Սիրելի նվիրատու,

Ուրախ ենք տեղեկացնելու այն բոլոր նախագծերի մասին, որոնք իրականացրեցինք մինչև 2024-ի վերջը։

Ինչպես հիշում եք, մենք սկսել ենք մեր նետաձգության դասերը օգոստոսին և շարունակաբար զարգացրել ենք մեր փոքրիկ համայնքը՝ մինչև տարվա ավարտը ներգրավելով ավելի քան 50 նոր մարզիկ։

Ահա կարևորագույն իրադարձություններից մի քանիսը․

• Օգոստոսից դեկտեմբեր ամիսներին շարունակ անցկացրել ենք նետաձգության դասեր՝ ներգրավելով 50-ից ավելի անհատ։
• Ձեռք ենք բերել 14 ակումբի անդամ, որոնց մեծամասնությունը ավարտել է մեր ներածական դասընթացը։
• Գտել ենք նոր՝ հավելյալ մարզիչ, հնարավորություն տալով նրան վերսկսել սպորտային պրակտիկան ավելի քան երեսուն տարվա դադարից հետո։
• Ձեռք ենք բերել հավելյալ մարզագույք նետաձգական պարագաներ՝ ստաբիլիզատորներ և նշաններ։
• Սկսել ենք ուսուցողական վիդեո բովանդակության արտադրություն։ Տես այստեղ։
• Մասնակցել ենք Հայաստանում անցկացվող “Արևմտյան Հայաստանի գավաթին” մրցմանը։
• Անցկացրել ենք ակումբի խորհրդի տարեվերջյան հանդիպում, ինչպես նաև տարեվերջյան բաց հանդիպում ակումբի անդամների հետ։

Շարունակեք հետևել մեզ և կիսվեք մեր գործունեությամբ։

Սիրով,

Նաիրի նետաձգության ակումբ

Սիրելի նվիրաբերող,

Կրկին մեր հաշվետվության ժամանակն է։ Ուրախ ենք տեղեկացնելու, որ մեր վերջին թարմացումից հետո մի շարք կարևոր նախագծեր ենք իրականացրել։ Գույքը Հայաստան ուղարկելուց, սերտիֆիկացնելուց ու մաքսազերծելուց հետո, անցել ենք բուն նետաձգությանը 😉

• Հուլիսին մեր երիտասարդ մարզուհիների թիմը Բաթում քաղաքում մասնակցեց նետաձգության միջազգային մրցման։ Շատ ուրախ ենք տեղեկացնել, որ թիմը տուն վերադարձավ 1 արծաթե 🥈 և 3 բրոնզե 🥉 մեդալներով։
• Օգոստոսից նոր դահլիճում մեկնարկեցինք բոլոր տարիքային խմբերի համար նախատեսված նետաձգության դասերը ։ Առաջարկում ենք երեք տարբերակ՝ փորձնական դաս, ներածական դասընթաց և ակումբի անդամակցություն՝ փորձառու նետաձիգների համար։ Այստեղ կարող եք ծանոթանալ այդ տարբերակներին, գրանցվել և տարածել լուրը ձեր շրջապատում։
• Սեպտեմբերին պատրաստվում ենք կազմակերպել բաց դռների օր մեր նվիրաբերողների համար։ Այս միջոցառումը անկախ է նվիրաբերած գումարի չափից և կներառի բոլորին։ Իհարկե, ի լրացում այս միջոցառմանը հատուկ պարգևների արժանացած մեր աջակիցների համար կկազմակերպենք անհատական ու խմբակային դասեր, ինչպես և նկարագրված էր նվիրաբերման էջում։ Այս բոլորի մասին ձեզ տեղյակ կպահենք անձնական նամակով։

Առայժմ այսքանը։ Ուրախ կլինենք հանդիպել շուտով։

Սիրով՝

Նաիրի Նետաձգության ակումբ

Սիրելի աջակիցներ, 

Ուզում ենք պատմել, թե ինչպես ենք առաջին անգամ օգտագործել ձեր օգնությամբ ձեռք բերված մարզագույքը։ Մենք տոնել ենք առողջ ապրելակերպը Թումոյի հետ։ 🤝

Այո՜, այս ամառ Նաիրի նետաձգության ակումբը Թումոյի ամառային ճամբարի սաների համար կազմակերպել է նետաձգության դասընթաց` նախատեսված սկսնակների համար` նոր մարզագույքով։ 

Մի ամբողջ օր մենք միասին ենք անցկացրել, որի ընթացքում 

📚զրուցել ենք նետաձգության պատմությունից,

🔎ուսումնասիրել ենք աղեղները, նետերը, կրակելու մեխանիկան, անվտանգությունը,

🏹սովորել ենք կրակել,

🏆մրցել ենք

Եվ ամենակարևորը` զվարճացել ենք, թռվռացել ու ընկերացել: 🤸🏃🌟

Չափազանց հաճելի է գտնել սպորտը կարևորող և նույն արժեքները կիսող գործընկերների։ Կեցցե՜ Թումո ճամբարը։ 

Շնորհակալ ենք, որ մեզ հետ եք։ Խնդրում ենք շարունակել մեզ օգնել և տարածել մեր մասին տեղեկատվությունը, մենք դեռ շատ բաներ ունենք անելու:

Սիրով՝

Նաիրի Նետաձգության ակումբ 

Սիրելի նվիրաբերող, 

Լավ լուր ունենք: Մենք ձեռք ենք բերել անհրաժեշտ աղեղների, նետերի և հիմնական մարզագույքի առաջին խմբաքանակը։ Եվ այսպես, Ձեր ներդրումն օգտագործվում է մեր ամենակարևոր բացերից մեկը լրացնելու համար։

Այս սպորտաձևում աղեղի և նրա մասերի ընտրությունը չափազանց աշխատատար է և պահանջում է նետաձգության մեխանիկայի և նյութերի խորը գիտելիքներ և մեծ փորձ։ Կարևորելով որակը ու հավատարիմ մնալով Հայաստանում նետաձգությունը լավագույն ստանդարտներին բերելու մեր երազանքին` մենք շատ լուրջ ենք մոտեցել մարզագույքի ընտրությանը։ 

• Առաջինը․ որոշել ենք պատվերը կատարել Եվրոպայի լավագույն և վստահելի մատակարարներից։ 
• Երկրորդը․ մեր ակումբի նախագահը մասնագիտական խորհրդատվություններ է ունեցել Իսպանիայի նետաձգության ակումբների առաջատար մարզիչների հետ, ովքեր ունեն երեսուն+ տարիների փորձ այս ոլորտում։ Կազմել է սկսնակ նետաձիգների համար պահանջվելիք աղեղների և մասերի ցուցակը, որոնք կապահովեն որակյալ դասեր և երկար կծառայեն։ 
• Երրորդ․ մատակարարողն ընտրվել է մանրակրկիտ ընտրության արդյունքում։ Չափազանց ոգևորվել էինք, երբ մատակարարը մեր նպատակներն իմանալուց հետո մեզ որոշ մարզագույք նվիրեց։ Այո, անգամ հեռավոր Բարսելոնայում մեր երազանքներին` Ձեզ նման հավատացող գործընկերներ ենք ձեռք բերել:

Հիմա մեր պատվերը Հայաստան ուղարկելու լոգիստիկան ենք կազմակերպում:

Ձեզ սիրով կտեղեկացնենք մեր հաջորդ քայլերի մասին։

Շնորհակալ ենք, որ մեզ հետ եք։ Խնդրում ենք շարունակել մեզ օգնել և տարածել մեր մասին ինֆո, մենք դեռ շատ բաներ ունենք անելու:

Սիրով՝

Նաիրի Նետաձգության ակումբ

Դեկտեմբերին մեր ակումբը առաջին անգամ մասնակցեց տաածաշրջանային մրցման։ Վեց հոգանոց թիմով ուղևորվեցինք Բաթումի, որտեղ մրցեցինք Ղազախստանի, Տաջիկստանի, Արաբական Միացյալ Էմիրությունների և Վրաստանի նետաձիգների հետ:

Վերադարձանք մեկ բրոնզե մեդալով, որը ստացավ մեր Արփին՝ կանանց 21+ տարիքային խմբում: Ինչպես նաև ստացանք բազում գիտելիքներ և փորձ:

Մրցումներն առանցքային դեր են խաղում մարզիկների շարունակական զարգացման, փորձի ձեռքբերման, իրենց ուժերը փորձարկելու գործում։

Շնորհակալ ենք մեր ակումբի բոլոր աջակիցներին։ Միայն ձեր օգնությամբ կկարողանանք ավելի շատ երեխաներ ներգրավել սպորտի մեջ, կազմակերպել և մասնակցել մրցումների։

Սեպտեմբեր 2024 - Դեկտեմբեր 2024 ամիսների հաշվետվություն

Սիրելի նվիրաբերողներ,

Ներկայացնում ենք դեկտեմբերից-օգոստոս ամիսների մեր հաշվետվությունը։ 

Նախագծի բոլոր նորություններին տեսնելու համար այցելեք նաև թարմացումներ բաժինը։ 

Սիրով՝

Նաիրի նետաձգության ակումբ

Դեկտեմբեր 2023 - Օգոստոս 2024

ամիսների հաշվետվություն

Սիրելի նվիրաբերողներ,

Ներկայացնում ենք դեկտեմբերից-օգոստոս ամիսների մեր հաշվետվությունը։ 

Նախագծի բոլոր նորություններին տեսնելու համար այցելեք նաև թարմացումներ բաժինը։ 

Սիրով՝

Նաիրի նետաձգության ակումբ