Պատանի առաջնորդների դպրոց

Մենք պատասխանատու ենք նրա համար, թե ինչպիսի աշխարհ ենք թողնում մեր երեխաներին:

«ԴիասպորԱրմ» ՀԿ

15 համագործակցության առաջարկ

Ի՞նչ է համագործակցության նախագիծը

Համագործակցության նախագծերի դեպքում որևէ խնդրի լուծման համար անհրաժեշտ են լինում նյութական իրեր՝ սարքավորումներ, հագուստ, համակարգիչներ և այլն, և մարդկանց աջակցությունը գիտելիքի, փորձի և/կամ կապերի միջոցով։

Համագործակցության կարիքներ

Ես դասընթավար եմ

Ես գիտեմ դասընթացավարի

Ես հովանավոր եմ

«Պատանի առաջնորդների դպրոց»-ը վեցամսյա կրթական նախագիծ է Էջմիածին խոշորացված համայնքի` 14 տարին լրացած և ավելի բարձր տարիքի պատանիների համար։

Մեր նպատակներն են․

• Նպաստել ՀՀ բարեկիրթ, մրցունակ, իրազեկ և հայրենասեր քաղաքացու ձևավորմանը,

• Ձևավորել սոցիալական կապիտալի և փոխօգնության հարթակ,

• Աշակերտներին փոխանցել արժեքների, հմտությունների և գիտելիքի ամուր պաշար, որոնք անհրաժեշտ են կայուն զարգացման համար։

Հանդիպումները տեղի են ունենում շաբաթական 2 անգամ՝ սեմինարների, գործնական պարապմունքների և այցերի տեսքով:

Որպես բանախոսներ հրավիրվում են տարբեր ոլորտների կայացած մասնագետներ, ովքեր իրենց փորձով ու գիտելիքներով կիսվելուց բացի լավ կապեր են դառնում ուսանողների համար՝ պատրաստ իրենց ներդրումն ունենալ նրանց հետագա գործունեության մեջ ևս։

Դասընթացները ներառում են հետևյալ թեմաները ՝ առաջնորդություն, ինքնաճանաչում, հուզական բանականություն, արժեքներ և մշակույթ, արդյունավետ հաղորդակցում, տրամաբանություն, հռետորիկա, իրավագիտակցություն, էթիկա և էթիկետ, մարմնի լեզու, տեխնոլոգիա և նորարարություններ, պրեզենտացիոն հմտություններ, նախագծերի կառավարում, արհեստական բանականություն, ֆինանսական գրագիտության հիմունքներ, կառավարման հոգեբանություն, հանրային ելույթ, դիվանագիտություն և այլն։

Եթե պատրաստ եք Ձեր հմտություններով (կամ կապերով) օժանդակել նախագծին, ուրախությամբ և շնորհակալությամբ կհամագործակցենք։ Հանդիպումների տևողությունը 1.5 ժամ է (դասընթացները տեղի են ունենում Էջմիածնում):

Կարող եք նաև դառնալ պատանիներից մեկի վարձավճարի հովանավորը, որը կազմում է 144 000 դրամ (ողջ դասընթացի համար) դրանով իսկ նպաստելով մարզաբնակ աշակերտների կայուն ապագայի կերտմանը։

ՄԵՐ ԹԻՄԸ՝

Անի Հովհաննիսյան

Անին նախագծի հիմնադիրն է և գլխավոր պատասխանատուն։ Ստացել է Կառավարման մագիստրոսի որակավորում Գիտությունների ազգային ակադեմիայում, ինչպես նաև Երևանի Առաջնորդության դպրոցի շրջանավարտ է։ Ուժեղ և զարգացած Հայաստանը Անիի ամենամեծ երազանքն է։

Ցոլին Սարիան

Ցոլինը ԴիասպորԱրմ ՀԿ-ի գործադիր տնօրենն է։ Նա մագիստրոսի կոչում է ստացել Բոստոնի Northeastern համալսարանում՝ ոչ առևտրային կառավարման ոլորտում: Իրականացնելով իր վաղեմի երազանքը՝ Ցոլինը 2021 թվականից հաստատվել է Հայաստանում։

Հովել Շնորհոքյան

Ֆրանսահայ հասարակական գործիչ, գործարար։ Հանդիսանում է ֆրանսիական Moog Paris ժամացույցի բրենդի հեղինակ-դիզաներ և կազմակերպության տնօրեն, ինչպես նաև DiasporArm հասարակական կազմակերպության հիմնադիրն է։

ՄԵՐ ԱՋԱԿԻՑՆԵՐՆ ԵՆ՝