«Մարզերի երեխաները մարզերում» ՀԿ-ի գլխավոր նպատակներն են օգնել մարզերի երեխաներին ձեռք բերել բազմաթիվ գիտելիքներ ու հմտություններ և նպաստել համայնքների համաչափ զարգացմանը՝ պատանիներին ու երիտասարդներին ներգրավելով մասնակցային կառավարման գործում։

ՄԵՄ ՀԿ-ն մշակել է կրթական ծրագիրը, որը 1 տարի ժամկետով և 4 փուլով իրականացվող կրթական նախագիծ է։ Կրթական ծրագրի շրջանակում մարզերից 14-18 տարեկան պատանիներ ձեռք են բերում մի շարք կոշտ և փափուկ հմտություններ, որոնք լրացնելու են ֆորմալ կրթության բացերը և օգնելու են՝ դառնալու մրցունակ մասնագետ, մասնակցելու ՏԻՄ կառավարման գործընթացներին, համայնքներում իրականացնելու զարգացման նախագծեր, նախաձեռնելու փոփոխություններ։

Ընդհանուր նպատակին հասնելու և կրթական ծրագիրը իրականացնելու համար հաճախ հարկավոր է լինում դիմել համապատասխան ոլորտների մասնագետների օգնությանը քանի որ երեխաների և երիտասարդների մասնագիտական աճի և ընդհանուր զարգացման համար հիմնական խնդիրներից մեկը ուղղորդող, ուղեկցող մենթորի բացակայությունն է։

Այսօր ևս բազմաթիվ մարզեցի երեխաներ ստանում են մասնագետների օգնությունը տարատեսակ հարցերում, միասին ձեռք են բերում գիտելիքներ և զարգացնում հմտություններ։ Դա արվում է ինչպես անհատական, այնպես էլ թիմային մենթորինգի, օնլայն հանդիպումների, համատեղ աշխատանքի ու օֆֆլայն մարզային այցերի միջոցով։ Դուք կարող եք աշխատել երեխաների հետ նախագծերի և գաղափարների վրա, անել վեբինարներ, միասին ստեղծել թիմեր, տալ առաջադրանքներ, վարել օտար լեզուների ակումբներ, դառնալ ՄԵՄ կրթական ծրագրի դասընթացավար և այլն։

Միանալով «ՄԵՄ»-ին, դուք նույնպես կարող եք ուղղորդել բազմաթիվ երիտասարդների տարատեսակ հարցերում՝ օգնելով կողմնորոշվել մասնագիտության հարցում, ձեռք բերել մասնագիտական գիտելիքներ և փորձ։

Մարզերի երեխաները ունեն հետևյալ մասնագիտություններն ու հմտություններն ունեցող մենթորների կարիք․

ՄԵՄ-ի կառավարման բաժինների, ծրագրերի և մարզային թիմերի համար մենթորություն․

• Նախագծերի կառավարում

Անհատական մենթոր․

• Հոգեբանություն

Կրթական ծրագրի դասընթացավար․

• Կառավարում
• Վաճառքի մասնագետ,
• Առաջնորդություն,
• Կամավորություն,
• Էմոցիոնալ ինտելեկտ,
• Արդյունավետ հետադարձ կապ,
• Հաղորդակցման և ներկայացման հմտություններ,
• Պաշտոնական էլեկտրոնային նամակագրություն,
• Բանավիճելու հմտություններ,
• Անգլերեն և ռուսերեն լեզուներ

Եթե դուք նույնպես ցանկանում եք դառնալ այս ամենի մի մասնիկը, ապա դարձեք մենթոր և ներդրում արեք ապագայում։ Այս պահին 75 մենթորներ արդեն անում են դա։