Վա՜յ, բա՜ն ենք հիշել 🥹

5 տարի առաջ այս օրը կատարեցինք մեր առաջին ֆորմալ գյուղայցը։🤭 Եվ հենց Խաչիկ գյուղ կատարված այս այցից սկսեցինք պարբերաբար դարձնել այցերը։

Այս գյուղայցերի միջոցով Հզոր Միտքը կայծ է ստեղծում համայնքում, որը հետագա երկկողմանի աշխատանքի շնորհիվ կրակ է վառում ու վերափոխում տեղի երիտասարդների առօրյան, մոտեցումները🔥 

💥Շնորհակա՜լ ենք բոլոր այն ընկերներին, ովքեր միացել են այցերի իրագործմանը՝ հատկապես այցերի կատարման սկզբնական ու ծանր շրջանում

💥Շնորհակա՜լ ենք բոլոր մասնագետներին, ովքեր այս ընթացքում իրենց շաբաթ-կիրակիներից տրամադրել են՝ փորձով ու գիտելիքով կիսվելու մարզաբնակ երիտասարդների հետ 🥰

💥Շնորհակա՜լ ենք բոլոր կառույցներին, ովքեր տարբեր փուլերում միացել են այցի կազմակերպման գործընթացին✊

💥Շնորհակա՜լ ենք դպրոցի, մշակույթի տան տնօրեններին և համայնքի ակտիվ այն օղակներին, ովքեր հյուրընկալել են Հզոր Մտքի թիմին🤝

💥Եվ շնորհակալ ենք Հզոր Մտքի մեր թիմակիցներին՝ անկախ ընթացիկ առաջացող խնդիրների ու համայնքում առկա պայմանների (ընդհուպ մինչև այցի կազմակերպումը համայնքի բնակիչներից մեկի տանը🥹) շարունակական են պահում արդյունավետ այս այցերը։

Ձեր աջակցությունը #հզորացնող է ✊

🚀 Մի քանի կետով ամփոփենք վերջին մարզայցերը։

Հասցրեցինք կանգ առնել Տավուշ,Սևքար, Պառավաքար, Աղավնավանք և Սարիգյուղ գյուղերում։

🔥 Սարիգյուղ կատարած այցի ընթացքում երիտասարդների առաջընթացը նկատելով Ճամփորդող գրքերը ապրիլի 14-ին կանգ կառնի հենց Սարիգյուղում։ Դե իսկ տեղում կազմակերպչական աշխատանքները կիրականացնեն տեղի երիտասարդները։

🔥 Պառավաքար կատարած այցին մասնակցող Վարագավանի երիտասարդները խոստացան կազմակերպել քայլարշավ Վարագավանք համախմբելով հարակից համայնքների երիտասարդներին։

🔥 Աղավնավանքի երիտասարդները նախորդ այցից հետո կազմակերպել են քայլարշավ դեպի Աղավնավանք։ Ապրիլի 27-ին կարող եք մասնակցել արշավին, վայելել երիտասարդների և Թովմաս Առաքելի հետ քննարկումները։

🔥 Սևքարի երիտասարդների հետ հանդիպման ժամանակ ծանոթացանք ֆիդայի Սևքարցի Սաքոյի մասին, ում մասին տեղեկացվածությունը բարձրացնելու համար տեղի երիտասարդները խոստացան միջոցառում կազմակերպել։

Մեր համայնքները ուժեղ են հենց տեղի երիտասարդությամբ, ովքեր փոքր կայծի դեպքում նույնիսկ կարող են «վառվել» և սկսել փոփոխությունը։

Հզոր Միտքը հենց այդ կայծն է համայնքների համար ✊

Հզորությունը ձևավորվում է շարունակական աշխատանքով ✊

Այս անգամ այցելել էինք Սյունիքի մարզ, գյուղ Շաքի, որտեղ համախմբել էինք տեղի, Սիսիանի և Անգեղակոթի երիտասարդներին։

Այցի ընթացքում ՝

🔥 երիտասարդների հետ միասին իրականացրեցինք Սիսիանի շրջանում առկա խնդիրների վերաբերյալ խմբային աշխատանք և դրանց խորքային պատճառների և հնարավոր լուծումների վերաբերյալ միասին քննարկում ծավալեցինք

🔥 իրականացրեցինք նաև սեմինար Google-ից արդյունավետ և անվտանգ օգտվելու մասին

🔥 դիտեցինք հատված «Ոտքի կանգնելու կամքը» ֆիլմից

🔥 և, իհարկե, միասին սովորեցինք ու պարեցինք ազգային պարեր

Պատասխանատու և կրթված սերունդը ճանապարհին է։✊

Ձեր աջակցությունը #հզորացնող է ✊

Եկել ենք ձեզ հետ կիսվելու մեր գիշերակացով գյուղայցերից մեկի կադրերով 🔥

Այցելել էինք Լոռու մարզի գյուղ Գոգարան, որտեղ համախմբվել էին Սպիտակի, Սարահարթի և տեղի երիտասարդները` միասին բացելու նոր հնարավորություններ։

Այցի ընթացքում մասնակիցները`

✅Ծանոթացան Հզոր Մտքի կողմից ընձեռվող հնարավորություններին

✅Տեղեկացան արդյունավետ Google-ելու գործիքների ու հնարքների մասին

✅Բացահայտեցին՝ ինչպես դնել նպատակներ և հաջողել դրանք

✅Պատկերեցին իրենց երազած հայրենիքը

✅Եվ, իհարկե, սովորեցին ազգային պարեր։

Իսկ օրն ամփոփեցինք ջերմ խարույկի շուրջ հետաքրքրագույն զրույցներով`

💥Գյուղական համայնքներում գործելու մեծ հնարավորությունների

💥Երիտասարդների մեծ ներուժի

💥Համայնքում ակտիվ թիմերի կարևորության

💥Ամուր հայրենիք ունենալու համար անհրաժեշտ քայլերի ու դրա շուրջ երիտասարդների տեսակետների մասին։

Այս ամենը ինչպես երիտասարդների կյանքում, այնպես էլ համայնքներում մեծ փոփոխությունների սկիզբն է, իսկ դուք՝ այդ փոփոխությունների մասնիկը💪

Ձեր աջակցությունը #հզորացնող է։ 💪

Այսօր աշխարհում նշվում է Բարեգործության Միջազգային օրը:🔥

Օրվա խորհուրդն է մարդկանց միավորել բարի գործեր անելու, աջակցելու, նվիրելու, նվիրվելու գաղափարների ու գործերի շուրջ։✊

Հզոր Մտքի հիմնադրման պահից մինչ օրս #հզորացնող գաղափարներին և նախագծերին աջակցել են մի շարք գաղափարակից կազմակերպություններ, հիմնադրամներ և անհատներ:💪

Եվ ահա համատեղ ջանքերի և ներդրման շնորհիվ մինչ օրս հասցրել ենք մարզեցի հարյուրավոր երիտասարդների կյանքում բեկում մտցնել՝ կազմակերպելով տասնյակ խոշոր միջմարզային միջոցառումներ, ճամբարներ, գյուղայցեր, կրթական ծրագրեր։

Շնորհակալ ենք, որ հավատում եք մարզեցի երիտասարդների ներուժին և աջակցում եք մեր գաղափարներին: 🔥

Ձեր աջակցությունը #հզորացնող է։ 💪

#ՀԶՈՐացում

Օգոստոսի 8-ից 13-ը Հզոր Մտքի Ցանցից 44 մարզեցիների համար կայացավ «Հայրենիք» խորագրով վրանային ճամբար։

Ճամբարի գերհագեցած և բովանդակալից օրերի ընթացքում մեր ճամբարականները հասցրեցին ունենալ`

• փորձի փոխանակման հանդիպումներ ավելի քան 7 խոսնակների հետ, ովքեր կիսվեցին իրենց անցած ճանապարհով և գիտելիքով
• թիմային աշխատանքներ
• գաղափարական բանավեճեր
• մրցույթներ
• ազգային պարերի ուսուցում
• նոր կապե՜ր
• և,իհարկե, համայնքային նախագծերի նոր գաղափարներ։

Իսկ մեր բոլոր երեկոները ամփոփվում էին խարույկով և խարույկի շուրջ մեր խոսնակների ու, մասնավորապես,մեր հիմնադիր Մհեր Մկրտչյանի հետ գաղափարական զրույցներով։

Ճամբարի շրջանակներում ևս մեկ անգամ համոզվեցինք ` այստեղ հավաքված են պատասխանատվություն վերցնող ու Հայրենիքի զարգացման գործում իրենց դերը գիտակցող սերնդի ներկայացուցիչներ։

Շնորհակալ ենք մեզ միացած բոլոր ընկերություններից և անհատներից` գաղափարը կարևորելու և իրենց ներդրումն ունենալու համար։

#ՀզորացիրՀզորացրու

Ողջու՜յն, սիրելի աջակից!!!

Այս անգամ եկել ենք պատմելու Խնձորուտի երիտասարդների գրանցած հաջողությունների մասին։

«Հզոր Միտք» թիմի հերթական այցի ուղղությունը Վայոց ձորի Խնձորուտ գյուղն էր։ Այցից հետո համայնքի ակտիվ երիտասարդները ստեղծեցին նախաձեռնող թիմ և սկսեցին զբաղվել համայնքի ակտիվացմանն ուղղված աշխատանքներով, կազմակերպեցին ճամբարներ։

Իսկ վերջերս, «Հզոր Մտքի» հետ համատեղ, իրականացրեցին միջոցառում, որին մասնակցում էր վայոցձորցի ավելի քան 60 երիտասարդ։

Միջոցառման ընթացքում Խնձորուտի երիտասարդները պատմեցին գյուղի ստեղծման, պատմամշակույթային վայրերի մասին, խոսեցին իրենց նպատակների մասին, միասին իրականացրեցինք արշավ դեպի Օղպին, ազգային պարեր պարեցինք, մրցույթներ կազմակերպեցինք։

Այսօր նրանք արդեն պատրաստվում են երիտասարդական կենտրոնի բացմանը։

Մեր իրականացրած այցերը համայնքներում դրական փոփոխությունների սկիզբ են դնում!

Շնորհակալ ենք, որ դարձել եք մասնիկը Մեծ փոփոխության!!!

Ողջու՜յն!!!

Եկել ենք Ձեզ հետ կիսվելու մեր այցերի արդյունքում գրանցած հաջողության պատմություններից մեկով։

Փետրվարին Հզոր Մտքի թիմով այցելեցինք Վայոց Ձորի մարզ, Ելփին գյուղ, որտեղ տեղի և հարակից համայնքների երիտասարդների հետ ունեցանք սեմինար-քննարկումներ իրենց կարողությունների զարգացման և մեդիագրագիտության թեմայով, միասին քննարկեցինք համայքններում իրենց ակտիվության խնդիրների և հնարավորությունների մասին, նոր լուծումներ տալու հարցում իրենց դերի մասին։

Ելփինի երիտասարդների հետ շարունակական աշխատանքներ տանելու արդյունքում վերջերս Հզոր Մտքի, Ելփին գյուղի երիտասարդների և գյուղապետարանի աջակցությամբ տեղի ունեցավ Ելփինի Հզորանոցի (երիտասարդական կենտրոնի) բացումը, որը միտված է համախմբել երիտասարդներին և կենտրոնացնել նրանց ուժերը համայնքի ակտիվացման և զարգացման գործում։

Այսօր երիտասարդները հավաքվում են երիտասարդական կենտրոնում,

կինոդիտումներ, ժամանցային և ինտելեկտուալ խաղեր, համայնքային խնդիրների վերաբերյալ քննարկումներ կազմակերպում։

Ելփին Երիտասարդական Կենտրոնի գործունեությանը կարող եք հետևել այցելելով հետևյալ հղումով ։

Իսկ Հզոր Մտքի գործունեությանը կարող եք հետևել այս հղումով, ինչպես նաև մասնակցել միջոցառումներին և գյուղայցերին։

Շնորհակալ ենք Ձեր կատարած ներդրման համար։

Ձեր աջակցությունն ազդեցիկ է !!!

Սիրելի աջակիցներ,

կից ներկայացնու�� ենք հունիս-հուլիս ամիսների ծախսերի հաշվետվությունը:

Հարգելի՛ գործընկերներ,

կից ներկայացնում ենք հոկտեմբեր-դեկտեմբեր ամիսների ծախսերի հաշվետվությունը: