Ստեփանավանի զբոսայգին (12,600 քա․մ․) միակ այգին է քաղաքում, որը գտնվում է քաղաքի կենտրոնում։ Այգին ունի 4 էլեկտրոնային կարուսել, որոնք բոլորը գտնվում են տեխնիկապես թերի վիճակում, չեն ապահովում անվտանգության նորմատիվային կարգը և գրեթե չեն օգտագործվում: Այգում կատարվում են ծառերի էտման, երիտասարդացման աշխատանքներ, սակայն զբոսայգու կենտրոնական և հարակից բոլոր անցուղիները անբարեկարգ են, քայքայված, թեքված, ծռմռված եզրաքարերով, ծաղկանոցների հենապատերը վնասված են, կարուսելների ցանկապատերը ժանգոտված են։ Այգին լայնածավալ վերանորոգման կարիք ունի։

 Անբարեկարգ լինելու պատճառով այգին չի կարողանում բավարարել բնակիչների, հատկապես երեխաների կարիքները։ Քաղաքի և շրջակա գյուղերի երեխաները չունեն մի զբոսայգի, որտեղ կարող են խաղալ և օգտվել մանկական զվարճանքներից։ Բացի այդ, զբոսայգու անտեսված տեսքը իր բացասական ազդեցությունն է ունենում Ստեփանավանի՝ որպես քաղաքի, գրավչության վրա։ Ստեփանավան քաղաքը սկսել է իրագործել տաղանդների և բիզնեսների ներգրավման իր օրակարգը, որի մի մաս է կազմում նաև քաղաքի կենտրոնում գեղեցիկ, մաքուր, կանաչ, գրավիչ զբոսայգու ստեղծումը, որտեղ տեղի բնակիչները և այցելուները իրենց ընտանիքների, երեխաների հետ կկարողանան իրենց ժամանցն անցկացնել։

Հետևաբար, նախաձեռնության նպատակն է ՝ ի թիվս այլոց, բարձրացնել Ստեփանավանի գրավչությունը ՝ քաղաքային այգու բարեկարգման և արդիականացման միջոցով:

Անհրաժեշտ աջակցություն՝

Զբոսայգին հիմնանորոգման կարիք ունի, ներառյալ՝

- Ձեռք բերել և տեղադրել նոր կարուսելներ և պարզ տիպի մարզական և խաղային գույք

-Գիշերային դեկորատիվ լուսատուների հիմնանորոգում, ծառերի խնամք և էտ, գազոնների հողալցում, բուսական շերտի վերականգնում, մետաղական ցանկապատերի կառուցում և այլն, այգին հասանելի դարձնելու բոլորի, այդ թվում ՝ հատուկ կարիքներ ունեցող մարդկանց համար:

-Համայնքապետարանը տրամադրում է հիմնանորոգման համար անհրաժեշտ ֆինանսական ռեսուրսների մի մասը և փնտրում է համաֆինանսավորող (50-60 հազար ԱՄՆ դոլար) գործընթացը սկսելու համար։

- Անհրաժեշտ է նաև մասնագիտական աջակցություն ճարտարապետության և քաղաքային տարածքների նախագծման ոլորտում։

Նախաձեռնությունը ներկայացվում է ՀՀ-ի Ստեփանավանի քաղաքապետարանի կողմից․ Քաղաքապետարանը ակտիվ աշխատանքներ է սկսել Ստեփանավան քաղաքը «հանգստի գոտուց» բացի կանաչ «բնակվելու գոտու» փոխակերպելու ուղղությամբ: Միջազգային գործընկերների հետ համատեղ մի շարք ծրագրեր են իրականացվում քաղաքային բրենդինգի, շարունակական կրթության և հեռավոր աշխատանքի խթանման, տաղանդների և բիզնեսի ներգրավման, քաղաքացիական ավիացիայի կլաստերի վերագործարկման, այլընտրանքային էներգիայի խթանման և այլ ոլորտներում։

Զբոսայգու վերանորոգումը այդ զարգացման ճանապարհի նախաձեռնություններից մեկն է։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին