և Ճանկաթաղ գյուղերի երիտասարդները համատեղ Երևանում և Մասիս քաղաքում բացել են «Լույս» երիտասարդական կենտրոնը։

«STEAM Fest 2024»-ը հարթակ է՝ խթանելու STEAM կրթությունը, նորարարությունը և համագործակցությունը ուսանողների, մասնագետների և մանկավարժների միջև:

Նպատակն է հետաքրքրություն առաջացնել STEAM ոլորտների նկատմամբ և խրախուսել նախագծային ուսուցումը` կենտրոնանալով ստեղծագործ և տեխնիկապես հմուտ թիմերի և անհատների սերունդ ձևավորելու վրա, որոնք կնպաստեն Հայաստանի աճին և զարգացմանը:

Artsakh STEAM Fest-ը ներառում է մի քանի կոմպոնենտ`

1. STEM - TALK-եր գիտական, տեխնոլոգիական, ինժեներիային և բիզնեսին վերաբերող թեմատիկ խոսնակները կներկայացնեն իրենց փորձը և աշխատանքը, ինչպես նաև մասնակիցներին կպատմեն ոլորտում առկա հնարավորությունների, նոր տենդենցների, մասնագիտությունների մասին։

STEM-TALK-երը հնարավորություն են տալիս համագործակցության համար կապ ստեղծել սկսնակների և որոշակի հաջողությունների հասած մասնագետների միջև։

2. Պանելային քննարկում «նախագծային աշխատանքների կիրառելիության կարևորությունը» խորագրով։ Հրավիրված 3 պանելիստները կպատասխանեն հարցերին, կներկայացնեն ոլորտի աշխուժացմանն ուղղված իրենց տեսլականը։

3. Գաղափարների Fest, որի նպատակն է խթանել Հայաստանում գործող և նախաձեռնող խմբերի ակտիվ աշխատանքը, նրանց կապել գիտական, ինժեներական, տեխնոլոգիական և IT ընկերությունների հետ՝ ստեղծելով մենթորության հնարավորություն։

Մրցույթին կարող են մասնակցել այն խմբերը, որոնք ունեն նախագծային գաղափար։ Մրցույթի տարիքային նվազագույն շեմը 12 տարեկանն է։ Մրցույթում կհաղթեն ժյուրիի կողմից ընտրված 3 լավագույն գաղափարները ներկայացնող թիմերը, որոնց կառաջարկվեն ինկուբացիոն և աքսելերացիոն ծրագրեր և կհանձնվեն դրամական պարգևներ։ Հաղթողների անունները կհրապարակվեն հոկտեմբերի 6-ին՝ Fest-ի փակման արարողության ժամանակ։

ԹԻՄ

Արտավազդ Բոյաջյան - «Artsakh STEM Expo 2022»-ի և «Artsakh STEM Expo 2023»-ի կազմակերպիչ, մաթեմատիկայի ուսուցիչ, Teach for Armenia կրթական հիմնադրամի շրջանավարտ դեսպան։ 

Գայանե Աճեմյան - Erickson Coaching International շրջանավարտ, ICF քոուչ, ՄԵՄ մենթոր, Արցախ Stem Expo 2023 մենթոր/քոուչ

Նիկոլայ Գերասիմենկո - ICF Հայաստան մասնաճյուղի համահիմնադիր, ICF coach, մենեջեր և մենթոր

Հրաչուհի Միրզոյան - Ռազմավարական հաղորդակցությունների և անհատի բրենդինգի մասնագետ։ Ավելի քան 20 տարի նախագծեր է իրականացնում՝ օգնելով բիզնեսներին, անհատներին՝ իրենց պատմությունը ստեղծելու և այն լավագույնս պատմելու ճանապարհին։

ԲՅՈՒՋԵ՝

• «կամավորներ սնունդ»՝  30000 դրամ
• «Տպագրություն և տեսանելիություն»՝ 408500 դրամ
• «Գաղափարների մրցույթ»-ի հաղթող թիմերին դրամական մրցանակ ՝180000 դրամ
• «Անհրաժեշտ իրեր»՝ 111400 դրամ
• «տարածքի գումար»՝ 100000 դրամ
• «Այլ ծախսեր»՝ 150000 դրամ

Ընդամենը՝ 979900 դրամ

ՀԱՃԱԽ ՏՐՎՈՂ ՀԱՐՑԵՐ

1. Ի՞նչ է STEAM Fest 2024-ը:

Պատասխան.

STEAM Fest 2024-ը նախատեսված է ոգեշնչելու և ներգրավելու մասնակիցներին գիտության, տեխնոլոգիայի, ճարտարագիտության, արվեստի և մաթեմատիկայի (STEAM) ոլորտներում: Այն ներ��ռում է STEAM զրույցներ և գաղափարների մրցույթ, որոնք ուղղված են նորարարության և համագործակցության խթանմանը:

2. Ովքե՞ր կարող է մասնակցել STEAM Fest 2024-ին:

Պատասխան.

Կարող են մասնակցել STEAM առարկաներով հետաքրքրվող 12 և բարձր տարիքի աշակերտներ, ուսանողներ, մանկավարժներ և այլ հետաքրքրվողներ:

3. Ի՞նչ կտա ինձ ֆեստին մասնակցությունը։

Պատասխան.

1. Գիտելիք և ոգեշնչում,

2. Հմտությունների զարգացում,

3. Նոր ծանոթությունների և կապերի ստեղծման հնարավորություններ,

4. Նախագծահեն կրթության և աշխատանքների հետ ծանոթացում,

5. Մենթորություն,

6. Կարողությունների զարգացում և մոտիվացիա,

7. Մշակութային և համայնքային ներգրավվածություն.

8. Փափուկ հմտությունների կիրառման հնարավորություններ։

4.Ինչպե՞ս կարելի է գրանցվել միջոցառմանը:

Պատասխան.

Միջոցառման գրանցումը կբացվի սեպտեմբերին։ Դուք կարող եք հետևել մեզ STEM Artsakh ֆեյսբուքյան էջով:

5. Որո՞նք են գաղափարների մրցույթի չափանիշները:

Պատասխան.

Գաղափարների մրցույթը գնահատվելու է հետևյալ չափանիշների հիման վրա.

1. Ինտեգրում առարկաների միջև

2. Համապատասխանություն իրական աշխարհի խնդիրներին

3. Միջառարկայական մտածողության խթանում

4. Ռեսուրսների առկայությունը և օգտագործումը

5. Իրատեսական ժամանակացույց և նշաձողեր

6. Տեխնիկական և լոգիստիկ կենսունակություն

7. Կայունություն

8. Ազդեցություն

9. Ներկայացում և հաղորդակցություն

10. Թիմային համագործակցություն

6. Մասնակցության համար մուտքավճար կա՞։

Պատասխան.

Ոչ, STEAM Fest 2024-ին մասնակցելու համար մուտքի վճար չկա: Միջոցառումն անվճար է բոլոր մասնակիցների համար:

7. Միջոցառումը կանցկացվի online, թե offline:

Պատասխան.

STEAM Fest 2024-ը կանցկացվի offline։ Այնուամենայնիվ, միջոցառման որոշ հատվածներ, ինչպիսիք են զրույցները, կարող են նաև առցանց հեռարձակվել:

8. Ինչպե՞ս կհայտարարվեն գաղափարների մրցույթի հաղթողները։

Պատասխան.

Հաղթողները կհայտարարվեն միջոցառման օրը փակման արարողության ժամանակ։ Հաղթող թիմերը կստանան մրցանակներ և հնարավորություն կունենան ունենալ մենթորներ, որոնք կաջակցեն գաղափարի զարգացմանը և կնպաստեն իրագործմանը։

9. Կլինե՞ն արդյոք շփման հնարավորություններ:

Պատասխան.

Այո, STEAM Fest 2024-ի ժամանակ կլինեն բազմաթիվ հնարավորություններ, որոնք կարող եք օգտագործել ծանոթանալու, շփվելու STEAM-ի ոլորտների մասնագետների, մանկավարժների և գործընկերների հետ:

10. Ինչպե՞ս կարող եմ կապվել կազմակերպիչների հետ լրացուցիչ տեղեկությունների համար:

Պատասխան.

Դուք կարող եք կապվել մեզ հետ ֆեյսբուքյան էջի (STEM Artsakh) կամ artsakhstemexpo@gmail.com էլեկտրոնային հասցեի միջոցով: Մենք ուրախ ենք պատասխանել ձեր հետագա ցանկացած հարցի:

11. Ինչպե՞ս կարող ենք աջակցել նախագծին՝ ֆինանսական մասից բացի։

Պատասխան․

Դուք կարող եք դառնալ մենթոր՝ գաղափարների մրցույթի մեր թիմերի համար, աջակցել գաղափարի զարգացման և իրագործման քայլերում։ Եթե որևէ STEAM ոլորտի ընկերության ներկայացուցիչ եք, կարող եք ձեր ընկերությունը կամ դուք անձամբ դառնալ գործընկեր և աջակցել հետագա մասնակից թիմերին։